محتارة باولادي انصحووني

كيفكم ياحلوين ان شاء الله بخير

انا حابه افتح موضوع وابغاكم تفيدوني لاني محتاره

انا كنت متزوجه قبل كدا وانفصلت عن زوجي وعندي منه ولدين
ودحين انخطبت لولد خالتي حب عمري اللي كنت مخبيته بقلبي مااحد كان يدري وهو ناوي يقدم ع بعثه برا والشي اللي محببني فيه اكتر انه يحب اولادي ومعتبرهم اولاده حتى بتعامله معاهم يحاول يعلقهم فيه ويحببهم فيه,,
بس ناوي اذا جات البعثه نتزوج ونسافر وناخد اولادي معانا مع العلم اني مااعرف انجليزي يعني راح احوس لوحدي هناك من دونه …
وانا رافضه فكرة اني اخدهم معايا رغم انه مايهون عليا اني اتركهم بس شي غصب عني لو صار علينا شي وهو مو موجود مااقدر اتصرف …
وكمان اذا رحت هناك لازم ادرس لغه فا الوقت اللي اروح فيه الكورس فين احطهم هم اطفال بالذمه 4 و3 سنين….
بنفس الوقت ابوهم ماراح يرضى اني اخدهم او يخليهم عندي بعد الزواج او حتى وقت دخول المدارس راح ياخدهم هو اداني مهله الين المدارس وياخدهم
وكلها كم شهر وتجي البعثه لخطيبي,,

فا انا مررررررررره محتاره فيدووني..