ما زالت كلماتها ترن بأذنى ….!

صباح / مساء الخيرات …

انا بزمناتى .. رحت لحرمه بالدمام ينقال لها ( ام خالد ) وصتنى وحده من صديقاتى اروح لها

مدحتها لي وقالت انها تمرخ وتقرا وتعرف اذا فيك نفس او لاء .. وانها سرها باتع بعد الله طبعا

ثم قرايتها تشافو على يدها ناس كثير سواء من مرض مصتعصي او من عقم ماله سبب وكذا يعنى ..

عاد انا وقتها بصراحه قلت حيلتى .... وتعبت من المستشفيات ورحت لام خالد طيرررران

اول شي يوم دخلت لقيت عندها زحمه .. ولقيت وحده عند الباب توزع ارقام اخذت رقم …

وانتظرت دوري … المهم يوم جاء دوري دخلت واستقبلتنى ام خالد دخلتنى غرفه كلها كراتين ..

وخرابيط مدري وشي وكرسي وجنب الكرسي زي الملازم والدفاتر القديمه .!! عاد انا استغربت وقالت

لي ام خالد شوفي يا بنتى هاذى الاوراق والدفاتر اقريها.! عاد انا استغربت قلت انا جايه اتعالج ولا جايه اذاكر . قالت لي تعالي المس بطنك واشوفك <وانا صديقتى قالت لي روحي لها وانتى عليك الدوره يستحسن ثانى يوم …

قامت الحرمه تمرخ ببطنى .. بصراحه ما قدرت اتحمل تمريخها حسيت انها بتقطع بطنى .. ❗

قلت لها يا ام خالد شوي شوي ترا شوي وبصيح قالت لا ما عليك هاذى واضح ان فيك نفس حتى شوفي رحمك متعقد … كله عقد من العيون .! وهاتك يا مرخ .. بصراحه عجزت اتحملللللللللللللل

وقمت وقلت معليش الله يجزاك خير انا مقدر اتحمل اكثر من كذا بطلت ما ابيك تمرخينى كم حسابك لانى بروح ..
قالت لي وهي مستغربه ما تبين تجين بكرا وبعده عشان اكمل تمريخ قلت لها لا … شكرا كذا وكفايه
انا تمرخت قبل وعجزت اتحمل وهو اخف من تمريخك ع العموم مشكوره .. قالت لي حسابي 200 ريال

وانتى بكيفك بس ترا انا جتنى مره دكتوره تقول انها سافرت لكل مكان تدور الحمل ولا حصل الحمل

الا يوم جتنى ومرختها زي كذ وحملت …

عاد انتى ترا مثلها ( وقالت لي ما رح تحملين انتى مستحيل لو تسافرين لأخر الدنيا مالك الا هاذى العلاج واذكرك بعدين …. انا نصحتك وانتى بكيفك ) وحسيت انها زعلت ..!!

بعدين جلست تقريبا اسبوع كامل اسفل بطنى كله كدمات لونها اسود من تمريخها .. 🙁

وبصراحه انا ما ارتحت لها … 😆

بصراحه اوجعنى قلبي بعد كلامها . صحيح انا مؤمنه بالله وان ربي هو الرازق لا ام خالد ولا غيرها بس كلامها عجزت انساه سبب لي عقده .. هاذى الكلام صار قبل 5 سنوات تقريبا وعقبها ما عاد طبيت على الحريم الي يمرخن ابد ..
وزي ما ذكرت لكن انى سويت 6 عمليات حقن مجهري وفشلت و2 عمليات اطفال انابيب وفشلت ..

عاد مدري ليه مع كل فشل اتحمد الله على كل حال .. وكلام ام خالد يرن بأذنى يوم تقول لي ما راح تحملين 🙁 حسبي الله عليها .. ضيقت خلقى ..