عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي الفراشات اليوم سمعت قصة أثرت فيني لدرجة البكاء ووالله هذه القصة حقيقية وليست من نسج الخيال لأن أختي هي اللي قالتها لي وهي أيضا مصدومة مثلي ،أختي معلمة إبتدائي في حي من الأحياء باحد المدن وهي معلمة عربي وأيضا مراقبة لدور الصف الخامس وبحكم طبيعة عملها فهي تشرف على حضور وغياب الدارسات وكانت تلاحظ طالبة كثيرة غياب من الترم الماضي ودائما البنت باين عليها علامات التعب والإرهاق وكانت تسأل زميلاتها المدرسات عن هذي البنت كانوا يقولوا تلاقيها شغالة مع مطربات ويمكن تحضر أفراح ويمكن علشان كذا تغيب وتتعب المهم تقول أختي أنها كانت تقولها أحضري أمك علشان تتكلم معاها على الغياب لكن الجواب اللي تلاقيه من البنت هو السكوت لاغير وكل ما اتصلت على رقم البيت لايوجد رد نهائي المهم أختي صار قلبها يغلي على حال البنت وأمس لاحظت أختي على البنت أنها مرهقه لدرجة أن البنت ما هي قادرة تقعد بطريقة سليمة تقول أختي صراحة شكيت في جلسة البنت ونادتها خارج الفصل لغرفة المراقبة وبعد ماخلت البنت تتمدد على الكنبة وترتاح وجابتلها عصير حتى تطمنها أخذت تسألها عن أخوانها يعني فتحت معاها مواضيع وتكلمها علشان تعرف حكايتها وبعد جهد من أختي أتكلمت البنت وتقول أختي ليتها ما أتكلمت أول شيء جلست تبكي البنت وبعد ماهدأتها أختي قالت البنت أنها أكبر أخوانها وأبوها مطلق أمها وهم عيلة فقيرة والطامة الكبرى أن الأم مدمنة حشيش وفي بجانب بيتهم محل يبيع المعسل والجراك وكمان يبيع الحشيش بالدس فطبعا الأم المدمنة لمن ماتلاقي فلوس الحشيش أيش تعمل؟؟؟؟؟ تصوروا إنعدام الرحمة من قلب هذي الأم هي طبعا متفقة مع صاحب المحل إذا تبغى حشيش وما عندها السعر بسيطة أرسلك البنت وخذ اللي تبغاه منها وإذ انتهيت أرسل معاها الحشيش تخيلوا طفلة لاحول لها ولا قوة بين يد هذا السافل ولمن أختي سألتها أنتي ليش توافقي تروحي قالت هي تضربني بعلاقة الملابس علشان أروح وسألتها أختي عن أبوها ليش ماتروح عنده قالت هي أصلا ماتعرف طريقه والمصيبة لاعندها عمان أوخوال أو حتى أجداد وما عندها إلا هذي الأم عديمة الإحساس والضمير أم دايما في اللاوعي تقول أختي والله حزنت على هذي البنت لكن ماني عارفة أيش أعملها ؟ أخواتي بالله عليكم أيش ذنب هذي المسكينة أنها جت عند أم وأب معدومي الضمير ؟
وأيش بالإمكان أنن نعملها أعطوني حل الله يجزاكم خير.
