عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
الموضوع واضح من عنوانه
اللي صار لها موقف في المدارس الاهليه تسدحه هنا
وحبذا لو تذكر اسم المدرسه اللي صار فيها الموقف عشان نعرف سمعة كل مدرسه
بالنسبه لي أنا انسانه ماخليت ولا مدرسه بشمال الرياض ماقدمت فيها
اكثر من عشرين مدرسه رحت لها ولا لقيت فيهم وظيفه تضفني 
قسم بالله كل ماشافني ابوي يقول لي وينك عن النت دوري وظيفه لا تجلسين كذا
وش بيدي انا اسوي والله مابقى الا البقالات ماقدمت فيها
قدمت بمدارس الفرسان الاهليه وعطوني قطعه عن الثعلب والانب قالوا اقريها وقاموا يسالوني فيها
وش دخل تخصصي الجغرافيا في الثعلب والانب!!!!!!!!!!! ➡
رحت بعد مدارس البيارق الاهليه
ولطعوني ساعتين وابوي ينتظرني على اساس اني بشرح واطلع
وبالاخير من جاني !!!
سودانيه تاخذني معها للفصل عشان تقيم شرحي !!!!!!!
والله احس بقهرررررررررررر
شي يحر القلب
سودانيه تقيم سعوديه ببلدها على التدريس
آآه بسسس
والا وحده ثانيه من تصفحي بالنت شدني كلامها تقول
انا سويت مقابله وانا اخصائية اجتماعيه …
خلوني اسمع قران …
مدري وش دخل هذا في هذا
<<تخيلي نفسك موقفها
جالسه بغرفة المشرفه تسمعين قران عشان يقبلونك او لا !!
والثالثه تقول ..
اغـلب المدارس الخااااصه تطرد مدرساتها … عشان كلام الموجهات ..
انا درست شهرين .. وحضرت لي موجه.. وسالتني عن اسم لعبة وماعرفتها .. وراحت قالت للمديره هذي
معلمه داجه وياليت لو تغيرونها .. شفتو كيف اقطعت رزقــي .. الله يقطع رزقها
ههههههههههههههه هذا الشي المضحك المبكي
واللي بعدها على لسانها تقول
انا درست في مدرس دار المعارف وم صدقت اطلع قذارة وصاحبه المدارس نقالة حكي وحسود وكذلك المساعده لما قلت لهم اني بي اطلع رفضت المديرة تقول اني متمسكه بك(امحق تمسك)ووووووووووووووووووووووووووووووع مرة المدرسه ماصخه انقلي حكي تقعدين وكانت عندهم معلمه والى الأن موجودة قمه في الوقحه
بس الله يرزقنا الوظائف الحكوميه
بنات اي وحده قامت من صباح الله وراحت تسوي مقابله ورجعت مكسوورة الخاطر تكتب لنا وش صار لها
انتظر تفاعلكم 
