مآبعد توبتي .. <- موآقف صارت لي <- حيآكم

مرت تقريبا 8 شهور على توبتي لله سبحانه وتعالى وابتعادي عن المعصية أللي كنت أقترفها ..
كنت متعرفة على شخص ومرت أحداث كثيرة .. وبالنهاية اتفقنا إننا نبعد عن بعض لوجه الله وبس ..
وش أقولكم يابنات .. ماأقول إني نسيت .. وماأقول إني تذكرت !!
تغيرت بي أشياء كثيرة وكثيرة وكثيرة .. والله العظيم ماتخيلت إني يوم من الأيام بكون كذا .
أحس براحة وأحس بطعم الصبر .. أحس إني أصبر لشي أكبر .. ثقتي بالله سبحانه وتعالى كبيرة ومالها حدود ..
صارت لي مواقف كثييييييرة من بعد ما تبت ورجعت لله .. حبيت أكتبها لكم يابنات حتى تتحمسون وتتأكدوووووون إن ربي سبحانه أجود الأكرمين وأكرم الأكرمين وإن أللي يترك شي لله يعوضه ربي بأشياء والله العظيم ماتطري على باله ..
والله يابنات مرت علي أيام بكل ليلة أصيح أصيح أصيح ليييين يتقطع قلبي .. بس كنت ميقنة إن هالصياح وهالدموع تبي تغسل ذنوبي كلهن .. كنت أصبر وأصبر وأصبر .. تعبت تعبت وكذا مرة كنت أبضعف .. بس الحمد لله قدرت أسيطر على الشيطان وقتلته بالاستغفار .. كنت أستشعر إن هالتعب أسويه لله .. كنت استشعر إن كل أللي يصير لي تكفير وتمحيص ذنوبي .. كنت أستشعر إن ربي يبي يعوضن ويبي يفرح قلبي ويبي يجييييييين خير خير بس لازم أصبر .. والله يابنات على كثر مابكيت وتألمت وتحسرت .. على كثر ماأنا الحين أحس براحة وانشراح وقناعة ورضا ياااااااااارب لك الحمد ياااااااااااااارب لك الحمد يااااااااااااارب الحمد ..

بقولكم بعض المواقف أللي صارت لي ..

الموقف الأول ..
كنا مسافرين على المدينة .. وكنا آخذين معنا لاب توب وكاميره وقيمتها مهب رخيصه يعني تعتبر أشياء ثمينة .. بالعودة ويوم وصلنا المطار راجعين للرياض ركبنا ليموزين عشان يوصلنا للبيت .. وصلنا متأخرين وتعبانين وماتفقدنا الأغراض زين ونمنا بدون شعور .. الصباح صحى أبو الشباب ونتقهوى والذي هو بعدين سألن قال وين الكميره واللاب توب أنا نزلتهن من الليموزين ؟! قلت مااااأدري والله !! ونقوم ندور .. يمين يسار عفسنا البيييييت كله مافيه شي .. تأكدنا بالنهاية إننا نسيناهن بالليموزين .. أنا وقته قلت لرجلي أنا ووووااااااثقة ومتأكده إن ربي مايخيبنا وأللي يحفظ الله يبي يحفظه .. توكلت على ربي وتأكدت إن الأغراض تبي ترجع .. جاء العصر وراح زوجي للمطار .. يحاول يلقى صاحب الليموزين أو أقل شي يسأل أحد عنه .. بذل اللي قدر عليه ورجع ..
نمنا بذيك الليلة الوضع عادي وأنا بداخلي محسنة الظن وعندي شبه يقين إن الأغراض تبي ترجع ..
صحيت الصبح وفتحت إيميلي من جهاز البيت .. لقيت إيميل واصلن واحد حاط رقمه ويقول الرجاء الاتصال بي ضروري لأنك نسيت أغراضك معي بالليموزين <– <- انا صاااارن عيوووووووني زي كذا وقمت طيران لرجلي وقلت تعال شف الإيميل شف وش السالفه .. اتصل عليه رجلي ورد عليه صاحب الليموزين وقال اعذرن مالقيت إلا هالطريقة ! قال رجلي أي طريقه ! قال إني فتحت جهازكم أللاب توب وحصلت الايميل بالمسنجر .. وأرسلت رسالة لهالايميل قلت عل وعسى توصلكم

أما الموقف الثاني ..
أهلي وضعهم المادي موش ولا بد .. وبيتهم تأجير .. طوووووول عمرنا ماتملكنا بيت .. ولا كنا نفكر أبد بيوم من الأيام إنه نبي نتملك ..
وسبحان الله بعد توبتي بشهرين تيسر بيع مزرعة لنا قديمة .. ومن يومه وأنا أدعي إن الله يرزق أهلي البيت الملك الحلال .. أدعيييييييه من قلب وخاصة برمضان ..
والحين أبشركم دفعوا أهلي عربون للبيت وقريبا إن شاء الله يبي يسكنونه
ونفس الشي مازلت مااستووووووووووعب إنه فعلا يبي يصير لأهلي بيت ملك !! أحس إن كأني بحلم !!

ياااااااااااااااااااااااااه يارب .. ماأكرمك وماأرحمك ..
يابنات والله ربي مايخيب أحد والله إنه أرحم بنا من أمهاتنا .. والله ربي رحيم غفووووووووور كريييييم جواد ..
أنتي ابذلي الأسباب .. أعطي الله مايحب .. صلي ادعي صومي طيعي زوجك طيعي والدينك ابعدي عن الاغاني ابعدي عن المعاصي استغفري فكري بالاخرررررررررره .. شوفي وشلون تبي تغير حياتك .. توبي من قلبك وادعي إن الله يخلصك من كل ذنب أنتي ماقدريت تبعدين عنه .. جااااااااااااهدي نفسك جااااااااااااهدي نفسك .. تذكري إن الجنة تبي عمل .. تذكري إن الجنــــــــــــــــــــة فيها شي ماخطر على بالك ولا على بااااااااالي ولا على باااااااااااااااال مخلوووووووووووق على وجه هالدنيا .. تذكري من تبي تشوفين بالجنة .. تذكري أللي يعزوووووون عليك تذكري أللي تركتييييييييهم لوجه الله تذكرررررررررررررررررررررررري فرحتك وشعورك وقته .. < أنواع الدموع
والله يابنات أنا نادر أكتب مواضيع .. بس اليوم أحس ودي أوصل لكم المواقف أللي حصلت لي .. ومن تجربتي أنا ماحد قال لي ..

صااارت لي مواقف كثيرة والله لو أجلس إلى بكرى ماخلصت .. ويكفي إن ربي رزقن بعد توبتي علطوووووول بحمل .. والحمد لله الطفل سليم وكل شي على مايرام .. والله يبارك لي فيما رزقني يارب والله يرززززززززقكم كلكم ويفتح عليكم أبواب رزقه ياحي ياقيوم ..

أحس موضوعي ملخبط .. ومهب مرتب .. بس إن شاء الله يكون الهدف من كلامي وصل ..

اللهم صل وسلم وبارك على نبينا محمد وعلى آل محمد ..