عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اولا الموضوع ماهو منقول او ملطوش من كتابتي وواقعي
حياة البنات كيف صارت ؟!
طبعا شايفين الاعلام والفضائيات والنت ووو الخ..
كيف صارت تستهوي البنات
وفرت لهم كل شي
من قنوات موضه وتجميل وبرامج وافلام هابطه ومسلسلات
يعني مالك الا تجلسي وتتابعي واللي يجي يجي
بس بعد المتابعه والمشاهده يبدأ التقلييد
من قصات شعر
للبس
للحركات
احيانا في اشياء الوحده ماتعرف وش تسوي اصلا
بس المهم انها تقلد انها تكون فلــــه وكشخه
مااقولك لاتسوي لاتلبسي.. بس البسي ابيض واسود
لا
البسي اللي تبين من الالوان وسوي اللي تبين
بس بحدود عقلك ومجتمعك واذا سئلتيها تقولك
انتي ماتعرفين خليك مع العجايز
على فكره !!
العجايز اللي تتكلم عنهم لو كانو يعرفون ان هالجيل بيطلع كذا ماكان
تعبو نفسهم وجابونا
قبل كم اسبوع…
في الشارع وحده ماشيه والله العظيم ان العبايه مفتوحه
ولابسه بنطلون برمودا ماعرف كيف تتحمل
ضيق بمعنى الكلمه
مااقولك انا ملاك ماالبس بناطيل ولااغلط
كلنا نغلط بس لازم نحل الغلط ونرجع نتوب
الاغاني ..
ليل ونهار معها الـmp3
طيب ممكن تستعمليه في شي ثاني
تحطين اناشيد او قران وتسمعي
والحين حديث الجيل
البلاك بيري
اللي مامعها بلاك بيري اسمحولي
قرويـــــــــه
اي هذا كلامهم او انها ماعندها فلوس تشتري اهلها فقراء
وربي في ناس معهم فلوس الدنيا ومافيها
بس يعرفون هالشي تفاهه وماله اي قيمه
الوقــاحه..
صار عادي اطول لساني على اللي درستني اللي ربت اجيال
ولا مش بس عليها على امك
اللي تعبت فيك سنين وهي تكبرك وتعطيك من وقتها
عاااادي تصرخين عليها صار
مكالمه ..
لازم يكون عندك بوي فريند
ولاماتكونين عاديه اكيد فيكي شي
مسن..
لو ماحطيتي صورتك فيه يعني عارفه نفسك شينه
طيب انتي ياللي حاطه صورتك لما يجي احد يسرق صورتك او يصكك عين تعرفين انه مو لازم احط صورتي
من البدايه اتقي الله وخلاص
بويـــه..
عادي قاصه شعري ولد واتكلم مثل الاولاد
ولازم يكون عندي صديقه ترى هذا تغييير خلقه
ومحـــــــــــــــــــــرم
الحــــــــل..
اولا بقول للي ماراحو بهالطريق الله يثبتكم ولاتسمعون كلام اي وحده لانها بتكذب عليك وتروح بطريقها ولاكانها تعرفك
واللي مشو بهالطريق الله يهديكم وترجعون مايهمك كلام الناس اوه شوف كيف صارت رجعت لزمن اول
مايهمونك الناس لانه راح تاخذين اجره بالاخره
ونصيحـــــــه يابنات خلوكم مثل ماانتو على الحق والهدايه
اللي تسمع اغاني تخفف لين تتركها وتتوب
اللي بويه ترجع لطبيعتها وعادي يمديـــــك
واللي تكلم تخفف الى ان تتركهم
واللي تعلي صوتها تحترم نفسها عشان يحترمها الغير
ونظرات التكبـــــــر ابعدو عنها اللي تطالعك بطرف عينها كانها ملاك وانتي كانك ولاشي
كلنــــــــــا سواسيه
واخيرا
اللهم اغفر للمؤمنين والمؤمنات الاحياء منهم والاموات وثبت قلوبنا يالله وارحمنا برحمتك التي وسعت كل شي
اتقبل النقد البناء وتعليقاتكم
