للي لازم تطبخ وما فيها.. بس لازم تطبخ

مرحبا …
يعني هدي الاكلة او الطبخة سههههههلة وانا اخدتها من التلفزيون كان في برنامج على الام بي سي
يستضيف مشاهير عرب ويطبخو اكلتهم المفضلة ودي الطبخة من (جويل ماردينيان) تعرفوها ؟ بلصراحة احلى..
المهم انا وحدة كسوووووولة في الطبخ ماحب الطبخ ابدا ولما عرفت الاكلة هادي سرت كل ماكنت مكسلة اطبخ اسويها وزوجي ما يحب غير اكل البيت (اتورط مسكين بوحدة زيي ماتعرف تطبخ)هههه 😈 😛
خلوني ابدأ
المقادير:
صحن صدور دجاج بدون عظم..
مشروم قد ماتحبي..
رز حسب الكمية اللي تبغيها..
مكعب ماجي للرز الابيض..

الصلصة:
علبة لبن زبادي..
2 ملعقة اكل مايونيز..
4 فص ثوم مهروس..
ملح وفلفل اسود..

نقطع الدجاج المكعبات ونحمرو مع قليل من الزيت ونضيف له البهارات المشكلة واللي تحبه
الين مايستوي تحطي معاة المشروم ..
وبعدين تخلطي مقادير الصلصة في زبدية لحلها وبعدين تكبيها فوق الدجاج والماشروم وتخليها على نار هادية لمدة 3-5 دقائق..
وبعدين تعملي الرز الابيض مع مكعب ماجي للرز الابيض .. وبعد مايستوي الرز
تحطيه في صحن التقديم وفوقو الخلطة يعني خلطة الداج تصبها فوق الصحن اللي فيه الرز
وتزيني الصحن بلطريقة اللي تعجبك ..
وخـــــــــــلاص

لا تبخلوا بلدعاء الطيب ليا ولزوجي واولادي
😳