عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفك يامدامات ان شاء الله بخير؟؟
انا داخله مسرعه وبكتب كل الي في قلبي أبي أحد يواسيني والي عندها حل لاتبخل علي والي نفس حالتي تقولي عشان احس اني مو لحالي الي اعاني
انا ولدي عمره 4 شهور الآن الله يحفظه طلع براسي الشيب والله ان شعر راسي طاح مابقى فيه شي
عدو واغلطو بقولكم مشاكلي وحده وحده
الاولى ولدي نحيف يرضع من هنا ويرجع من هنا وانتو بكرامه مايبقى الحليب ببطنه تجيه ايام يهدا وتجيه ايام يسبحني تسبيح والله بدون مبالغه اني اغير ملابسي انا وياه باليوم ثلاث مرات زهقت منه
المشكله الثانيه اصبعه مايطلع من فمه من طلعت من النفاس ورحت بيتي جنني يبكي طول الوقت لين وصل لحل انه يمص اصبعه عشان يسكت نفسه بنفسه وتعبت وانا احاول فيه بجميع الطرق مافي فايده لاتقولون لي استخدمي مره او صبره او مناكير ستوب كل هالامور احسها بتعور بطنه لانه لسى صغير
المشكله الثالثه وانتو بكرامه مايوسخ الا مره بالكثير مرتين بالاسبوع انتو متخيلين؟؟ يعني امساك فضيع ولما وديته عيادة الدكتور فهد الزامل قالي عادي كل الاطفال كذا بس انا ماني مرتاحه يعني لما يوسخ احسه يتعب مسكين ماودي اشرح واقرفكم بس انتو عارفين كيف الامساك متعب فكيف لما يكون طفل؟؟
المشكلة الرابعه مايبي يجلس بالارض ابد والي مجنني اكثر انا احطه بالجلاسه يصير يبكي واشيله يبكي ألاعبه يبكي تعرفون ايش يبي؟؟
يبيني ادور فيه في ارجاء المنزل (اقصد الشقه) يعني مو معقول صراحه انا معاد صار عندي وقت حتى لنفسي والله اني لما ادخل دورة المياة اعاني وانتو بكرامه اخلي قدام الباب في الجلاسه وباب الحمام مفتوح لانه يصير يبكي!!!!!!!!!!!!
ماادري كيف صار كذا مزعج مره مره المشكله احيان اطلع من طوري اخاف اطقه وهو صغير قسم بالله اهلكني سحب عافيتي كلها
شقتي دايم وسخه مهما نظفت فيها من اصحى من النوم وانا اكرف لين انام 10 ساعات وهو على يدي وساعتين اطبخ وساعتين انظف وساعه ارتاح فيها هذا جدولي اليومي هلكت هلكت
جربت كل الحلول كل يوم انظف مكان مع ذلك البيت وسخ مافي فايده
ايش اسوي والله تعبت ماني قادره اعيش بهالوضع انا متعوده على النظافة وحتى نفسي كنت اهتم فيها كثير الحين مااقدر كله منه والله بديت اكرهه حتى دراستي قدمت اعتذار هالترم عشانه ساعدووووووووووووووووووووووووووووووووووني عندكم حل لمشكلتي
