عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
خواتي الغاليات تكفووون ساعدوني انا جدا محتاجه مساعده في هالشغله ..
نويت انزل السوق واخصص لي مبلغ وقدره بس عشان المكياج ,, لاني ماعمري توفقت في هالشغله .!
احيانا لمن اروح اي مناسبه مرات يقولوا لي موحاطه شي .
ومرات يقولوا وجهك شاحب .
ومرات يقولوا لي مو مناسب غامق فاتح وزي كذا .
وارجع طفشانه وكرهت المكياج للاسف .
انا بقلكم ايش ابغى بالضبط ..؟
كيف انظف بشرتي قبل المكياج .؟
كيف احدد نوع بشرتي عشان اقدر اساعدكم تساعدوني .؟
اذا ممكن تكون عاديه ..
ايش يناسبني من البيز , وكريم الاساس , والبودره ,
والكحل ايش افضل نوعيه , انا بصراحه بس احدد عيوني بكحل جااف , يعني السائل محنا اصحاب انا وياه كثير .!
على قولة اخواتي عيوني صغيره واذا امكن انو احط السايل احط على عيوني كلها بس بصراحه مابقدر لانو عيوني فيها حساسيه واتعب كثير لمن يسيح فيها .؟.
لذلك اكتفي بالجاف وايش رأيكم بالكريمي ممكن يناسبني لان الجاف احيانا مايطوول .؟
طلبتكم يابنات ساعدوني هاليومين بنزل السوق ..
ابغى ماركات الرخيصه نوعا ما زي ماكس فاكتوري ونيفيا وغيره ..
واذا امكن اني ممكن اخذ شي بسيط من الماركات الغاليه عادي المهم مااكون معتمده عليها كلها قبل فتره رجت اشتريت منهم بس بصراحه غليت علي كثير ورفض زوجي يكمل وانا مقتنعه بهالشي ليش .؟ لاني مو عارفه ايش يناسبني فيها .
الله يوفق كل وحده ترد ويحقق لها ماتتمنى ياااارب .
