لكل امراة عاقلة ….هنا أخذ برأيكـ

كنت بنت زي اي بنت تتنعم بحياتها بين والديها كفراشة تحلق بين زهراتها من هنا وهناك
كذا كنت بين أهلي بين أمي وابوي

لكن

فجأة

انقلب حالي من شهرين بسبب وفاة أمي الله يرحمها ويجعل قبرها ضياء ونورا اللهم آمين
انا فتاة ادرس بالطب خلصت سنة الاولى بصعوبة بسبب مرض امي في بداية فصلي الثاني
والحين عندي أربع اخواتي واخوان اصغر مني
وعندي الي اكبر مني
بس ماعمري حسيت بأنهم هم المسؤولين عنا كل واحد اما بشغله وعياله وزوجه
اخواتي وراهم ازواج
واختي الي اعتمد عليها الحين بعد رمضان تسافر مع زوجها بالخارج عشان دراسته

وابوي اااااااااااااااااااااه من ابوي كل الي يفكر فيه شغله وبعدن البيت والتلفزيون والى غرفته وخلاص هذا نظامه من يوم ماولدت
لا يسأل ولا يهتم واحيانا فجأة ينقلب علينا ويدور له سالفة عشان يضيق علينا اكثر مما هو بسبب ضغوط بشغله

يعني كل شي كنت اعتمد على أمي كانت مثل الدرع من كلام ابوي واخواني عني وعن اخواتي

وابوي واخوي الكبير يحطمو ثقة الواحد
وانا مابغى انشغل بدراستي تعرفوا كيف الطب يخلي الوحدة بغرفتها ويالله يالله تلحق بعد
واترك اخواني الضغار باوامر من اخوي وابوي كلهم سب في سب
لو تشوفوا اخوي الكبير كيف يعامل عياله قممممممممممممممممة في الذوق والكلام العسل
بس تعالوا باخواني واختي الصغيرة تحطيم وصراخ وكلللللللللللل شي يعدم ثقتهم بانفسهم

تدرون وش يقول اخوي الكبير يقول امي ماوصتني الا بورثكم والا انتم ماهمني ولا واحد منكم لا انتي ولا اخوانك الصغار
انا انصدمت هذا بالله اخ
امي وصت اخواني الكبار علينا
بس هالتوصية مو لهم كأنها لي
وين الي يهتمون وينهم ولا واحد فيهم أهل للثقة

عشان كذا
قررت اترك هالسنة من دراستي واطبطب على قلوب اخواني الصغار واقوم بواجباتهم على اكمل وجه باذن الله واوقفهم على رجولهم
وايوة نسيت اختي الي تصغرني بسنتين زواجها السنة الجاية واخواتي الي اكبر منا مشغولات ثنتين حوامل وحدة منهم على شرف الولادة والثانية زي ماقلت مسافرة للخارج مع زوجها
فمين بيوقف معاها باغراضها ووو امور زواجها مافي الا انا يمكن اخواتي الكبار بس شوي بسبب ظروفهم
يعني هالسنة مافي أمل اكمل دراستي صعب علي هالقرار والله بكيت عليه كثير دراستي تعزني
لكن اخواني اكثر عسى الله يعوضني خيرا