لخوي في القبر نايم وشفت جثته قبل يموت

السلام عليكم
بنات اول مره احس اني فقدت السعاه من جذورها بنات انا اخوي مات في حادث
الله يرحمه ويغفر له ماكمل شهر انا صرت احس بخوف من اي شي
اشم ريحته وملابسه جابو جثته نشوفها نزلت واحس بشلل من الخوف
وشفته اخر لحظه شي ماينوصف حزن وخوف ودموع وابوي منهار ويبكي وانا بسته وشفته وهو ميت ومكفن
كان معاي قبل الحادث ب اسبوع كنا نسولف هو شاب مو متزوج
كنت دايم اقول بخطب لك الله يرحمه انا احبه يابنات والله العظيم انا ابكي الحين
مدري وش اسوي الحمدلله على قضاء الله وقدره بس ماتدرون قد ايش امي تحبه
لدرجة انه اذا تاخر تبكي والحين مات وصارت حالتها متدهوره وتبكي 24 ساعه ومريضه تخيلو يابنات
تبكي اذا سمعت القران وتبكي اذا شافت قبور وجماجم مع اني اقفل التلفزيون
كل شي بالدنيا ماله قيمه اذا توفى عندك احد والله ثم والله يابنات ولاشي يسوى
اسمع بنات يقولون طفش ونبي نحب ومهمومين اه بس والله احمددو ربكم
ابي اسال عن شي من فقدت احد عزيز عليها ونسيت لاني اتذكره بكل لحظه مايغيب عن بالي حتى بالحلم
اخاف عليه من القبر ومن الظلمه مرات اقول ليتني الحقه واونسه
احبه والله العظيم مدري كيف حياتي الباقيه بدونه اشتقت له كثير واشتقت لصوته
ولصواني الحلا الي كان يحبها ولمن اروح الجامعه معاه وناكل اسكريم اه ياقلبي ياحبيبي ياخوي
المشكله المقبره جنب الجامعه اتذكره كل مارحت الله يدخله الجنه ادعو له يابنات
والله مدري وش اقول انا اسفه على الاطاله بس قاعده لحالي ومدري وش اسوي قلت افضفض
معليش .