.. لا شفتك كاشخ ,, طحت من طولي .. بقلمي

شحالكم حبوبات ؟..

عساكم بخير ..

ما بطول عليكم ..

😛

البارت الآول ..

***********************************

والكل نايم في بيتهم الكبير(( القصر ))..
ما عدا الخدم اللي ينظفون و يجهزون طاولة الفطور ..
هذا كان يوم ككل الأيام ..
روتين كل يوم يتكرر ..
الساعة 8:00 ..
في غرفة بنت من بنات هالعائلة نايمة على سريرها الفخم ..
تررررررررررن ترررررررررن ..
تعالى صوت المنبه ..
مدت أياديها الناعمة و طفته ..
و قامت راحت للحمام تأخذ شاور و تصلي ..
و غيرت ملابسها و طلعت من جناحها متوجهة لجناح اختها ( لجين ) ..
راحت دقت الباب لكن لجين لو تفجري قنبلة جنبها و هي نايمة هم ما بتصحى من النوم ..
توكلت على الله و فتحت الباب ..
كان الجناح فوضوي حيل ..
الاغراض و الملابس متناثرة في كل مكان ..
و حتى المنبه شغال و على اغنية روك اند رول و كان حيل فوضوي ..
و لكن لجين في سابع نوومة ..
ابتسمت جنى على اختها و تقول في نفسها ( أكيد قاعدة تحلم بفارس أحلامها ) ..
جه صوت من وراها و قال : ترى مو الكل نفسك فاضي يحلم بفارس أحلامه ..
ردت جنى على اختها الثانية ريتاج : احم احم وش دراك في وش كنت افكر ..
اشرت ريتاج على فمها : من ابتسامتك ..
ردت عليها جنى : دومك كاشفتني ..
ريتاج غيرت الموضوع : للحين ما صحت ..
جني : كنت بصحيها لولا دخولك المفاجئ علي ..
ريتاج : قصدك سرحانك بعالم الخيال ..
طقتها جنى على كتفها : اووووف ما صار يلا خله نصحيها ..
ريتاج : يلا ..
تقربوا من لجين بصحونها ..
ريتاج هزتها : لجين يلا قووومي ..
لكن ردت عليها لجين برفسة قوية طيحتها على الارض :آآآآآآآخ ..
جنى : بوريك فيها و راحت شدت شعرها بقوة ..
و تعالت أصوات صرآخهم الا ان لجين عطت جنى صفعة خلت خدها يحمر ..
جنى : توبة أجي أصحيك من النوم ..
لجين : ما قلتي هالكلام الا لما صحيتيني ..
جنى : أظن انك تعرفين برستيج الوالدة الله يطول بعمرها ..
لجين : اي طبعا حفظها الله ..
ريتاج : تتطنزين حضرتك ..
و كان هذا آخر شي سمعوه من لجين اللي دخلت الحمام و صكت الباب بقوة لدرجة انه صوت مزعج طلع ..
جنى مدت يدها تساعد ريتاج انها تقوم : يلا نطلع من هنا نروح نصحي ميس ..
ريتاج : اوكي ..
مسكوا أيادي بعض و مشوا ..
و كل وحدة تضحك على كلام الثآنية ..
راحوا طقوا جناح ميس لكنها ما ردت ..
فتحوا الباب و دخلوا ..
و كالعادة جناح ميس تصميمه غريب ..
في كل جدار و كل زاوية رسومات غريبة ..
و كأنك داخلة عالم ثاني ..
لأن االرسومات تشبه الرسومات مال التنويم المغناطيسي …
طلعوا ..
و هم مستغربين من ذوق (( ميس )) الغريب ..
ريتاج : ما ادري كيف ميس متحملة الجلسة في غرفتها ..
جنى : ما اعرف و لا ابي اعرف بعد ..
ريتاج و جنى : هههههههههههه..
و هم نازلين من على درجهم الطويل اللي بشكل لولبي ..
و اللي تصميمه فخم من تصميم أحسن المصممين ..
شافوا ميس ..
ميس : صباح الخير ..
ريتاج : صباح النور ..
جنى : صباح الفل و الياسمين و المسك و العنبر و توها بتكمل ..
بس قاطعتها ميس : خب انتي بالعة راديو ما شاء الله عليك الواحد يتكلم كلمة هي عشر ..
ريتاج : ههههههههههههه ..
جنى : بايخات ..
و مشت عنهم و هي تتبختر بمشيتها …
سمعت صوت من الصالة : هلا و الله ببنيتي ..
جنى : يا هلا فيك بابي …
أبو جنى : تعالي اجلسي جنبي ..
جنى : تآمر أمر يبه ..
أم جنى : عز الله طاح كرتي ..
جنى : هههههه لا تخافين يووومه انتي على العين و على الرأس و راحت لها و ضمته و باسته على رأسه ….
أم جنى و أبو جنى : هههههههههههههه ..
أم جنى تشوف ميس و ريتاج جايين و يتمشون على مهل طالعتهم بعيون غاضبة : مو قايلة لكم الساعة 8 : 00 بالضبط كلكم على طاولة الفطور يعني تضبطون المنبه على الساعة 7:30 فاهمين ..
ريتاج تمثل الحزن و عيونها على الارض : حاااااااااضر يووومه ..
ميس : ههههههههههههه يومه شرآيك تألفين كتاب يتكلم عن برستيجك …
أبو جني و جنى : ههههههههههه ..
أم جنى : انتون ثلاث وين الرابعة ها ..
جنى : كل يوم على هالقصة ..
لجين بصوت ناعس : جيت ما يحتاج يقولون لك القصة خخخ ..
بعد الفطور ..
الكل جلس يتقهوى و يأكل حلا ….
لجين مجودة بطنها : آآآآآآآآآخ شبعت ..
ميس : الناس تقول الحمدلله ..
ريتاج : الحمدلله ..
جنى : ههههههههههههه
أم جنى و أبو جنى : الله يحفظكم لنا ..
ريتاج : آمين ..
ميس : يا رب العالمين ..
لجين : ان شاء الله ..
جنى جلست وسط امها و ابوها : و الله يحفظكم لنا ..
بعد دقايق ..
جنى وقفت بتروح ..
ريتاج : على وين ..؟
جنى : بروح حديقتي الخاصة فيني و ابتسمت لهم …
لجين : اوووووف على هالرومانسية اللي تبط الجبد فلتوا لك كم وردة و قالت شو حديقتي الخاصة …
ميس : هههههههههه بسكم هواش …
جنى مشت عنهم و هي تركض بحالمية للمكان اللي تحلم فيه بفارس أحلامها ..
و كانت حديقة جنى الخاصة على قولتها هي جزء من حديقتهم الكبيرة و الواسعة مزينه لها ابوها بكل انواع الورود مكان خيالي و رائع و رومانسي و يتوسطها أرجوحتها اللي مزينة بعد بورود وردية و بيضاء و شكلها رووووعة ..
جلست جنى على أرجوحتها و هي مستانسة و قعدت تحلم كيف بيكون فارس أحلامها طويل او قصير أي لون عيونه عسلية او سوداء اممممممم ..
شكل جنى اسطوري بشعرها الكيرلي المتناثر على ظهرها ..
طبعآ بنرجع لريتاج و ميس و لجين ..
لجين : اممم خاطري أقص شعري أحسه طايل بزيادة …
ميس : خلي شعرك يطول أحلى ..
لجين : لا مو حلو و بعد بصبغ شعري بخصل زرقااااء ..
ريتاج : وعععع مو حلو لجووون خلي شعرك على طبيعته أحلى و بدلع قالت صيري مثلي ..
لجين : وه حركات الدلع ما احبها ..
ريتاج : يعني تبيني أصير خشنة نفسك ..
لجين : آنا مو خشنة أنا طبيعية مو انتي دلوعة الماما و البابا ..
ميس قاطعتهم : بس وش رأيكم نروح برى نتغذى و نشتري لنا ملابس ..
ريتاج : خوش فكرة ..
لجين : اي بعد منروح الصالون أبي اقص و أصبغ شعري ..
ميس : اوكو يلا يا ريتاج خله نبدل و نطلع و انتي يا لجين روحي نادي جنى ..
لجين : اوكي..
ابتسمت بخبث و هي في بالها فكرة جنونية …
و هي تقول : أوريك يا جنى ..
و راحت اخذت لها سطل و عبته ماي باااارد و حطت فيه قطع ثلج ..
و هي تضحك بطريقتها الشيطانية : ههههههههه ..
و قامت تركض لها و كالعادة كانت سرحانة بتأملاتها ..
بووووووووووم ..
كبت لجين الماء البارد كله على جنى ..
اللي ارتجفت من البرودة ..
و قامت تركض ورى لجووون ..
و هي ما تجوف عدل لأنه الماء كبته على وجهها و دخل في عيونها ..
و بدل ما تركض ورى لجين ..
دعمت في الجدار ..
جنى : آآآآآآآخ ..
لجين خافت : جنى فيك شي ..
جنى : يعووور ..
لجين : اوكي امشي بوصلك جناحك اووووه نسيت أقولك بنروح المول ..
جنى قامت و لا كأنها دعمت الجدار : جد ..
لجين : هههههههه أيوة ..
جنى : سلااااام و راحت ركيض على جناحها تبدل ..
في المول الساعة 10:30..
ميس و ريتاج و جنى و لجين محط أنظار الجميع بكشختهم و جمالهم ..
و كأنهم أربع باربيات أو أميرات يتمشون ..
و طبعآ ما خلت الطلعة من الترقيم و المغازل الشباب لهم ..
بس طبعآ ما عطوهم وجه ..
بغض النظر عن أن عائلتهم فري و مو متحجبين بس ما يخونون أهلهم أو يكلمون شباب بعيد عن نظر أهلهم ..
الحين خله نتكلم عن العائلة شوي ..
أبو و أم جنى قرروا العيش في أمريكا ويه بناتهم الأربع التوائم و بغض النظر عن انهم توائم الا انهم يختلفون في الشكل و الشخصيات تماما …
و هم عندهم قصر حيل كبير و هذا يدل على انهم من الطبقة الارستقراطية و لكن على انهم أغنياء كثير بس انهم جدا متواضعين و حبوبين و طيبين ..
يوم رجعوا البيت اخذوا لهم شاور و لبسوا لهم ثياب مريحة ..
في الليل بعد العشاء ..
الأم مع بناتها الأربع متجمعين في الجلسة برى ..
و كانوا قاعدين يسولفون مع بعض ..
يعني الجلسة بناتية ..
هذي كانت قاعدة من برستيج الأم ..
أن دائما تخصص يوم من الأسبوع عشان تسولف و تتكلم مع بناتها ..
ميس : بنات بنات اسكتوا شوي ..
البنات سكتوا ..
ميس : ماما قولي من أحلى وحدة فينا ؟..
لجين : أكيد أنا ..
ريتاج : لا أنا ..
ميس و جنى : لا أنا ..
أم جنى : كلكم حلوين يا بناتي و مثل ما كلكم مختلفين في الشخصيات و الشكل حتى جمالكم يختلف ..
فلجين مآخذة سمارها من أبوي و عيون جنى الخضر من أمي الله يرحمها أما رتوج فبياض بشرتها من من أم أبوكم و ميس لون شعرها على لون شعر أم أم أبوكم رحمها الله فهمتون يا بناتي ..
ميس و لجين و ريتاج و جنى : اها ..
لجين : ماما بكرة بطرشون نتائجنا من المدرسة ..
جنى : ان شاء الله ممتاز يا رب ..
ريتاج : بتسوون لنا حفلة ..
أم جنى : أكيد يا حبايبي ..
يلا يا بنات دقت الساعة 12:00 يلا روحوا ناموا..
لجين : حاضر طال عمرك ..
الكل ما عدا الأم : ههههههههه..
أم جنى : ترى ما في حفلة ..
البنات يتسابقون لداخل الفيلا : لااااااااااااا ..
و بقت الأم تتمشى على رآحتها ..
وصلت للنافورة و جلست جنبها تطالع المااء ..
و قالت : الله لا يغير علينا و يديم هالسعادة يارب ..
أبو جنى جه من وراها : آمين ..
أم جنى : خرعتني ..
أبو جنى : بسم الله عليك من الخرعة ..
أم جنى : يلا نوم الساعة 12:00 ..
أبو جنى : ههههههه أوكي ..
أم جنى مسكت يده و مشوا لجناحهم ..

*******************************