عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لا والذي صورك وأكملك وأنشاك عن حب غيرك تبت توبه نصوحه
_____________________________
اولاً احب اقولكم ان القصه تتكلم عن عائله غنيه مررررره في الخبروكلهم يسكنون في حي واحد ومنطقه وحده
________________
والحين راح اعرف لكم الشخصيات
بوأحمد ( الجد وكبير العائله)
عياله
(بوناصر) (شيخه ام جاسم ) ( بو فيصل ) ( بوسعود )
عائلة (بوناصر)
الاب أحمد
: حنون وعصبي في نفس الوقت وكلمته وحده مايكررها
وزوجته لطيفه
: حنونه وكلمة توديها وكلمه تجيبها وحساسه
الولد الكبير: ناصر
عمره 29 سنه متزوج من نوره بنت خالته
طيب وحنون على اخوانه وحرمته وعياله
عنده توأم اولاد احمد وحمد
وبنت اسمها هند على اسم ام زوجته
ويشتغل مع ابوه وعمامه في الشركه
الولد الثاني: بدر
عمره 23 خاطب بنت عمته شيخه (هاجر)
رومنسي واذا عصب مايعرف احد
ومشاعره مايعرف احد لها تفسير
يشتغل في الشركة مع عمامه
البنت لجين
عمرها 18 حنطيه وعيونها سود شعرها قصير وناعم ولونه اسود
دلوعة اخوها بدر
اخر العنقود ود
عمرها 15
حنطيه شعرها اسود وقصير الى اذنها وعيونها بنيه
ناعمه ومرجوجه نوعاًما
عائلة العمه
العمه: شيخه ماتزوجت الا متاخر
معقده كريهه وماتحب الخير الا لعيالها
زوجها ابراهيم (متوفي من 5 سنين)
اكبر عيالها: جاسم
عمره 25
جماله معقول
غامض ومايحب احد يقوله كلمة لا
هاجر
عمرها 20 مخطوبه لولد خالها احمد(بدر )
سمرا عيونها بنيه ومكحله
مليانه
شعرها الى كتفها واسود
اصغر عيالها واخر العنقود : وليد
عمره 19 سنه
اسمر بس جميل ومطنش بالعالم
طالع من المدرسه من اولى ثنوي
واكره شي فيه انه مدمن زقاير
عائلة (بو فيصل )
الابو : عبدالرحمن
حنون وطيب وقلبه كبير وكلمته وحده واللي يميزه انه اخو وصديق لعياله
زوجته مريم
: حنونه وطيبه ونقطة ضعفها عيالها وفاقدة حنان الام اللي تعوضه في عيالها
يعني صديقة عيالها
الولد الكبير : فيصل
عمره 24 متزوج وعنده بنوته اسمها رند وزوجته اسمها رؤى
طيب وحنون وحلو وجذااااااااااب ويحب اخته فاطمه بجنون
يشتغل مدرس في جده
الولد الثاني : ماجد
عمره 20 جميل وجذاب وكل مقومات الجمال فيه
بس مغرور وطايش ويستخف باللي يحبون
يدرس في جامعة المللك فيصل قسم هندسه
البنت الوحيده: فاطمة
عمرها 17
عليها جمال غير طبيعي جميله بمعنى الكلمة وعليها برائه تطيح الطير من السماء
بيضه وعيونها عسلي فاتح وشعرها الى نص ظهرها وناعم ولونه من درجات الاشقر
وعليها جسم ماشاء الله رشيقه مررره
ودلوعة العائله
(عائلة بوسعود )
الاب : سالم
مثل اخوانه طيب وحنون ومايرضى على زعل عياله وام عياله
ولا ننسى ان كلمته وحده مايكررها >>>>> عاده عند العائله خخخخخ
وزوجته
منيره
طيبه وحنونه وكانها اخت وصديقه لعيالها وام في تفس الوقت
اكبر عيالهم :
سعود
متوفي له سنتين
وثاني عيالهم
فارس عمره 22 رائع الجمال يمللك ملامح الرجال اللي عنده شخصيه واذا حب حب من قلبه
غامض وهادي وله هيبه في المكان اللي يجلس فيه وله احترام من قبل الجميع
يدرس في لندن
ثاني عياله :
مهند عمره20
نفس شخصية ماجد اللي يشوفهم يقول ذولا اخوان
لانهم مع بعض 24 ساعه
اخر عياله :
بيان وعمرها 17
حنطيه ووشعرها طويل يغطي كل ظهرها ولونه بني وعيوناها بني محروق توام روح فطوم
ودلوعة ابوها
ادري خذت وقت في التعريف
بس الحين راح نبدأ بأحداث القصه :
الجزء الاول
في بيت بوناصر
ام ناصر : لجين لجين يالله قومي تأخرتي عن المدرسه
لجين اخوك بدر هو اللي راح يوديك لان السواق
راح يوصل اختك
لجين وهي تقوم متخرعه
لجين: ايش تقولين بدر هو اللي راح يوديني
ياربي ياامي كان قلتيلي من اول ان بدر هو اللي راح يوديني ياربي وش هالحاله
ام ناصر : بلاهذره زايده وخلصي وبعدين محد قالك تسهرين على هالكمبيوتر
وطلعت ام ناصر من الغرفه وراحت لجين تتوضأ وتصلي ويعدين لبست مرييولها على عجل
وسرحت شعرها بسرعه ونزلت
بدر : لجين لجين بسرعه نزلي لاني راح اروح السياره واذامانزلتي بحرك وبتركك
بسرعه نزلت وهي تتحلطم
لجين : والله الواحد في هذا البيت مايمشي الا ويهدد ويتوعد
لجين : امي و.ين بدر
ام ناصر: ركب السياره لانك تاخرتي
لجين : طيب ماتشوفوني البس عباتي ياربي اكيد راح
وتروح تراكض في الشارع
ركبت السياره وهي تنافخ : س … سلام عليكم
بدر : وعليكم السلام
وظلوا ساكتين
لان لجين كانت تفكر وفي نفس الوقت كان فيها النوم وبدر بعد فيه النوم لانه ماسكر من هاجر الا الساعه 2ونص
ومن جهة ثانيه في بيت بو فيصل
بو فيصل : أم فيصل ما كأن بنتك تأخرت
أم فيصل : الا تاأخرت أنا ماأدري هالبنت مته تصير ……….
وتقاطعها فاطمه
فاطمه: ادري متى تصير سنعه مثل البنات
أم فيصل : بسم الله الرحمن الرحيم من وين طلعتي وبعدين الناس يقولون السلام عليكم صباح الخير وبعدين يتكلمون
بو فيصل : فاطمة حبيبتي يالله روحي افطري
فاطمة : نعم ماسمعت .. بابا الله يهداك كنك ماتدري اني مااشتهي شي على الصبح
وينزل ماجد
ماجد : السلام عليكم
الكل: وعليكم السلام
بو فيصل : كان ماقمت من النوم
ماجد : لابس مانمت الا متأخر
بو فيصل : صليت الفجر في المسجد
ماجد : ايه يبه صليت
بو فيصل : طيب وصل أختك المدرسه
فاطمة : لا ماابيه يوصلني
ماجد : لا أنا اللي ميت على شان اوصلك
بو فيصل : عمري فطوم ليه ماتبين اخوك يوصلك
فاطمة: ( بدلع) لاني مااحب حد يوصلني غير بابا حبيبي
بو فيصل : هههههههههههه انا عارفك ماورى حبيبي الا شي تبينه
فاطمة: ( تسوي نفسها زعلانه ومتضايقه ) ها هاذا رايك فيني انا طيب مشكور يبه على كل حال انت راح تظل بابا حبيبي
ماجد : ( بصوت واطي ماسمعه الا فطوم ) اشتغل الدلع
فاطمة: سمعتك
ماجد : ول مو أذان
فاطمة: بابا قوله يقول ما شاء الله
ماجد : لا تخافين ماراح يصيرلك شي
بوفيصل: ماجد قول ماشاء الله بسرعه لا يجي بنتي شي
ماجد يتكلم من طرف خشمه : ماشاءالله ماشاء الله
وفاطمة جالسه تسوي حركات لاخوها على شان تغيظه
بو فيصل : يالله حبيبتي فطوم أنا في السيارة
فاطمة : يالله بجي قبل مايصيرلي شي
وحبت راس أمها
فاطمة : يالله مماتي شاو ويالاخو لاتزعل كلها مزوح وتروح وانا أخوك
شافته انه راح يقوم وتروح ركض السياره
ماجد : امي شفتي بنتك ايش تقول مزوج ونروح وأنا أخوك شفيها على اخوك لي ماتقول وانا اختك
ام فيصل : والله ياولدي ماشوف فيها شي يعني حبت تمزح معاك
ماجد : لا والله والله انكم مدلعينها اليوم تقولها مزح وبكره تقصد تقولها يالله سلام
وطلع ماجد وهو متنرفز
في المدرسة وتحديداً في فصل ثاني / ثاني ( علمي)
فاطمة: السلام عليكم
الكل : وعليكم السلام
فاطمة : ماجات بيان
ساره: لا ماجات
فاطمة : غريبه
وطلعت من الفصل متوجهه الى فصل ثالث / رابع ( أدبي)
فاطمة : السلام
لجين : وعليكم السلام
فاطمة : بيان ماجت
لجين : ايه هي قالت لي انها راح نغيب
فاطمة عصبت : وليه مادقت علي وقالت لي
لجين : شفيكِ على البنت تقول انها مريضه
فاطمة: غريبه أمس مكلمتني ولا قالت لي
لجين : وأنا أمس سهرت معاها على الماسنجر واليوم الصباح دقت خالتي وقالت لي انها مريضه
فاطمة : طيب فكينا اليوم أنا بروح معك مدام ان بيان غايبه
لجين : طيب اتوقع السواق يجي ياخذنا
فاطمة : لو ان مو السواق كان ماقلت اني راح اجي معك
وصفرت على الطابور
وراحو صفو طوابير
أما من جهة ثانيه
في بيت بو سعود
مهند: يمه بنتك مافيها شي
أم سعود : أقول مهند قوم ودي أختك المستشفى
مهند: ماني فاضي لها وراي جامعه
أم سعود : مالت عليك أقولك أختك تعبانه تقول عندي جامعه
مهند وهو ماسك نفسه ليضحك : طيب والمطلوب
أم سعود وهي معصبه: تعطيني مقفاك
مهند:هههههههههههههه
قامت أم سعود تبي تضرب مهند بس مهند نحاش قبل لتجيه
أم سعود: وينك يافارس لو طلبتك مارديتني مو مثل هالولد ماأدري متى يعقل
وقامت تتصل في زوجها
أم سعود : الو
بوسعود: هلا
ام سعود : السلام عليكم
بو سعود وهو متفاجئ :وعليكم السلام
هلا ام سعود في شي
أم السعود : ايه والله بنتك بيان تعبانه
بو سعود: افا وليه ماقلتيلي قبل لأطلع من البيت
ام سعود: انا قلت لولدك بس انحاش وتركني
بوسعود: يالله انا جاي تجهزو
في الشركه :
بو فيصل :
بو سعود فيك شي
ابو سعود : ايه بيان تعبانه ولازم اوديها المستشفى
بو فيصل : افا الدلع تعبانه ماتشوف شر لو تدري فاطمه كان سوت لنا سالفه هههههههه
ابو سعود : فاطمه وبيان نفس الشي مايتغيرون هههههههه يالله بالاذن توصيني على شي يمكن ماارجع اروح على طول البيت
بو فيصل : لا سلامتك ماابي شي
بس كانك بتاخذ اجازه وانا بكره الدور علي هههههههههه
بو سعود : هههههههههههههه طيب مافي مشكله بس الله يعينه على احمد وابوي ههههههه
يالله مع السلامه
بو فيصل : بحفظ الرحمن يالغالي
++++++++++++++++++++++
وفي الجامعه
وصل مهند متاخر
ودخل على المحاضره طبعا جلس جنب ماجد
ماجد بصوت مايسمعه غير مهند : كان ماجيت بصراحه جاي مبكر مره
مهند وهو الى الحين فيه الضحكه : بعدين اقولك
ماجد: طيب يصير خير
مهند : ممكن تنطم
ماجد : حاظر عمي
وفي المستشفى
بيان : بابا والله مافيني شي خلاص ابي اطلع
بو سعود : شلون مافيك شي وانتي الضغط نازل عندك وماتاكلين
بيان : طيب ابي اطلع مااحب المستشفى
بو سعود : طيب يخلص المغذي ونروح
بيان : الله يعين كل من فطيم هي اللي دعت علي يوم ضحكت عليها
بو سعود : هههههههه وانتم ماغير هواش
بيان : لا حنا مانتهاوش بس نتضارب
بو سعود : هههههههههوالله انكم فاكهة العيله
بيان : احم احم ادري من زمان خخخخخخخ
في المدرسه الحصه الثالثه انجليزي
فاطمه تكلم مريم صديقتها : فيني النووووووووم
مريم : وانتي من متى حصة انقلش مافيك نوم
فاطمه : ياشيخه اعرف اتكلم انجليزي ليه بعد اتعلمه
مريم: انتي عارفه غيرك مايعرف
فاطمه: اففففف
انتبهت الاستاذه لهم
استاذه نوره : فاطمه
فاطمه : هلا
الاستاذه : مو انا الف مره قايله لك ماتجلسين جنب مريم
فاطمه : لا استاذه انتي قلتي لي مااجلس جنب بيان
الاستاذه عصبت : والحين اقولك ماتجلسين جنب مريم
فاطوم : حاضر ، طيب ، ان شاء الله ، تامرين امر
الاستاذه : يالله اجلسي جنب اروى
فطوم في خاطرها يازين مااخترتي
اروى : ياهلا بالحلوه
فطوم : ويا هلا بدبدوبه الفصل
اروى : لحظه لحظه هذي سبه والا ايش
فاطمه : لاياعمري هذي مدحه يقولون العلماء ان ثقيلين الوزن خفيفين الدم
اروى : اها هذولا اكيد علماء النوم والهستره ههههههههههه
وبلاكذب انتي وبيان اكبر دليل
فاطمه : ياشينك اذا دققتي بالكلام
وطبعا كل هالكلام كان في ورقه
وهم يكتبون سوالفهم
الى ماصفرت
طلعو البنات للفسحه الا فاطمه حطت الشنطه فوق الطاوله ونامت
وفي جامعة الملك فيصل
ماجد : يالله قول ليه تاخرت
مهند تذكر اللي صار مع امه : ههههههههههه امي
ماجد : وشفيها خالتي
مهند : الدلع تعبانه وتبيني اوديها المستشفى قلت لها عندي محاظرات قالت اللي انقلع ههههههههههههه
ماجد : احلف عاد ليه ماوديتها والا اقولك احسن تستاهل ههههههههه
مهند : اقول اليوم نبي نطلع
ماجد : اوكي بس لاتقول لاختك ترى بينشبون هالدلوعتين فينا
مهند : لا مااتوقع تروح لو كانت تعبانه اتوقع اختك تجينا
ماجد : اكيد بتجيكم مدام حبيبة القلب تعبانه هههههههه
مهند : ماجد لو انا تعبان ايش تسوي
ماجد : بفتك منك وباخذ السياره وبروح الراشد اشوفلي هالحلوات ههههههههههه
مهند : يالسبال قول بجي اجلس جمبك اواسيك
مو تقول بروح الراشد اشوف الحلوات <<<<وهو يقلده
ماجد: ههههههههههههه وبعدين ايش فيك تعاديت من فطوم قمت ترمس اماراتي ههههههههه
مهند : لا اجل كلمة ترمس مو اماراتيه خخخخخخخ
ماجد : ههههههههههههه والله هبلت فينا فطيم مره امراتي مره قطري مره كويتي ههههههههه
مهند : ياخي اختك عليها حركات ماادري منين تجيبها اجل في بنت تلعب كوره او تلعب جمباز هههههههه
ماجد : انا معصب عليها ليه تلعب كوره وتسنتر عند المباريات وابوي راضي لها
مهند : طيب براحتها كيفها وشفيك عليها
ماجد : ياخي اخاف تصير مثل هالبويات
مهند : هههههههههههههههههههههههههه هالدلع بوي ههههههههههههههههههه ماااتوقع ههههههههههه
ماجد : ههههههههههههههههه والله حتى انا قلت بس تدري الشيطان وانا عمك
مهند: هههههههههههههههه ايش ايش مين عمي >>>توه ينتبه الاخ ههههههه
ماجد : هههههههههههه تو الناس اقول قم بس قم خلنا نروح
مهند : يالله مشينا
واخيرا بالمدرسه على البيت
فاطمه : ياربي اليوم اطول يوم عندي
مريم : انتي اللي مخليته ثقبل ياام النوم
فطوم : هههههههههه انا ام النوم هههههههههه ياعمري والله والله مانمت لي يومين
مريم مفجوعه : لييييييييييه
فطوم : ااااااااااااااه افكر
مريم : بايش تفكرين
فطوم: اقول بعدين اقولك يالله هذي لجين تاشر لي
مريم: ادخلي المسن الساعه 6 المغرب اوكي
فاطمه: اوكي
سلملم
مريم : سلام
لجين : لا كان جلستي اكثر تو الناس
فطوم : والله مانتبهت لك يالله لاتسوينها سالفه
لجين : لو انه بدر كان ذبحنا
فطوم : اقول لو سمحتي خليني رايقه ولاتطرين هالاسم
لجين: يووووووووووه ليه طيب
فطوم: ياخي من ربي مااطيق اخوك
لجين: طيب خلاص يالله
فطوم: يالله
ركبو السياره
توها بتركب لجين
الا تسمع يقول لها تعالي قدام والا سواقكم انا >>>>بدر
لجين : يمه خوفتني
فطوم من عرفت ان بدر اللي جاي تبي تنزل من السياره
بدر :
كيف الحال فاطمه
فاطمه: من غير نفس كنت بخير والحين زفت ولله الحمد
بدر : افا ليه ههههههههههههههه ياحلوك والله
فطوم عصبت : اقول احترم نفسك مو اصغر عيالك انا
بدر: ههههههههههههههه بس ماعندي عيال ههههههههههههههههه
فطوم سكتت لانها تعرف انه اذا تكلمت معاه مراح يخلصون
وهو كان حاط اغنيه اجنبيه ويسمع
وفطوم ودها تقوم وتذبحه لانه مطول عليه وهي فيها النوم
لجين : اللي كانت تتابع اللي يصير وهي ساكته
وصلت فاطمه البيت
فطوم : ماما ماما مامااااااااااااااااا
ام فيصل : خير وشبلاك انتي تصارخين
فاطمه : من الحين اقولكم خلاص مو رايحه المدرسه بعطي نفسي اجازه ليوم الاختبارات
ام فيصل : بس بقى على الامتحانات اسبوعين
فاطمه : بس خلصنا مابقى الا الانقلش وانا اعرف خلاص
ام فيصل: والله تفاهمي مع ابوك اذا جاء
فطوم : طيب بس انا بروح انام ولا احد يجلسني لاني ماابي غدى
ام فيصل : وانتي متى تغديتي
فاطمه : يالله سلملم
ام فيصل راحت المطبخ
وفطوم اول ماراحت للجوال على طول شافت 3 رسايل من بيان 2 ومن رقم غريب 1
فتحت رسايل بيان
وكانت تقول لها انها تعبانه وبالمستشفى
والثانيه تقولها اذا جات تعطيها تقرير ايش سوو بالمدرسه
اما الرقم كان فيه رساله
في غيبتك غابت عيوني من النوم وين انت يالي مبتعد عن نظرها عز الله اني صرت تايه ومجنووون ماعاد اميز يومها من شهرها ان جيت اسلي خاطري عنك اشوم0000صرت النظر العين تتبع نظرهاااا
فاطمه : مين هاللي راسل هالرساله
ماعلينا بس الرساله قديمه ههههههههههه
وبدلت ملابلسها وصلت وناااااااااااااااااااااااااامت
في بيت بو سعود
على الغدا
ام سعود : حبيبتي بيان عطيني صحنك
بيان : لا ماما شبعت خلاص
بو سعود : اقول بلادلع في الاكل مافيه دلع عطي امك الصحن
مهند : سبحان الله ولا اله الا الله
بيان : حلت الديانه الحين
مهند : اول مره اشوف ماي فاذر يهاوش بون بون
بيان : بون بون في عين ابليسك
مهند : امييييييييييييين ههههههههههههههه
بو سعود : اقول ام سعود مااتصل فارس
ام سعود : لاوالله مااتصل
بو سعود : غريبه له يومين مااتصل
مهند : اللي يروح هناك ايش يبي يرجع هنا
بو سعود : انت عاد اخر واحد تتكلم
بيان : هههههههه فشلوني هههههههه
مهند : اقول تلايطي
بيان : انتم شفيكم عادتكم فطوم هي اللي جميع اللغات عندها
مهند : اقول لاتطرينها بعدين اضحك
بيان : ليه ايش صاير
مهند : هههههههههههههههههههه ولا شي يالله بروح انام اذا ماجلست للمغرب جلسوني
بو سعود : اقول متى تبدا اختباراتكم
مهند : اسبوع الجاي
بو سعود : ماابيك تحمل مواد فاهم
مهند : على هالخشم وحب راس امه وابوه
وراح
بيان : وانا مالي رب
مهند ماسمعها
وبعدين الكل راح في حال سبيله اللي ينام واللي على النت مثل بون بون
في بيت بو ناصر
بدر : ههههههههههههههه طيب حبيبتي هههههه خلاص لاتزعلين لالا مراح اضحك هههه اسف طلعت غصب طيب طيب بعد ايش تبين هههههههه وشرايك اجيب السوبر ماركت كله طيب مع السلامه
افففففف من هذي والله انهم ورطوني فيها هههههههههه بزر والله بزر وماتسمع غير لعمتي
هههههههههه وبعد تتدلع والدلع مو لايق عليها اااااااااه بموت من الضحك خخخخ >>>> وماكان يدري ان لجين تسمعه
لجين : هيه شفيك تكلم نفسك
بدر : ههههههههه بس جالس اضحك على هالخبله هاجر
لجين : احد يقول على خطيبته خبله
بدر : تعرفين مادخلت قلبي احسها ثقيله
لجين بس انا شفتها يعني هي مو دبه
بدر : ههههههههههههههههههه بروح انام لانجن منكم ههههههههههههه
لجين : بدر
بدر : هلا
لجين : اممممممم
تبي الصراحه هاجر ماتصلح لك ونحاشت
بدر : لحظه وين
طيب يا لجين يصير خير
بدر راح غرفته وهو يفكر ليه ماتصلح لي
وليه الحين تقولي ليه مو من قبل
في بيت بو فيصل
الاخت فاطمه جلست من النوم >>>>لانها نامت بالمدرسه
وجالسه تسمع
جرحي القديم جرح أليم
يا ويلي من جرحي القديم
ليتك تبادلني الشعور
من دون صد ولا غرور
تخطي وانا اتحمّلك
معذور قلبي دلّلك
بأمر الهوى انت الحبيب
قريب من قلبي قريب
ان كنت ناوي عالهجر
برضى انا بحكم القدر
مكتوب لي هذا المصير
وإللي انكتب لازم يصير
جرحي القديم جرح أليم
يا ويلي من جرحي القديم
يا ويلي من هــذا المصير
فاطمه : ااااااااه من جرحي القديم ههههههههههه
انا ماعندي جروح عاد ههههههههههههههه
الحين وين الجوال
ايه هذا هو
الله 5 مسجات
ههههههههههههههههههههه
بون بون معصبه علي خخخخخخخخخخخخخ
لحظه هذا نفس الرقم اللي ارسلي قبل لانام
ايش راسل هالمره
يا صاحبي ما شفت مثلك بها الناس
فيك الوفا والوقت شح الوفا فيه
انت الذي لين اظلم الليل نبراس
ولا جارت كروب الدهر صحت اناديه
وانت الذي بين الذهب خاتم الماس
غالي الثمن عندي ولا احد يوازيه
هههههههههههههههههه رسايله مغبره مره ههههههههه بس احسها طالعه من قلب
لحظه في تكمله
ايش
ملاحظه : اتحداكِ اذا عرفتيني
سلام
بعد الاخ يتحدى ههههههههههه يعني يبيني اتصل هههههههههههه
لو يموت مااتصل هههههههههه
خلني اكمل روايتي احسن لي
توقعاتكم
ليه فطوم لها يومين مانامت
و مين اللي رسل لفاطمه الرساله
وايش بين فاطمه و بدر اللي خليها ماتطيقه
وليه لجين تقول لبدر انه هاجر ماتصلح له
وبس لاتتوقعون اشياء كثير بعدين تنصدمون هههههههه
ويالله
سلملم
في جزء ثاني
