كيفية التسوق من مواقع الأنترنت

فرشاتي العزيزات الي يفكرون انه صعب التسوق عن طريق مواقع الأنترنت , هذي فكرة غير صحيحة ,بالعكس سهلة جداً جداً
اول شىء راح تكون سهلة الطريقة إن كان عندك لغة إنجليزية وماراح تتعبين وإن كان ما عند لغة استعيني بعد الله ببرامج الترجمة ويا كثرها هاليومين .
وفيه طريقتين للتسوق إما عن طريق وسطاء التسوق وتقدارين تدورين عليهم بواسطة برنامج بحث إما قوقل او غيرة وهم كثير في السعودية , بس حتى هم يختلفون فقبل ما تستعين فيهم للدفع اسألي كم النسبة الي طالبينها , بعضهم ياخذ 100 ريال على العملية كلها وبعضهم ياخذ بالنسبة عاد انتي شوفي الي يناسبك منهم.
والطريقة الثانية تنقسم لكذا طريقة:
1-ايداع عن طريق حساب الوسترن يونيون وهذا نادر ما يتطلب الموقع هذا الشيىء , لكن معظم المواقع الأسيوية ومواقع البيع الشخصية يطلبون التحويل عن طريق الوسترن يوينيون ولي تحفظ عليها بس هذا خيار شخصي وممكن يكون آمن وممكن لا.
2-الطريقة الأسهل والأفضل هي عن طريق بطاقة فيزا انترنت وممكن من أي بنك انتي فاتحة فيه حساب تحصلين عليها , وممكن من خلال فيزا ماستر كارد, وهذي سهلة جدا جدا بس تاكدي انك تاخذي اقل حد فيها , ولما تطلعينها راح تاخذين معها البطاقة الذهبية او الفضية على حسب رغبتك , وهي ضرورية مع الفيزا انترنت , تفعيله سهل واستعمالها آمن.
3-عن طريق paypal وهومن آمن الوسائل في البيع والشراء , ويتطلب بطاقة فيزاء او ماستر كارد وممكن فتح حساب عندهم بطريقة سهلة جدا وممن خلال موقعهم على الرابط التالي:
https://www.paypal.com/saاتبعي التعليمات خطوة خطوة ولما يتفعل الحساب عندهم راح تتاكدين من صحة البيانات والمعلومات من خلال ارسالهم لكلمة السر لحساب البطاقة الأتمانية الخاصة فيكي, ويتفعل الحساب بعدها بهذي الكلمة , الشراء والبيع بهذي الطريقة آمن حتى من إستخدام الفيزاء نفسها لأنك تحطين الرصيد الي انتي تبغينة في الحساب بنفسك والبيع والشراء بالأيميل الي انتي حاطتة عندهم في الحساب .
وفرشاتي إذا كان عندك عنوان بريد يكون افضل لأن معظم مواقع الشراء تطلب العنوان البريدي وعلى فكرة حتى شحن الأغراض لعنوانك يكون أرخص واسهل , بس لو ما عندك عنوان بريدي استفسري من الموقع اذ فيه إمكانية انهم يرسلونها عن طريق الدي اتش ال او فدكس وهذي تكون نوعاً ما غالية شوية,ولاتنحرجين تسألين او تستفسرين عن أي شيى قبل ما تشترين ومن اهم الأشياء الي المفروض تسألينه عنها إمكانية الشحن للسعودية لأن بعض المواقع ما توصل للسعودية.
الموضوع سهل وما يبغالها خوف , وومكن تجربين بشيىء واحد ورخيص يعني في حدود مبلغ معين لو انك من النوع الي نفسك تتسوقين وخايفة تتوهقين.
واتمنى اكون افدت وعلى فكرة معظم الي يعرضون بضاعتهم في الموقع او في مواقع ثانية تكون نسبة ربحهم معقولة وما ياخذون شي زيادة عن حقهم , ولا تفكرونهم يلعبون عليكم , لاني جربت اشتري بنفسي وزبطت بس فرقت عن الشراء من بعض الاخوات الي هنا شي بسيط .
ملاحظة آخيرة للفرشات :- الجمارك السعودية تمنع دخول انواع من البضائع وتصادرها , ومن اهم البضائع الي يمنع دخولها , جميع الأدوية أي كان نوعها والحبوب وبعض انواع الفيتامينات , مسموح في الكريمات ما لم تكون تحوي أي مواد محظور استعمالها في السعودية,جميع الملبوسات والأجهزة مسموح فيها مالم تكن كميات تجارية لان لها تعاملات آخرى وتصاريح مختلفة ممكن ترجعون في كذا لموقع الجمارك السعودية.