كم درجة اهتمآم زوجك فيك ؟..

كيفكم يا فرآشآت ..؟

ودي يكون موضوعي شوية دردشه و ابي اشوف آرآئكم بالمشكله اللي احس فيهآ .. وهل هي بسيطه والا العكس ..!

زوجي غالبا يحسسني اني مقصره معآهـ أو شي زي كذا ..

مع اني والله ثم والله يآ حبيبآتي .. دآآآيم احآول ما اقصر معاه من اي نآحيه من النوآحي ..

دآآآيم متزينه و نظيفه من وإلى ..

أكله دآآيم جآهز و الحآجآت اللي يحبهـآ ..

لـ درجة اني حآمل و مع هذا اقوم الصبآح بدري اسوي له الفطور وافطر معه واجهز له لبسه و كل الاغرآض اللي يحتاجهـآ ..

البيت مرتب و دآيم اغير فيه ولو حاجه بسيييطه ، عشآن ما يدخل علينآ شي من الملل .. و اعطره وابخره ..

للمعلومه اننآ ما كملنآ سنه زوآج 😀

اسمع كلآمه و ألبي طلبآته حتى ولو شي غصب عني ..!

بس اللي شجعني اكتب الموضوع هذا .. هو سالفة امس ، تخيلو ، حنآ لا طلعنآ من البيت .. انا تعودت اطفي الانوآر .. و ازرآر الكهربآء خآصه 220 اللي ما نحتآجهآ .. لأن ما ندري وش يصير وحنآ برآ ،

المهم .. هو كآن يشحن اللابتوب تبعه .. و يوم طلعنآ انا طفيت نقطة الكهرب تبع الشاحن .. لإني تعودت ع هالشي ، وهو شكله كان يحمل حاجات من النت ،

ويوم رجعنآ و شآف الاب حقه طآفي .. عصب علي و يقول تسوين كل شي على كيفك .. الاشيآء اللي اقولك سويهـآ ما تسويهـآ والاشيآء اللي مابيك تسويهـآ .. تسويهآ 😡

يعني كلآمه يدل اني ماسمع كلآمه ، مع اني و ربي طفيت الكهرب عن حسن نيه ،

المهم رحت قلت له انا ماسوي الاشيآء اللي تقولهـآ لي ؟ معصب علي و يقول اقول تعوذي من الشيطآن ،

:

طبعا السالفه انتهت انه ما يعطيني وجه للحين .. حتى سويت له فطور و لا فطر ، يقول ما يمديني الوقت ،

:

مع اني متأكده انه يحبني و يموت فيني ، بس هالحب ما يبينه لي ! احيآن احسه يتغلى ،

:

باختصآر يا بنآت ودي زوجي يحسسني باهتمآمه اكثر واكثر .. ودي يسولف معآي من يوم يجي الين ينآم ، ويكون طآير فيني 😆 واذا زعلت منه ابيه يجي يرآضيني .. موب يزعل معي 🙁

وش رآيكم بالله ؟