عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الدولة قدمت للمطلقات والارامل والعوانس فوق سن 35 سنه يعني الي تحت هالسن ماهيب عانس ^_^
قدمت لهم التالي :
1- ضمان اجتماعي: أو خل نقول(راتب شهري ) وقدره 865 ريال ينزل كل يوم 1 من كل شهر يعني اليوم استانسوا : )
طبعا: هذي الخدمة يبيلها وقت وجهد عشان تقدم يبي لك اكثر من مره تزورين مركز الضمان الاجتماعي مع ولي امرك عشان تخلصين الاجرائات وبعد كذا تجلسين شهرين كامله حتي يتم اعطائك بطاقة الصراف ومن ثم يبدا الضمان او الراتب ينزل لك على حسابك الخاص بالضمان فقط!!!
بمعنى :::: انك تصرفين فلوسك منه بس
ماتدخلين محل تجاري وتقدمي البطاقه عشان يسحبون منها لا ممنوع وماراح تصرف لك
ماتاخذينها عند صرافه عشان تسددين فواتير كهرب او جوال او هاتف لانه ممنوع فهمتو علي.
2-منح الاراضي : لكل مطلقه وارمله الحق في انها تطلب منحة ارض من الدولة وهم لهم الاولويه
كيف تقدمي عليها :
تتصلي بالرقم 969 <<<هذا رقم البرقيات
تتصلي ويكون معك كرت العائلة وصك الطلاق
الموظف راح يرفع لك البرقيه
طبعا راح تطلبين منه انك تبين منحة ارض
تعطينه خبر انك مطلقه او ارمله تعطينه رقم السجل المدني رقم جوالك رقم ابوك رقم صك الطلاق
طبعا هو راح يعطيك رقم المعامله ويقولك انك تراجعين في الديوان الملكي او في البلديه لان فيه منح اراضي من الديوان وفيه من البلديه وراح يعطيك الرقم الي تراجعين فيه
طبعا تكلفة البريقه راح تنزل في فاتورة الهاتف وقدرها 39 ريال
3- المساعدة المقطوعه : وهذي يتم الحصول عليها من مركز الضمان الاجتماعي وقدرها 5000الاف ريال ويمكن لكل مطلقه او ارمله التقديم عليها تروح للمركز وتعبي الاوراق وهم بعد مدري متى تحصل عليها لكنها ماتتأخر كثير شهرين ثلاثه
طبعا يحق لكم المطالبة بها كل 3 سنين يعني بعد كل 3 سنين تقدرين تطلبين مساعده مقطوعه.
4-بطاقة الشراء : هذي البطاقة قيمتها 300 ريال تقدري تحصلي عليها فقط في السنه مره وتشتري بها اغراض من السوبر ماركت .
طبعاً اي مطلقه او ارملة
اما المــــوظـــفـــة الحكوميه مايحق لها تاخذ اي شي من الي ذكرت ولا يحق لها المطالبة فيه <<<<<<فقط للعاطلات عن العمل …. للعلم لا اكثر !!
اتمنى اكون افدتكم ^_^
>>>>>>معكم المسؤلة عن الضمان الاجتماعي بالدوله ^_^
