عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصيدة المكياج
يـا صانـع المكيـاج الله يجـازيـك ــــــــــــــــــــــــــــ خليتني مخـدوع فـي شكـل خلـي
الله يحـرق مصنعـك مـع مبانيـك ــــــــــــــــــــــــــــ والمعرض الموجـود في بيكاديلي
ادعي عسى تعمى وتنشـل رجليـك ــــــــــــــــــــــــــــ هـذا دعائـي دوم لا جيـت اصلـي
خليتني اركـض ورا البنت هاذيـك ــــــــــــــــــــــــــــ واشوفها اجمل غـرام ٍ حصـل لـي
قلبي عشقها يا(جيفنشي) توماتيك ــــــــــــــــــــــــــــ وان شافها قلبـي يرحـب يهلـي
هي رحبت بـي وقالـت الله يحييـك ــــــــــــــــــــــــــــ وقالت هلا باللي عشق زيـن شكلـي
وقالت انا اجمل بنت في اللي حواليك ــــــــــــــــــــــــــــ شف حسني الاخاذ وروجي العسلّـي
طالعتها ثـم قلـت هالقلـب يبغيـك ــــــــــــــــــــــــــــ ومن شاف حسنك خلى غيرك يولـي
ابغي اشوفـك دون مكيـاج يكسيـك ــــــــــــــــــــــــــــ وابغـي اشوفـك بالجمـال المحلـي
قالت تبينـي افـرك الوجـه تفريـك ــــــــــــــــــــــــــــ واشيل هالبـودر وروجـي وكحلـي
قلت أي نعم قومي عسى الروح تفديك ــــــــــــــــــــــــــــ ابغـي جمالـك هالطبيعـي يهـلّـي
قالت دقايق راجعـه لـك واراويـك ــــــــــــــــــــــــــــ ذاك الجمـال اللـي لعينـك يسـلّـي
ويوم رجعت لي شربكتني الشرابيـك ــــــــــــــــــــــــــــ وحسيت الارض تدور وانـا بمحلـي
الوجـه كنـه بيـت كلـه شبابيـك ــــــــــــــــــــــــــــ من هالحفر في وجهها اللـي يعلّـي
كلـه سبـب مكياجـك الله يجازيـك ــــــــــــــــــــــــــــ خليتني مخـدوع فـي شكـل خلـي
ونصيحتي لكل شاب من غير تشكيك ــــــــــــــــــــــــــــ لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك ــــــــــــــــــــــــــــ واللـي تحـط مكيـاج خلهـا تولـي
شراااايكم مت ضحك عليها وقلت لازم انقلها هههههههههه
منقـــــــــــــــــــــــــــــــــــول
