قصة ولادتي (في مستشفى المملكه)

يسعد أوقاتكم بالخير يا فراشات
اشتقت لكم كثير يا بنات التجمع (الشهور الثقيلة 7 8 9 )
اليوم جايبه لكم بقصه ولادتي في فصوووولي (الله يخليه لي )
دخلت التاسع ومن يوم دخلته وانا ودي اولد ,وتوقعت اولد برمضان لاكن الله ما اراد
المستشفى قالو لي يوم 5شوال ولادتك طبعاااا جا ء شوال وما ولدت وجا ء 5شوال وما ولدت ,دكتورتي قالت لي اذا جا ء السبت تقصد 6شوال وما ولدتي تعالي اخذت موعد ورحت لها كان يوم السبت الساعه 5المغرب ’دخلت عندها قالت ما ولدتي قلت خلاص اصلا من كثر الأنتظار تعبت ’قالت في حالتك خلصتي 40اسبوع اول شي اسوي كشف داخلي
ننتظر اسبوع ما ولتي تجين قلت طيب وكنت متوقعه الاسبوع اصلا من قبل ادخل عليها
عشان ما اتأمل وارجع البيت ’طبعا رحت على كرسي الكشف ونسدحت وتوها بتكشف ما دخلت يدها ,الا احس بشي دافي ؟؟؟؟طبعااااااا ما ادري وش السالفه ’الا الممرضه تقول مويه ’اثر الموية انفكت وكان عندي ولادة بس ما كنت حاسة بشي غريب ابداااااا
قالت يالله بنوديك ولادة ؟؟؟؟انا انواع الخوف على مدري وشو ؟؟؟؟؟
قالت خلاص ولادة قلت لالالالالا باقي قالت وش باقي ؟؟ قالت لو فيه شي تبغينة من البيت
خلي زوجك يروح يجيبها ؟؟؟؟ صراحه وقتها خفت وفرحت واشياء كثير
وقتها كنت طالعه من عند اهلي وعارفين ان عندي موعد, وانا كنت ناوية ما اعلم احد الين اقوم بالسلامة ماودي ا ن امي تدري ما ودي تشيل هم وتجي وتخاف عليه
وكانت امي معزومه على زواج ,دقت على قالت تأخرتي تعالي ارتاحي ’قلت بأجي بس قالت الدكتوره لازم تمشين ’تصريفه مؤقتة طبعاا كلمت اختي وقلت لها ارسلي الأغراض حقتي انا والبيبي مع السواق بعد ما يوصلكم قالت طيب وقلت ماما لا تدري قالت طيب
دخلوني غرفة الولادة طبعااا ما كنت احس لسى بشي ,قالو امشي عشان الطلق يحمى
هذا الساعة 8المساء ,وقعدت ل10وانا ما احس بشي قالو بنوديك التنويم ما فيك ولادة الحين
رحت للتنويم الساعه تقريباااااااا 11’ وبداء الطلق الساعة 1 بعد نص الليل
الم يقدر الواحد يتحمله عاااااااااااااااااااااادي قلت إذا هذا الطلق لألا سهله إن شاء الله
وأتذكر كلام البنات انه الم وانه …………… قلت بس يبالغون
وطلعت ماما من الزواج قالت وينك قلت في بيتي قالت قولي والله قلت ان شاء الله
عرفت إني في المستشفى جات قالت ليش نوموك
قلت مشيت وقالو خلاص ارتاحي عندنااااااا (تصريفه غبية )
عاد إنا رحت لهم مو مأكله بس يوم قلت أكل قالو لااااااااااااااااااااااااااااااااااااااااااااااا
فقلت لأمي إنهم منوميني عشان ما أكل كان بين الطلقة والطلقة تقريبااااا ربع ساعة
كانت تجيني الطلقة وأتحملها عشان أمي ماااااااااا تدري كانت إذا جات الطلقة أقول رجلي شدت لان إنا يحيني شد عضلي فصدقت طبعاااا جلست الين 4 الفجر وما حسسناها بشي
قلت روحي إن صار شي دقيت قالت طيب طلعت من هناء وانأ بديت ما أتحمل الألم
زوجي صار يقول تحملي واذكري الله لا أدق على أمك تجي
قلت خلاص ما اقدر طبعاااا جات وحطت جهاز الطلق الغثيث وتقول باقي باقي
وانأ أحس إني ب اموت جات الدكتورة المناوبة عاد إنا يوم كشفت قالت باقي 2سم
بغيت أموت إحباط قلت كل ذا الألم والوقت وباقي 2سم
صارت تهديني وتقول ادعي وأنا بس ابكي قالت مارح أروح الين ما أنتي تهدين
قلت طيب متى بأولد قالت العلم عند ربي بس ادعي
صار يجي الألم ويزيد ولا أنادي احد بس وقت الطلقة أتمسك بزوجي وادعي واستغفر
صارت الساعة 6ما عاد تحملت الألم نادى زوجي الستر وشافت جهاز الطلق قالت ولادة
قالت تمشين ولا أجيب كرسي قلت لا إنا بروح ’حطوني على السرير وركبو جهاز الطلق
ويراقبون البيبي مدري وش كانو يسوون بس تقول نامي على ظهرك زين عشان نشوف نبض البيبي
عطوني أكسجين صرااااااااااااااااااحه تهل وسين بس ما يوخر الألم بس حلو
كنت بين الطلقة والثانية كني دايخه مدري نايمة
طلبت ابرة الظهر جا الدكتور وقلت الطلق حامي أخاف أتحرك قال إذا جت الطلقة تنفسي
وقولي جات الطلقة و أوقف
كنت خايفه من الإبرة بس كثير نصحوني فيها بعد الألم اللي حسيت فيه قلت ما بدهاااااش
غير ابره
ركبها والحمد لله ما حسيت ابد ابد فيه قال خلاص ركبتها
وفعلااا بديت ما أحس بالألم ولاشي
فرحت قعدت من 9الصباح إلى 12الظهر ولدت بفيصل الله يخليه لي
جاء ونور حياتي صار في حياتي طعم ااااااخر
طبعا المستشفى اللي ولدت فيه مستشفى المملكة
دكتورتي في المتابعة الدكتورة هديل وقاص أكثر أكثر من رائعة
طبعااا اللي ولدتني قابله اسمها ماجدة الله يذكرها بالخير ويرزقها من حيث لا تحتسب
نظام المستشفى إن الولادة قابلات طبعااا الدكتورة تجي وقت الحاجة
موب دكتورتي طبعااا الدكتورة اللي في الطوارئ
طاقم الممرضات والقابلات اللي مريت عليه من الساعة 7المساء إلى 12الظهر
أكثر من رائع
دكتور التخدير كان الدكتور يوسف الله ييسر له وين ما راح
طولت عليكم لأكن حبيت احكي ولادتي لكم
دمتم بود
أختكم /عــــــــــــــروس العـــــــــــــــــــــيد (أم فيصل ) ➡ 🙂 😆 🙂 😐