قصة ولادتي بأحلى ولد ربي يخليه

انا عوشرت وقفلت معي رايحه جايه ع الطوارئ ويرجعوني البيت

في حملي الاول كانوا محددين لي يوم وقبلها بيوم شربت زنجبيل بالعسل وقمت الا الدنيا كلها دم

ورحت قالوا عندك طلق خفيف وولدوني

والحين رحت لموعدي يوم السبت 20/9 في مستشفى الحبيب الريان قالتلي الدكتوره عديتي التاسع تبين تنويم ولا ننتظر عليك اسبوع زياده وتجين كل يومين ونسويلك اشعه وتخطيط

عاد تعرفون رمضان والشوارع زحمه

مره طلعت وعلى بال ما وصلت خذنا ساعتين ورجعتنا ساعه يعني زززحمه

قلت ابي تنويم قالت متى تبينه قلت اقرب وقت قالت يلله الحين

وبدوا فيني الساعه 5 طلق صناعي والرحم فاتح 2 قلت ابي ابرة الظهررر

قالوا مو الحين اذا جاك الام قلت ماني منتظره الالم خلاص ابيها قالوا اذا فتح 3 سم

وشوي وفتح 3 سم وبدا الالم وكل ماجت طلقه تذبحني الين تخف وقلت لها ليش ماجبتوا الابره وهي تماطلني وقالت بحط لك القسطه قلت بعد الابره قالوا خلاص

وجابوا الدكتور وعطاني الابره اخصائي مو استشاري قالت الاستشاريين مايجون هالوقت 🙁 بس قالت تطمني متمرسين ويعرفون للابره زين . . توكلت على الله وقلت يلله

عطاني الابره وكانت يده خفيفه ماشاء الله ماحسيت بها

وقالتلي القابله حطولك جرعه خفيفه كان الساعه 6 ممكن . . وركبت لي القسطره وكان تركيبها ما يعور مو مثل ولادتي الاول تركيبها ذبحني

قالت حطيت لك اقصر وحده . . وبدا الطلق يحمى وكل ماجت طلقه اسكت واتعصررر قلت لهاااا فيه الم ليش ؟؟

وكلموا الدكتور كم مره ممكن 4 مرات كل شوي اقولهم فيه الم ويجون يزودون الجرعه ونفس الشي احس بألم ويجون يزودون اخر شي ملوا مني وجابوا ابره فيها جرعه وفكوا الانبوب من فوق اللي متصل بابرة الظهر وحطوا الجرعه فيها وحسيت ببراد في ظهري ورجولي والحمدلله دقايق ماحسيت بألم الطلق بس كل ماجت طلقه اتعوور من القسطره (ذبحتنييي) الطفل يضغط عليه اذا جت الطلقه

المهم جت الساعه 9 ونص احس البيبي يدفعععع > هذا لاشي ماحسيته بولادتي الاولى

قلت للسستر بيبي بووش!! قالت سمسم براز ؟ اقوول ايه ايه بسررررعه وتدق على دكتورتي (شوقفتا سلطانه)
وتقول شوي وتجي اذا بيبي بووش خذي نفس

تأخرت دكتورتي وانا اقوول يلله بيبي بووش قووه . . قالت انا بكشف عليك قلت اوكي
وكشفت قالت عششششره اذا بيبي بوش انتي بووش . . وجتني سودانيه كشفت قالت الراس بعيد لا تدفعين خذي نفس

ويوم نزل الراس قالت يلله ادفعي

وشرفت دكتورتي وجلست بكرسي تتفرج علي من بعيد والسسترات يشجعووني يلله شاطره ايوااه
ويوم بدا يطلع راس البيبي جت ودفعت بقووه وطلع البيبي وهي كملت الشغل المشيمه والخياطه عورتني قاعده تشد بقوه حسيت شوي مو مررره يعني الم محتمل جدا

والحمدلله ولادتي كانت الساعه 10 الصباح

والله يخليلي وليدي واخته

والخياطه تفرجت عليها الحين شفتها محيوسه وفيه انتفاخين 💡 الله يسترررر بس مدري وش بيصير شكلها بعد الاربعين 😛