صبا الله يحفظها والرضاعة الطبيعية والسنون والفطام <<حكاية محزنة

تأخرت بكل شي .. بالمشي ويالحبي وبالسنون ..

صبا جاء عمرها سنة وشهر وتوها تمشي .. حتى تمشي وتضحك كأنها عجوز مخلعها سنونها ..هههههههههههه

الموهيم ..

اني قررت افطمها وعمرها سنة وشهر..لأني كنت حامل بأخوها لي شهرين .. وأخذت الوحام والتعب كله مني ..((لأنها كانت بس تصرخ وتبكي من اتفه الاشياء ونفسيتها زفت ))

فطمتها من صدري من الباب للطاقة . وصرت اقلها انتي كبيرة .. هذا كخخخخ .. ننة ماما كخخخخخخ,,

ولا اعطيتها ..

وسبحان الله البنت ما قنعت ..( ما اقتنعت بالموضوع )

كانت كل ما تشوف حرمة لابسة بلوزة مفتوحة من الصدر تجي تمد يدها على صدرها وتقرب وجهها ..

<<حنت للصدر..تبي ترضع.

الين ما حطيت مرة بموية تغلي بفنجان صغير ..

ثم اخذت المرة وهي نصف ذائبة وفركت صدري..

ثم اعطيتها .. وعافته نفسها ..

وبعدها صرت اعطيها حليب ابتاميل .. ريحته حلوة وقريب من حليب الأم ..

وصارت تمسك القارورة وتنام بسريرها ..وذيك الايام كنت عايشة براحة .. تنام لوحدها وبدون ازعاج لي ولأبو العيال.

وبعد استعمالها الحليب قوي الكالسيوم بجسمها وطلعلها السن الأول فوق والثاني تحت . ممكن سنة وشهرين تقريباً.

لكنها بعد 3 شهور تقريبا جالها التهاب بحلقها وما عاد قدرت تمص القارورة .. يصير يوجعها حلقها . وصارت ترمي القارورة على الارض وما ترضى تمسكها ..ولا ترضعها . وطول الليل تبكييييييييييييييي..

وعافت القارورة ..من بعدها ما طبت فمها ..

وبعدها ما صارت تنام الا بحضني ..وصار عندها عادة ما تنام الا وهي مدخله يدها بصدري تتحسس فيه

يعني من سنة ونص تقريبا ما يطب فمها اي نوع من الحليب ..

اذا اشترينا حليب صافيو بالشوكلاته تشربه .. او تشرب نصه والباقي تعصره على الكنب 😛

الآن عمرها سنتين ونص .. عدد السنون العلوية 4 الامامية . وناب وضرسين ..

السفلية : الاربعة الامامية بشكل غير مكتمل وضرسين <<على حسب ما اذكر..

البطاطسات اللي مثل الليز أو الشكولاتات القاسية مثل كيندر بوينو بالبسكوت صعبة عليها بالاكل .

وكل من شافها قال انها قصيرة .. وانها قزمة ..

ولا تحب النيدو ولا اي حليب . ساااادة .. لألالالالالالازم بنكهات ..

ولما كنت حامل بأخوها .. اعطتني الدكتورة حبوب كالسيوم مثل الاقراص بطعم البرتقال.

يوميا اعطيها معاي حبة حبتين .. لأنها مثل الحلاوة مص . وتعجبها مرررة. سرع بنمو الناب ..

اسمها كالشيو دي .

هذي القصة الكاملة ..