عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف حالكم اخواتي الحوامل .. الله يفرج كربكم وتولدون بالسلامه ……….
حبيت اقولكم قصه ولادتي في الالماني عند دكتورة منى نبيل.. 😡
طبعا انا ولدت السبت 14/5/1430
وامس خلصت الاربعين.. ❗
لكن من قبل اسبوع ونص من ولادتي وانا اراجع عندها بشكل شبه يومي عشان المويه كانت ناقصه عندي .. وقالتي ان الحبل السري مايوصل دم كافي للبيبي .. فكانت خايفه على بنتي ..
وكنت اروح لها تعملي تخطيط عشان تتطمن ان الوضع سليم.. وتشييك ع الرحم..
قالتلي امشي اكثر واشرب الاعشاب الي تسهل الولاده ..
المهم كان مفروض تولدني بطلق صناعي .. يوم الخميس
رحت لها الخميس 12/ 5/1430 .. شافت الرحم لقته مقفل وراس البيبي فوق مانزل الحوض .. وبدأ نبض البيبي يقل مع كل حركه لها ..
وسألتني اذا ابغى اولد اليوم بالصناعي و لالا.. 😥 😆 idea::P
قلت لها السبت لاني ماكنت مستعده الخميس …….
جلست يومين خاايفه اني اولد قيصري .. وخايفه من الطبيعي لاني بكريه.. ماشفت النوم بس ابكي ❗ 😐 😐 .. وزوجي يهدي عليا .. بس مافي فايده..
طبعا الي يقول لاتأخذي طلق .. استنى شوي .. وكلام يخوف عن الصناعي ➡ 😛 … ولا اولدي قيصري وريحي نفسك من الطلق الصناعي ..:( 😡
واتصلت على الدكتورة بالليل اقولها امانه لو الطلق مارح يجيب نتيجه تولدني قيصري بدون مااعاني من الطلق وبعدين عمليه..
وطبعا هي تهدي عليا وتقولي لا مارح نحتاج عمليه.. اول مايفتح رحمك رح اولدك على طول وماتخافي ومن هالكلام… 😈 🙁
رحت طبعا السبت من الساعه 6 الصباح لقسم الولاده…
والساعه 7 حطو لي تحميله الطلق الصناعي قالو ساعتين ويبدأ مفعول الطلق…
عدت الساعتين وماصار اي شي الا الام خفيف جدا لايذكر زي الدورة واخف كمان ..
لاني جربت الاجهاض من قبل وعارفه كيف الم الطلق الي خلاني بموت منه قوته..
قالتلي امشي ساعه بالمستشفى وارجعي .. رحت مشيت ساعتين
ورجعت لها الساعه 12 الظهر وانا مااحس بأي الآلم ابدأ…
شافت رحمي لقته مقفل مو راضي يفتح و راس البيبي مانزل بالحوض كمان …..
طبعا جاتني الدكتورة وكان بالتخطيط نبض بنتي بدأ يضعف مرة..
قالتي مع كل طلقه نبضها يقل .. في مشكلتين..
يالحبل السري ملفوف عليها وخانقها..
او ان الحبل السري خلقه قصير ..
قررت عمليه.. وانا جلست ابكي ➡ 😉 😆 idea:.. واخواتي يهدو عليا … ويقرون عليا..
الساعه 1 جهزوني للعمليه …
الساعه 2 الا 10 ولدت بنتي …ليان…
وطبعا طلع السبب ان الحبل السري عندها قصير مخليها معلقه بالحوض مو قادرة تنزل مسكينه..
فقت من البنج صلاة العصر وسألت عن بنتي ….. كلهم قالولي زي القمر..
اتصل على الحضانه 💡 قالوا ليا انهم حمموها ولازم يحطوها ساعتين في الدفايه..
اتصلت بعد ساعيتن 😆 🙄 قالو حطوها تحت النور عشان الصفار… بعد اربع ساعات يطلعوها.
اتصلت بعد اربع ساعات قالو 10 دقايق ويطلعوها …..
وانا استنى ولا طلعوها…. وبمووووووووووت ابي اشوف بنتي
اتصلت عليهم الساعه 10 قالو الحضانه قفلت….:P 😆 🙂
عصبت عليهم واتهاوشت معاهم وجلس ابكي نفسيتي تعبت مرررررررة
واتصلت على رئيس التمريض وجلست ابكي واقولها على الي صار من الحضانه.. وقالتي ولا يهمك دحين تطلع لك بنتك..
ومافي دقيقتين وتجيني .. احلى بنوته.. 👿
مع تورته من عندهم هديه…
نسيت الالم والتعب وكل شي.. لما ضميتها لصدري…. يارب يحفظها لي ويخليها ..
والحين الحمدلله كملنا الاربعين انا وبنتي ليان…
عقبال كل الحوامل يولدون بالسلامه وتقر عيونكم بشوفته اطفالكم.
وهذه صور من غرفتي في
الغرفه من بره
سريري..
شوكلاته الضيوف
باقه ورد هديه من امي ..
..
