قصة اختي الحـــــامـــل

احنا عائله ملتزمه جدا ولله الحمد
تعرض اخي الكبير
قبل شهرين لحادث بسيارته
ولله الحمد كانت خاتمته حلوه لانه كان صائم يوم الاثنين ..ومن اسعفه قالو لنا انه كان يكبر طول الطريق لوصوله المستشفى
ف الحمدلله الحمدلله
طبعا اخي كان البكر وتعرفون غلاة البكر عند امه وابوه
ابي لماعرف انصدم ولكن احتسب
بس الي يعرف ابوي
يعرف ان الحزن يقطع قلبه
على ولده
امي لماعرفت ماتحملت الخبر
اغمى عليها
وتنومت بالمستشفى اسبوع كامل
امي لم تكن تعاني من اي امراض الحمدلله
بعد الحادثه صابها السكر والضغط

قبل وفاة اخي كنت الاحظ على اختي الكبرى
انها مهمومه
ومنعزله بغرفتها ودائما تبكي
سالتها اكثر من مره
وامي سالتها كانت دائما تقول
انها رسبت في مواد بالجامعه
او اسباب ثانيه مومقنعه
ف انا قلت بعدين هي رح تحكيلي
وطنشت السالفه
بعد وفاة اخوي امي صابها خوف علينا بشكل فضيع
اذاجلسنا دقايق بعيد عنها تنادينا
اذاوصلوني المدرسه امي تكون بالسياره تطمن لين ادخل المدرسه
انابصف ثالث ثانوي
امي قلقت على وضع اختي لان بعد وفاة اخوي وضعها زاااااااااد سووووء
صارت ماتقدر تمشي
وتستفرغ ودايخه واغلب الوقت نايمه
ابوي رقاها اكثر من مره
اخر شي
اناكنت طلعه من غرفتي سمعت ابوي
يقول بكره بياخذون اختي لو غصب عنها لمستشفى يكشفون عليها
لان حالتها ماتطمن
انارحت لااختي قلت لها
ابوي بياخذك غصب عنك للمستشفى
هي جلست تضرب في نفسها
وتبكي
وتقول مصيــــــبه مصيــــــــــبه
انااستغربت قلت لها شفيك ؟؟
قالت شي تمنيت اكون مت ولااني اسمعه
قالت أنــاحـــامــــــل
انامااستوعبت قلت شلون وكيف
انتي بنت شلوووووون؟؟

قالت انها حملت من واحد كانت تعرفه من مده
اختي بنت يعني بكارتها سليمه لاكن حكمة ربي سبحان الله
والنذل لماعرف بحملها قالها
زواج مستحيل اتزوجك
هذا غير انه شكك ان الي فبطنها منه
خصوصا انه ماصار شي………..
قالها اهربي من البيت وانااحطلك شقه ونجلس اصدقاء
وحاول فيها
لما شافها معنده وتبي يتزوجها
,,,,اختي المغفله ماتعرف عنه شي غير رقم جواله واسمه وهومن منطقه غير عن منطقتنا ,,,,
غير رقم جواله والغى الرقم
اختي صارت ماتعرف توصله
وطلع حتى اسمه كذب عليها فيه
حسبي الله ونعم الوكيل فيه
اناكنت حاسه بمصيبه وكارثه لو اهلي عرفو والله لاتموت امي من االصدمه
وليذبحها ابوووي

معليش اخوات اناماعندي خبره بالكتابه
بس يعلم الله اني ماكتبتها الا لتكووون نصيحه لكل بنت