عالم البنات النسائي كل ما يخص المرأة العربية من ازياء وجمال والحياة الزوجية والمطبخ
استغفر الله واتوب اليه
لي وللمؤمنين والمؤمنات
والمسلمين والمسلمات
الأحياء منهم والأموات
مسيييييييييييهم بالخير
انا زي اي وحده دبه وفاشله
كان وزني 56 وارتفع وزاد وصرت 86
والسبب الاكل والبلع بشراهة
بسبب ومن دون سبب
وتقل الاكل بينحاش 
حبيبه ودمي حفيف وجلستي ما تنمل فديتني
وكان لي قروب زدييييييييم تلقونه بمواضيعي
سويته وكلللللللللل الي بقروبي نحفوا وانا زدت 
كني فاتحته عشان اخذ شحومهم 
تعبت تعبت من جد
انا بنت عمري 28<<<تبطين عظم بنت 
اقصد حورمه وعندي بنوتتين صغار
جمالي اندفن بسمنتي
حركتي صارت ثقيله قومتي قعدتي
ماعاد لي خلق اجامل وازور واتزاور بسبب شكلي المقرف
لا لبس زين ولا منظر
وتريقة من كل الي حولي
والي مبطي ما شافني يسوي كذا اول ما يشوفني
اخرتها لي سنه ما رحت لصالون كان بجنب بيتي القديم
واليوم رحت لهم التموا الفلبينيات هلووووو مدام
واي يو لووك سو بيق ار يو بريجنيييييييت ➡
يعني وراك غديتي وش كبرك انتي حامل 
الزبده اني فاااااااااااااشله
فاااااااااااااااشله فااااااااااااااشله
بس خلاص
ما ابي اصير فاشله بعد كذا
ابي ارجع نحيفه
ابي اتحرك بخفه واتدلع قبل يمضي فيني العمر
ابي البس واتلبس
ابي اشتهي احد يعزمني واترزز عنده بدلال
وابي انادي الناس بمناسبه وبدون مناسبه عشان اتباهى بنفسي
ابي اركض وامزح وارقص مع شعنوناتي
ابي اكون اكثر ثقه قدام زوجي
ما ابي اكون قدر مرقوق يترجرج<<< تشبيه قاهر
مابي كروش وانا جالسه كنها توأمي الاصق فيني
ولا جنوب كنها مساند على اليمين واليسار
ولا فخوذ كل ما مشيت خطوة تصافق مع الثاني
ولا ابي شنطه اذا بغيت اجلس سحبتني على ورى من ثقلها
(الحمد لله على الصحه بس السمنة مرض من قال انها صحه)
انا اقدر اكون رشيقه
واقدر اتحدى لحظة ضعفي قدام حبة شوكلاته ما يدوم طعمها الحلو دقيقه
ويستمر طعم الحسره باقي سنين عمري
انا اقدر ان شاء الله بقدر وبقدر
نداااااااااااائي لكل فاشلة زيي
حابة تغير من حياتها
وتقول انا الي كنت فاشله بيوم من الايام
صرت قوية وينضرب فيني المثل
انا ما اوعدكم اني اكون قدها بس ان شاء الله بكون قدها وقدود
وبتشجيعكم ودعمكم بكون وبنكون
طلبي منكم اني ابي فاشلات ماعندهم ارادة ولا قدرة ولا مقاومه
ابيهم يفهموني وافهمهم
ابيهم يحسون معي بنفس الالم والوجع ابيهم ينجحون معي ويذوقون طعم النجاح
مع كل كيلو ننزلة سوا ونفرح لبعض كأننا نزلناه كلنا
نبي ندف بعض على الرياضة ونغصب بعض ونزعل على بعض ونهاوش بعض ونسولف على بعض
ونحش بخلق الله مع بعض
فهمتوني
بليز 😐
