عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سمعتو عن اسباب اغلاق النوادي النسائية الرياضية او بعضها زي مالبعض قال؟
بأقرا الأسباب قبل شوية و انصدمت من كلام واحدمسمي نفسو مفتي يقولك الرياضة حرام للنساء
و الله لأقص يدي لو يجبلي دليل واحد بس من الكتاب او السنة على تحريم الرياضة للنساء
الآن صارت الرياضة حرام؟!!
و الله انا خايفة يجي يوم يقولوا فيه شرب الموية و تنفس الهوا كمان حرام
.يا حسرة علينا العالم كلو يتقدم و يتطور و السعودية كرمالها ترجع لورا
لا و الناس مستغربة ليش الغرب محسبين العالم العربي عامة و السعودي خاصة لسا عايش في الصحرا و الخيام و بيتنقل على الجمال و الحمير و الله ما ألومهم
أجل الرياضة حرام ها؟ ههههههههههه
القصة اني كنت مشتركة في نادي رياضي سنتين و تركت فترة بسبب ظروف و لما رجعت اسجل فيه
من يومين قالولي قفل رحت كذا محل اعرف انو فيهم نوادي كلهم طلعوا مقفلين ومدير احد المراكز الصحية
اللي كانت فاتحة نادي قللي انتي نايمة في العسل يا أخت؟ ما …سمعتي عن اغلاق النوادي النسائية لأن
في مفتي قال انو الرياضة حرام للحريم؟ ما سمعتي عن حملة خليها تسمن و ما شفتي في التلفزيون في
رمضان كيف طلعوا حلقة في مسلسل تتكلم عن هادا الشي؟ و الله اني كنت من جد نايمة في العسل و لا ادري عن شي من جد انصدمت
و لما جيت ادور على النت لقيت اللي لقيتو عن الاسباب و الفتوات و التحريم
هما لسا ماشيين على القرار هادا و لا صار تغيير؟!!
