فينا سحر 45 سنه ولا لقينا حل

مشكلتى كانت في اسرتي قبل ولادتي..
اهلي ناس يعانون من السحر لهم اكثر من 45 سنه..

طبعا ببداكم المشكله قبل ولادتي واتسلسل بالاحداث..

جدي شخصيه معروفه بالمجتمع جدا ويمكن لو اذكر اسمه الكل تعرفه كان شخص مع الامراء والشيوخ ومعروف بكرمه مع جماعته واخوه الوحيد شخص عادي وراتبه جدا قليل..

مرة عم امي ساحره العائله كلها بتقولولي شلون عرفتي..

بقولكم من الاول عم امي كان دايم يهزاء حرمته يبيها تصير مثل جدتي بنظافتها واهتمامها بنفسها..

بس متطلبات السحر ماتسمحلها يكون بيتها نظيف حسب ماعرفت من احد المشايخ..

المهم في بيت جدي القديم كانوا جيران جدتي اردنين وجت اردنيه تسولف مع خالتى قالتلها انتبهو من مرة عمكم تراها ساحره وحاطه سحر ها في برقع امكم جدتي بعد ماسمعت الكلم طردت الاردنيه من البيت لانها ماتشك في مرة عم امي لان الى يشوفها يقول هالانسانه في حالها وملتزمه دينيا تخيلوا ولاصلاه تخليها حتى الاستغفار ماتنساها وهذا طبعا دعايه قدام الناس..

المهم حالت عايلتي تسوء كل سنه مشاكل بينا خالتى وخوالي والله ياناس على اتفه سبب اكون جالسه في المجلس وخوالى وخالتى في الصاله ثوانى بس يجتمعون الا اسمع صراخ خالتى وخوالى متهاوشين ويتضاربون مع بعض مثل اليهود وكل واحد يضرب من قلب مع انهم كبار..

طبعا مايرتاحون الا اذاشافوا جدتي مغمى عليها ومرتفع الضغط ذاك الساعه يهدون..
ويجبون لها ممرضه..

طبعا سبحان الله مع الايام نكتشف ان هالانسانه ساحرتنا مع ان شكلها والله لوتشوفها تقولون ماتضر دجاجه ..

جيناهم مره بيتهم وجتنا بنتها الكبيره تسولف تقول تخيلوا غرفة امي كلها شعر واظافر اكيد شغالتنا ساحرتنا مايدرون ان امهم هي المجمعتها..

طبعا بعد ماعرفنا كذا نكلم مشايخه ويجون يقرون علينا بس والله مايستمرون بالكثير يوميا ويقولون حنا مشغولين..

بعد كذا تزوج خالى الكبير بنتها ومن تزوجها وحالنا اردى صارت المشاكل اعظم صاروا خالتى يرفعون صوتهم على جدتي ويتلفضون عليها اجي اكلمهم يقولون غصب علينا مانقدر..

نفسيت جدتي تعبانه مره..

عقب هالفتره عم امي تعب وجاه انتفاخ في البطن كل المستشفيات يقولون حالته غريبه ماله الامهدئات ويقعد فالبيت طبعا معروف وش فيه جسمه ماعاد يتقبل السحر وصارله انتفاخ فالبطن امي يوم عرفت كلمت شيخ وقالت رحلهم الشيخ يوم جاهم طلعله ولد عمي امي وقاله ابونا مافيه شي واطلع حتى ضيافه ماضيفوه..

كلمت امي الشيخ قالت ليش ماقريت قال ناس مايبونى اقراء على ابوهم كيفهم عندي غيرهم ناس مستضرين اروح اقراء عليهم..

كلمت امي ولد عمها قالت ليش ماخليتوا الشيخ يقراء على عمي قال انا اعرف وش في ابوي ومايحتاج شي..

وهو شكله يدري انه سحر..

بعدها امي راحت زياره لعمها تقول يوم جيته لقيته فالصاله وجلست معه اسولف طبعا يتكلم بصعوبه..

تقول يوم دخلت حرمته وقام يأشر عليها ويقول ترى هذا كله من هاذى وقام ولده وغطى وجهه بالكاب قالت امي ليش تغطي وجهه قال لانه يتخيل امه تجي ويتكلم كذا..

ونفس الحاله تكررت مع خالتى تقول لاجيتهم غطوا وجهه بالكاب علشان مايشوف..

بعدها كانت عندنا عزيمه لجماعتنا وكلمت مرة عم امي على امي قالتلها نبي غسال الناس الى بيجونكم لان تدرين عمك تعبان ونبيله غسال..

طبعا امي قالت ابشري انا قلت لامي اذا بتعطينها والله لاكبه ونفس الكلام قالوها خالتى قالولها مهبوله ماتدرين هالانسانه ضارتنا وتبي هالغسال حتى تضرنا زياده وامي تقول مصدوده عنا ولانسع كلامنا وجمعت لها الغسال وعطته بنتها الى هي مرة خالى..

عقبها طاح جدي علينا بدون سبب والله ياناس نشيط مافيه شي لكن طاح وفجأه ماقدر يمشي ولاحتى يروح للحمام الله يكرمكم..

وصار خالى يعتني بيه الله يحفظه حتى جدي سلم امانته الله يرحمه..

بعد كذا توفي عم امي بعده ب7شهور..

وعقبها جبنالنا شيخ يقراء علينا وقالت امي بعطيه الى يبي بس يستمر معنا..

وماشالله الشيخ ماقصر قراء علينا كلنا..

طبعا انا وامي كنا نبكي طول القرايه..

بس اختي تأثرت الكبيره وتكلم الى فيها ساله الشيخ قاله مسلم قال ايه مسلم..

قاله تشهد وتشهد الحمدلله..

طبعا بداء يساله قال الى ساحرتهم فلانه هي نفسها مرة عم امي..وقال ترى الغسال الى وديتوه لها مو لعمكم هذا تجدد فيه سحركم..حسبي الله عليهاااااااا

وطبعا مو اول مره نسمع انها هي ساحرتنا خالتى كانت تقراء اكثر من 35 سنه وكان يتكلم الى فيها ويقول اسم مرة عم امي..

بعدها كلم الشيخ شيخ ثانى في عشيره معروف..

وسأله عنا قال بيتهم مليان سحر مثل النفود مكبوب على بيبانهم وسياراتهم وخلهم يستمرون على الورد وزبالتهم لايكبونها عند باب بيتهم خلوهم يودونها لمكان بعيد عنهم لانها تاخذ زبايلهم وتاخذ اثرهم للسحر..

والله ياناس نفس كلام الشيخ انقله لكم والله الشاهد على كلامي..

طبعا يوم طلع مع الباب الشيخ هو واخوي شافوا شغاله طلعت بين سيارات ابوي واخوانى الشيخ سال اخوي قال هذى شفيها قال اخوي مدري قال شغالتكم قال اخوي لا..

قال زين بكرا نشوف ..

راح الشيخ وجاء اليوم ثاني يوم سال الى فاختي قاللهم جايه للسيارات تجدد السحر..

وتراهم جدووه لهم الفجر..

تحسبنا عليها واستمرينا بالورد والبقره..

عقبها كلم الشيخ اخوي الفجر قال ولد الى سحرتكم شكله كذا وكذا وسيارته نوعها كذا ولوحتها كذا قال اخوي ايه قال الشيخ شفته قبل شوي عند سيارتي..

طبعا والله عقب هالمكالمه ماجانا الشيخ ولاشفناه وكل ماكلمناه قال مشغول عندي ناس ولا مسافر..

وانا مقهووره منها ابي بس تفكنا منها ومن بلاها دلونى شسوي الهيئه تقول لازم دليل وماعندي دليل عليها..
والله ياناس ان جدي يتصدق عليهم وكل شي جديد يشتريلها هي وبناتها حتى الاكل والشرب مايجيب لبيتنا الا يجبلهم مثله ماضريناها حسبي الله عليها مدرى ليه تبلتنا بالسحر..

مقهوره اشوف عايلتي كل يوم بمشكله والله مانرتاح مايمر يوم الاخوانى ولاخوالى متمشكلنى ولاخالاتى مع جدتي مسوين مشكله..

والله ماابتليت عليها وكل مااكتبه مازودت ولاكلمه والله الشاهد..

الحين مربطه خالتى عن الحمل صارلها 35 سنه وللحين ربي مارزقها وانا عن الزواج والله ماامدح نفسي يجون فالزواج يسالون عني وعقبها مااشوفهم وجدتى سحرها في اعصابها هي وخوالى كلهم بالاعصاب..

تكفون دلوني على الحل حتى الشيخ عادل العقيل ارسلته ايميل بس مارد علي..