هام جدا عن الختان .. مجهود شخصي..

اخباركم امهات ..

اليوم وزعوا علينا منشورات عن الختان اهميته وكيفية التعامل بعد عملية الختان ..

حبيت افيدكم بالي قالته الدكتوره والي وزعته..

اولا نبدا .. من االبدايه جدا ➡

قبل تروحين المستشفى بيوم حاولي تروشينه تسبحينه وتدفينه يكون احسن

بعدها بيوم الختان جهزي معك رضاعته سوي حليبته وحطيها بشنطتك وحطيله بامبرز لازم بامبرز لان

السستر راح تقولك وين البامبرز علشان لازم يلبسونه جديده ..لعد الختان ونظيفه يمكن يكون موصخ ولا شي ..

دهني خشمه واذانه مره علشان مايشم عطر ..

بعدين لاتشربينه شي اذا وصلتي المسشتفى علشان مايرجع وهم يطهرونه خليه لما يطلع بالسلامه

سيدا عطيه ..

اوكي نجي للمستشفى اذا وصلتي العلمليه الختان ماتستغرق ربع ساعه بعدها يجيبونه لك

وتنظرين شوي نص ساعه يشوفون كيف الجرح كويس ولا نزيف لاسمح الله .. مدري عن نظام المسشتفيات

بس المستشفى الي كنت فيه كذا نظامهم ..اوكي بعد مايطهرونه وكل شي ..

بيعطونك مسكن للضروره .. وتراهم يبنجون المنطقه موضعي لاتخافين بس لازم الاطفال يبكون شوي

من الموقف ياقلبو بعدها ..اذا خذتي طفلك تراقبين حرارته بالبيت اهم شي اذا ارتفعت سدا

اقرب مستشفى .. بعد الختان ب 5 ساعات تقريبا تجيبن طشت مويه دافيه وملعقه صغير ملح ناعم

ملح طعام وتغطسينه فيها .. طلعيه ونشفيه الشاش الي على القضيب خليه يطيح من حالها بعد كم يوم

اليوم الاول مره وحده مويه وملح ..

اليوم الثاني والثالث والرابع 3 مرات االصبح ..الظهر .. المغرب ..

فايدتها تعقم وتنشف الجرح ..

واخيرا تراقبين مسار البول وانتي بكرامه .. اذا وقفتي قبال ولدك والبول كان سيدا عليك هذا ممتاز

بس اذا كان نافوره او يمين يسار عادي مايخوف بس تراجعين بعد اسبوعين المسالك البوليه ..

اخر شي نبهتنا الدكتوره من فلسفة الحريم قالت لاتسون ولا شي من كلام الحريم ترى بيضركم

ماينفع بس استشيري طبيبتك واتبعي المعلومات وبس ..

بعضهم يقولك زيت زيتون ومدري ايش .. وكريم .. هالامور تخلي الجرح رطب ومايطيح وماينشف بسرعه

امر فيه نظافه وظهاره من جراثيم قد تتنقل للزوجه في المستقبل ان لم يختن الطفل ويطهر

وقد تصيبه نفسه بامراض هو في غنى عنها ..

وربي يحفظ عيالكم من كل مكروه ..

ويرزق كل محرومه الولد والبنت الصالحه ..

لاتنسوني من صالح دعائكم