غلطتــيـ ,, نزلــتــ ’’ نفسيــ .. لـــمــــســتـــــــواّاّأّاّكـــ

غلطتي سلمت لك قلبي وأمري
غـلطـتـي صورت من مثلك ملاك

غلـطتـي والا مـن الأيـام قدري
أحـتـمل غـدرك واتـحـمـل جفــاك

كم دعيت الرب حتى فاض صبري
ابـتـلانـي فـيـك ،، ما فيني ابتلاك

بعت ناسي واجترعت الهم بدري
هنت نفسي من اجل اكسب رضاك

وارتضيت الذل،، كان الحب عذري
الـكـرامـه مـالـهـا قــيـمـه بـلاك

اقـبـل اعـذارك وتـتـمـادى بـغـدري
واختلق الاعذار لو تنكر خطاك

كنت اظنك تحترق في النار كثري
كـنت اظن انه عنايا من عناك

ابتسامك في تلايا الليل فجري
كـنـت مـبهورة وأعماني غلاك

كان واجب تحترق مثلي بجمري
كـان واجب أقتلك مثلي بجفاك

واستغلك مثل غيري بس قدري
عند نفسي فوق أعلى من سماك

كان لازم مثل غيري تذوق غدري
مـارضـيـت اني اسبب لك شقاك