عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلاااااااااااام لأحلى أعضاء وأحلى منتدى 😀
كيفكم وبنوتاااات 😆 hy:
حبيت انزل لكم قصة كتبتها واذا شفت تفاعل اوعدكم حبايبي انزل الاجزاء
بين فترات قصيرة 😆 🙂
واتمنى للأمانة اذا تم النقل تنقل باسمي ~( الفرآشـة الورديـة )~
وراح احط لكم صور بقدر الامكان عشان توضح اكثررر 😆 😉
واعتقد ان عدد اجزائها راح تكون في العشرين مو أكثر
واذا قدرت راح انزل جزء كل يومين
الرواية اسمها ((( ع + هـ + و + د = كتبت اسمك بدمي ** ورسمت لك في مخيلتي صورة )))
“سعودية ” رومنسية ,,, حزينة ,,, خيالية
الباااااااااااااااااااااااااااااااااااااااااااااار ت الأول
بالخبر تحديدا في شركة الفخامة
طلع من الشركة الكبيرة والبديقارد فاتحين له الباب ويمشون وراه قابل اخوه عند الممر
ناصر ( بو راكان ) : أقول ياخوي انا بروح البيت اريح شوي احس حالي تعبان مااوصيك على الشركة
فهد ( بو عمار ) : سلامتك ياأخوي أنت روح ارتاح ولا تحاتي كل شي راح يكون اوكي
فتح له السواق السيارة
بو راكان : على الفلة بسرعة
السايق : حاضر بابا
اول مادخل الفلة اللي تطل ع البحر مشى لعند سور الحديقة ومسكه بقوه يحس حاله تعبان
انفتحت له البوابة الكبيرة ودخل للصالون وفتح الأصنصير وركب لغرفته وحط راسه على السرير وشريط ذكرياته يمر قدامه و كأن اللي صار خيال , تذكر هذاك اليوم يوم تهاوش مع أخوه وأخته عالحلال وابوهم تعب حييييييييل
أبو ناصر ( الجد ) : ناصر انت ولدي الكبير وأمنتك على سري راشد ياناصر راشد اعتبره ولدك واكثر ربيه ياولدي لاني خلاص تعبت اسف ياوليدي سامحني لاني ماخبرتك من البداية بس راشد امانة برقبتك ياناصر لحد مايدفنوك وهذاني بلغتك ياوليدي ولاتخون الأمانة هذي هي وصيتي ياناصر وصيتي
ناصر ويحس الارض مو شايلته وبصوت مخنوق : ليه يايبا لييييييه سويت كذا ؟؟
ابو ناصر : اسف ياوليدي سامحني بس انا بروح وبأمنك على كل شي اخوك واختك وعيالكم وراشد والحلال والاهم ان راشد مايدري ولاتخليه يحس بهالشي بيوم من الايام (كمل بصعوبة وهو ماسك صدره يحاول يتنفس)
ناصر مرتك يوم ولدتـ ــ وقف لحد هنا وماقدر يكمل لانه خلاص نطق الشهادة وراااااااح مااااااات واندفنت الحقيقة معاه
ناصر وهو في باله ليه يايبا ايش السر اللي خبيته علينا من خمس وعشرين سنة ومرتي نفسها اللي ولدت راشد وليدنا ماتدري ايش هو السر , مو معقولة اللي صار بس اكيد الحقيقة راح تظهر بيوم من الايام مو معقولة تتخبى اكثر من كذا ,,,, لحد ماتعب من التفكير و نااااااااام
************************************************** ************************************************** *****
الجد ورث عياله امواااال وعقارات وشركات كبيرة ولها اسمها بالسوق عنده ولدين وبنت
التعريف بالشخصيات :
بيت أبو راكان
الأب بو راكان (( ناصر )) : رجال بمعنى الكلمه شخصيته قويه , يفرض رايه على الكل . والكل يهابه وله سلطة وكلمه على العايلة بحكم انه كبيرها بعد وفات ابوه ( الجد ) و عنده شركات واموال ملك للعايلة لكنه هو اللي يديرها
الأم أم راكان (( شريفة )) : ماتعرف تعبر عن مشاعرها يعني باختصار ماتقدر تلم عيالها ولاتقدر تفرقهم لكن مهما كان هم عيالها وتخاف عليهم وعلى مصلحتهم تحب الكشخة والفرفرة من بيت لبيت انييييييييقة حيـــل اللي يشوفها مايقول ام يقول اخت لعيالها ..
الولد الكبير (( راكان )) : عمره 30 سنة شاب طموح وسيم لكنه جدي مايحب يمزح كثير يشتغل مع ابوه بالشركة متزوج بنت عمه علياء وعندهم بنوتة امورة اسمها رؤى ..
(( راشد )) : عمره 25 سنة متهور مزاجي مغرووووووور , لكنه مملوح وطويل وملامحه بدوووووية ووسيم عيونه بنية ناآآعسة وخشمه دقيق وطويل وآسمراني ومطيح البنات بستين داهية لكنه مستحيل بيوم من الايام يناظر بغير بنت عمه عهود لانه يحبها ,, من يوم هم صغار انكتبوا حق بعض ,,, يدرس هندسة
(( رامي )) : عمره 23 ولد حبووووووب بمعنى الكلمة طويل وشعره بني طويل وعيونه عسلية يجنن البنات مع ان راشد احلى منه واطول لكن رامي عنده خفة دم مو طبيعية يخلي اللي يشوفه يدخل قلبه ع طووول ،، عطااال ويفكر يشتغل بشركة من شركاتهم لكنه فاااشل مايحب الشغل
(( رغد )) : عمرها 20 سنة مدللة ودلوووعة حلوة وملامحها ناعمة وهادئة شعرها أشقر وعيونها عسليه تشبه لأخوها رامي تدرس طب بالفيصل
(( ريناد )) : عمرها 18 سنة بثالث ثنوي دلووووووعة ابوها لانها اخر العنقود وماينرفض لها طلب حلوة
على فكره ناصر يحب حرف الراء فسمى اولاده كلهم بهالحرف
بيت العم بو عمار (( فهد ))
بو عمار : يشتغل مع اخوه بالشركة لكن شخصيته مو قووية مرة يعني اللي يقوله أخوه ينفذه من دون تردد
أم عمار (( خديجة )) : أم حنووووووووونة بمعنى الكلمة تحب اعيالها اكثر من نفسها عندها كل شي ولا اولادها
عمار ولدهم الوحيد : عمره 23 سنة صديق عمره ولد عمه رامي مسويين فيها تمشي ومغازل لبنات خلق الله نفس الحالة عطالي مثله لكنه حلو
علياء : عمرها 27 متزوجة ولد عمها راكان متفهمين ويحترموا بعض كثير هادئة وخلوقة وتشتغل دكتورة
العنود : عمرها 21 مغروووورة وشايفة حالها جمالها عاااادي جداا مو احلى من غيرها تدرس بالجامعة بالفيصل
عهوود : عمرها 20 كلمة جميلة قليلة عليها لانها دلووعة من يوم هي صغيره تعودت الدلع ,,,, طولها وسط ورشيقة ملامحها طفولية بريئة ..بشرتها بيضااااء عيونها وسااااااع ولاعيون غزال وسوود وشعرها اسود كثيف لعند ظهرها شفايفها فراولة وخدودها موردين وفيها غميزات يهبلوووا , في ثاني سنة بالجامعة بالفيصل , صديقة عمرها بنت عمها رغد … وبنت خالتها وعود
((((((( حرف العين ))))))))
بيت العمة الأرملة أم سعود (( نجود ))
العمة ام سعود : انسانة حنونة متواضعة ولو انها تملك نص ثروة ابوها لان ابوها قبل مايموت كتب نص امواله لها والبقية لناصر وفهد …
الولد الكبير سعود : عمره 28 يشتغل مع عموميته بالشركة متزوج بنت عمه ندى وهي حامل بالشهر التاسع ,,
سامي : عمره 22 تبع شلة اولاد عمامه رامي وعمار حلوووو ويموت على الكشخة
سجى : عمرها 20 سنة هي صح بسن عهود و رغد لكنها ماترتاح لهم اهي صاحبة العنود امممم هي ناعمة كثييير وهادئة وملامحها مرررة خجولة ..
سارة : اخر العنقود عمرها 17 بثاني ثنوي دلووعة وحلووة مع بنت خالها ريناد بالمدرسة
************************************************** ************************************************** *****
صدفة ومن بين كل الناس علقني ….. من يوم شفته وعيني جات في عينه
حسيت شي بعيونه حيل يجذبني …….لما ابتسم بانت بوجهي تلاوينه
وأصواااااات الموسيقى عالاخر مالية المكان والطق والرقص اللي يهبل
=>>> عايشين جو مع الحفلة
على مسيقى هادئة انفتح الباب الكبيييييير الفخم
ودخلت العروووس وهي ماسكة قلبها من الخوووف والفرح بنفس الوقت ( واخيرا واخيرا ياعهود تحقق حلمك واخذتي ولد عمك اللي يحبك من يوم كنتوا صغااار يالبييييه قلبه والله ونااااسة ) علياء تعدل الثوب لاختها اللي كانت لابسة فستان وردي منفوووووش اللي طالع عليها جنان ومرولة شعرها ومنزلة خصلات على وجهها
والميك آب طالع جنااااااان ألوان كثيرة فوشي وفوقه بنفسجي فاتح لايق على عدساتها الزرقا غير الكحل والرموش اللي موسعة عيونها زياادة طالعه تهببببل قمررررررررررر
الف الصلاة والسلام عليك ياحبيب الله محمد كلولوووووووووووووووووووووووش
والحريم يجببوا مو شايلتهم الأرض من الونااااسة اليوم حفلة راشد على بنت عمه عهود اللي انكتبوا حق بعض من يوم هم صغار
والبنات يرقصون ويضحكون عليها
العنود : سجايوووه شوفي اختي الهبلة انخطبت قبلي
سجى : ههههههههه ولايهمك الدور جاينك ( وهي تغمز لها )
العنود : اقول انطمي بس انطمي
رغد : هيييييييه انتي وياها ايش فيكم تتسارون خلونا نتريق على عهودوووه شوفوا وجهها شلون صاير طماااااط
وعود وهي تلف على عهود : اي والله ( وهي تسحبهم ) يلا بنات خلنا نروح نجلس جنبها نشجعها
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&
وحتى الأولاد ماكان حالهم أقل من البنات كانووووا عايشين هبال مو طبيعي
اما المعرس رااشد آه ويش حاله ياراشد الدنيا مو ساااااايعته من الوناااسة مو مصدق هو في حلم ولا علم
اليوم حفلة خطوبته على حبيبته اللي انتظرها طول عمره اليوم صارت عهود لي وحدي ملكي والله مو قادر اصدق
دخلوا الصالة بو راكان ( ابو المعرس وعم العروس ) و بو عمار ( ابو العروس وعم المعرس ) ماسكين اختهم بالنص ( نجود ) ودخل عمار وراهم وهو ماسك السيف وهزززززز الكوشة من الرقص
البنات ماااااااتوا من هباله يجنن مطيح البنات بستين داهية وكل وحدة تطالع فيه من كل صوب
سجى وهي تقرص العنود : اخووك يهبل عندووه يهببل مكسررررر ع العروس
العنود :هههههههههه اقول اللي يسمعك يقول توك تعرفينه ماكأنه ولد خالك
سجى : ايوة لكن اول مرة اشوفه يرقص بالسيف ياربييييييييي جنان
بو عمار سلم على عهود وحضنها وقامت تصيح
بو عمار وهو يهديها : خلاص يبه عهووده اليوم تحقق حلمك وزفيتك عروسة لولد عمك
عهود : مشكوور بابا عساني ماأنحرم منك بس خاايفة
بو عمار : هههههههه طبيعي يابنتي وعقبال يوم عرسك ياحبيبة ابوك انتي
عهود وهي تضحك وخدودها حمرت وقالت بدلع : الله يخليك لي يبابا ولايحرمني منك ان شاء الله
طلعوا الرجال من الصالة وهالحين زفة المعرررررررررس راشد
راشد دخل بالبشت وهو شاق وجهه من الابتسامة واول ماوصل لعهود وطاحت عينها بعينه
عهود بنفسها ياربييييي ارحمني مو قادرة اطالع بعيونه الناااااااااعسة
ماقدرت عهود تقاوم أثر عيونه اللي مذوبتها صار وجهها احمررررررر ونزلت راسها
راشد رفع راسها بيده وباسها على جبهتها : عساني ماأنحرم من هالخدود الورردية دلوعتي
عهود وبصوت خجول وهادئ : مبروك راشد
راشد : الله يبارك فيك حبيبتي …… عهوود
عهود : عيونها
راشد : أحبــــــــك
عهود وهي تضحك : اثبت لي
راشد : طيب خليني البسك الشبكة بعدين اثبت لك ( وهو يغمز لها )
لبسها الخاتم وهي ودها تسحب ايدها ماهي قادرة تحس حالها شوي وتموووت خاصة لما تشوف الناس كلها تطالعها
جاء دورها تلبسه الدبلة مدت يدها ودخلته باصبعه
راشد بخبث : آآآي عهودتي بشويش ألمتيني
عهود تحس روحها ماهي قادرة بدل ماتكحلها عمتها : اسفة حبيبي
راشد : آآآآآآه ياقلبي ويلوموني فيك يالقمر
راشد قام حملها وهو يدور فيها والناس ميييييتة ضحك
عهود وهي ماهي مستوعبة اللي صار : رااااااااشد تكفى نزلني
راشد وهو يصرخ : ياناااااااااس احبهـــــــــــــــــــــا هذي عهود حبيبتي
وكل وحدة من صوب تقول لايقين على بعض واللي تقول راشد يههبل
بعدها قطعوا الكيكة وكان حاط يده ع يدها وهي ميييييييتة من الحيا
وخلصت الحفلة على خير وكلن راح لبيته وراشد وعهود بعد تعبوا ورجعوا لبيوتهم
صباح اليوم الثاني
رؤى تركض لعند امها : يممممممممه يممه
علياء : خير وش بغيتي عورتي راسي
رؤى : يمه خالتي عهوده وينها؟
علياء : ألحين كل هالصراخ عشان خالتك أقول لابارك الله فيك ولا فيها روحي اليها في غرفتها عورتي راسي
رؤى دخلت لغرفة خالتها بشويش : خالة عهود خاله عهود اصحي وديني السوبر ماركت ابغي حلاوة وايس كريم
عهود : اووووف مصحيتني من نومي عشان اوديك السوبر ماركت حرااام عليك البارح مانمت الا متاخر لا بالله مانتي بصاحية انتي
رؤى : اف ليه محد راضي يوديني اووه خالة هذا صوت جوالك ؟؟
عهود قامت بسررررعة : اوووه اطلعي وصكي الباب وراك (( جاها مسج ))
رؤى طلعت وهي تتحطم
شافت رسالة جديدة عالجوال بإسم (( قلبــــــي ))
فتحت الرسالة
صباح الكلمة الحلوة صباح الحب بليا حدود
صباح ريحته قهوة وطعمه بالحلا معقود
صباحك نغمته تغريد وصوتك ينعش الميهود
صباح الخير يا الغالي صباح الشوق ودهن العود
صباح يحتويه الكون لأنك أنت فيه موجود
صباحك عسل ياقلبي مااقدر اعيش بدوووووووونك يلا عاد اليوم بمرك ونطلع حبيبتي اخليك الحين
أحبـــــــــــــــــــــــك
خطيبك : راشد
عهود قامت تقرا الرسالة مليوووووون مرة وهي فرحانة واخيرا انا وراشد بنصير مع بعض بروووحنا وللأبد وقطع حبل أفكارها صوت امها تناديها عشان الفطور
عهود لبست تنورة طويلة بيجية حق الجامعة لماعة وبلوووزة اورنج ورفعت شعرها وهو متموج حطت لها عطر جيفينشي ونزلت فطرت وراحت للجامعة مع اختها
************************************************** ************************************************** *****
رامي وعمار يتمشون بالراشد ( والله فضاوة الناس رايحة أشغالهم من صباح الله خير وهم يلفون بالمجمعات )
رامي : اقول عمار شوف ذيك البنوتة وش حلاتها نروح لها
عمار : يلا وش ورانا مع انها مبرقعة
رامي وعمار قربوا منها شوي
رامي : احم احم يالقمر عطيني نظرة
البنت تهبلللللللللللت من أشكالهم والله حلويييين وباين عليهم بطرانين : خيييييييير
عمار : خير بوجك ياقلبي من شفتك شفت الخير
رامي ضرب عمار ع رجله وقال بشويش : وش اتفقنا هذي اليي
البنت : اقول انت وياه بعدوا عني
رامي : صدقيني قصدي شريف (مد يده و عطاها كرته )
وانحااااااااااشوا لان جا واحد جنبها وشكله اخوها
عمار وهو يضحك : هع هع هع اقول يالأخ طافك شكل اخوها مدري خطيبها ياليت لو ساموو معنا كان وريناه ثلاثي المرح هع هع هع وراح فيها
رامي ولاهمه الموضوع متعوود على هالسوالف : هههههههه خليه يولي زين وخلنا ندخل هالمكان
نهاااااااااااية البارت الاول
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,
وراح احط البارت الثاني عشان يمديكم تتعرفون ع الشخصيات اكثر
بحطه قريب اذا شفت تفاااااااااااااعل من اعضاء المنتدى 💡
