عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم جميعا
ابغى من كل وحده تقرا الموضوع تكون جريئه وترد بعد ماتقرأ القصه عشان اكتشف السر
ومنعا للبس في الموضوع هذا الموضوع موجه للزباين اللي تختار مكياجها بنفسها يعني مو موجه للزبونه اللي الكوفيره تختار لها رسمت مكياجها
واكيد كل كوفيره بتفهم قصدي
نبدأ القصه
فيه زبونه جلست تتصل عليه شهر عشان تاكد حجزها ؟؟؟<<< يحليلها خايفه اسحب عليها خخخخخ
وطول المده اللي تتصل فيها وهيه تاكد عليه انها تحب المكياج الهادئ و ابدا ماتحب المكياج الاوفر وانها ماتحب الشخبطه والتلطيخ اللي تشوفهم في المشاغل والحفلات <<< من حقها عندها ذوق ولازم نحترمه
طبعا جت في موعدها بعد شهر وجابت معاها صورتين مكياج و3 صور تسريحات المصيبه العظمى ولا لووك من هالتسريحات والمكياج طلع هادي طلع اوفر اوفر اوفر من قلب
قلت لها انتي طول شهر تقولين احب الهادي وجايبه معاكي صور اوفر ليش كذا قالت انا ابغى كذا <<< البنت غيرت رأيها ووجهة نظر احترمها
عطيتها كم كتلوج تتصفحهم قلت يمكن تغير رأيها راسها والف سيف الا تختار اوفر
المصيبه الثانيه ولاشي من اللي جابته او اختارته من الكتلوجات يناسب تقاسيم وجهها <<< يحليلها البنت ماعندها خبره بحاول افهمها
فهمتها انو هذا الشي مايناسبها قالت انتي ماخذه فلوسك ماخذتها ليش تكثرين كلام يعني انتي ادرى مني بالشي اللي يناسب تقاسيم وجهي ؟؟؟؟؟؟؟؟؟؟؟ 
تعالوا شوفوا الطامه الكبرى ::: البنت بيضاء ماعليها بس تقول ابغى اصير بيضااااااااااااااء يعني قوة الفونديشن مع الاضائه مو مكفيتها <<<< تبغى بياض ناااصع
وطلبت مني حواجب الشيطان 
<<< اول مره ادري انو فيه حواجب اسمها الشيطان هوه للشيطان حواجب اصلا
طلعت تقصد حواجب رسمة شاينيز 😡
والله حزنت عليها وطلعت من عندي متشققه من البسطه <<< سويت لها اللي طلبته
وتوته توته خلصت الحتوته
1_ ليش تتعبين راسنا بانك تحبي الهادي وتردي عالمواضيع وتقولي تلطيخ شخبطه تهريج ولمن تروحي للمشغل بنفسك تطلبي هالتلطيخ ؟؟؟
2_ ليش السمراء تحب تغير لون بشرتها رصاصي والبيضاء تغير لونها اشهب ؟؟؟
3_ ليش بعد ماتشوفين شكلك النهائي بعد المكياج تسبي وتصرخي وتهددي والادهى والامر لمن تقولي امسحيييييييه وهذا اختيارك ؟؟؟
4_ والسؤال المهم ليش تختارين شي وترجعين تختارين شي ثاني بدون سبب؟؟؟
لييييييييش التناقض وهذي الحاله مو الاولى من نوعها دائما يجون كذا اغلبية الزباين !!!!!!!!!!!!!!!
نصيحه لكل أمرأه اذ قالت لك كوفيرتك هذا الشي يناسبك فكوني متاكده بان هذا هوه اللي يناسبك
ابغى اشوف ردود
