عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم صبايا وشهر مبارك عليكم وكل سنه وانتم بخير
حبيباتي اختي قدمت في جامعة الملك عبد العزيز واليوم طلعة صفحة القبول بس المشكله
كاتبين انه تم قبولها في التعليم الموازي اداري يعني التخصصات بعدين راح تكون تخصصات تبع الادبي
وهي اساسا علمي ويوم سألت قالوا بعدين مايمديك تحولين لاي ماده تبع العلمي وهي كانت تبي طب بس نسبة القدرات والتحصيلي كانت نازله
وهي اللحين محتاره تجازف وتكمل تسجيل ولا تستنى للسنه الجايه وتعيد اختبار القدرات والتحصيلي يمكن يكون لها نصيب بالطب
وش رايكم والله انها كاسره خاطري لو تشوفونها تفطر القلب وهي تفكر تقول اخاف اروح وبعدين مااقدر احول ولا على شي من اللي ابيه واخاف انتظر ويضيع حلمي ومستقبلي كله
عطونا حلول ممكن تساعدها بقرارها وشاكره لكم حبيباتي
لها لين يوم الخميس عشان تاخذ القرار موعد المراجعه يوم السبت
وأن مارديت هذي الايام بالله ارفعوا الموضوع الجهاز شوي خربان
اللهم يارب العالمين انك تحقق لاختي حلمها وتوفقها دنيا واخره وتفرحها باللي تبيه وجميع المسلمين والمسلمات انك على كل شيء قدير
