عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته…
بصراحة اول مرة اكتب موضوع في منتدى يعني
ماني عارفة كيف ابتدي بس عشان الموضوع
شاغلني وابغى استفسر من الامهات اللي مروا بهذه التجربة …
عندي بنت عمرها 11 سنة يعني بخامس ابتدائي بنيتها نحيفة وطولها متوسط وبصراحة بدات اعراض البلوغ تظهر عليها من سنة تقريبا مثل بروز الصدر وملاحظة شعر خفيف في ابطها>>>
الموهم انا دحين مرعوبة انها تبلغ يعني تجيها الدورة اول شي احس انها لسه صغيرة وما اعرف كيف راح تتقبل الوضع وتحافظ على النظافة والله احيانا تجيني كوابيس بخصوص هالشغلة من كثر ماني شايلة همها يمكن لاني اكره فترة الدورة ما اطيقها واعصب وكذا ..يمكن؟
ثاني شي ريحة العرق>>>والله فشلة 😥 😈 يعني مدري بس احس ريحتها مررة قوية اي مجهود او حركة على طول تعرق حتى لو دوبها متحممة حاولت معاها تستخدم الليمون او مزيلات العرق بس الله يهديها ما تسمع الكلام تقول حطيت وشكلها ما تحط والله غلبت معاها يعني والله اخاف يوم اروح المدرسة وتقول ابلتها نظفي بنتك مع العلم انها تتحمم كل يوم …
هذه الخلاصة وشكلي كثرت هذرة عليكم بس عندي اسئلة واتمنى تجاوبوني عليها من خبرتكم..
1- لما بلغت بنتك كم كان عمرها وكيف تعاملتي مع الوضع وكيف تقبلها
2-هل من الممكن تظهر اعرض البلوغ قبل الدورة بسنة او سنتين لاني بصراحة اتمنى تبلغ في المتوسط تكون اوعى شوي
اذا عندكم نصايح او تجارب لا تبخلون علي الله يوفقكم ……..وسامحوني على الاطالة
