عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلااااااااام عليكم
كيفكم وايش اخباركم ؟؟
قبل فتره زوجي عزم اتنين من اصحابو على العشا
طبعا انا ما اقدر اطبخ العشا لحالي عشان ولدي الله يهديه ويحميه
على طول اتصلت على ماما وقلتلها تساعدني
وزوجي كلم امه اللي هيا حماتي عشان الطباخه حقتهم تسوي الرز 😆 hy:
وانا سويت اشياء بسيطه ❗
شوفو الصور وقولو ماشاء الله 🙂
طبعا طباخة حماتي سوت الرز (رز كابلي ) وسلطة اللبن
وانا سويت صينية اللزانيا اللي فوق 😛
ومامتي الله يخليلي هيا سوتلي السمبوسه المدوره في الفرن باللحمه المفرومه. وسلطة الخضار كمان ..
وورق العنب المعلب 😡
وطبعا مع العجله سويت تشيز كيك ونسيييت اصوره 😆 idea: ➡
المره الجايه ان شاء الله لما اسويه انزلكم صورتو 😥
وهادي اللزانيا اللي سويتها 😛
بس لزانيا طريقتها غير بالدجاج .. والعجينه مو مفروده ملفوفه تجننننن يم يم
وهنا السفرهـ كاااامله
ايش رأيكم ؟؟ 😉
😛
ولو سمحتو اي وحده تاخد الصور اوتنقلها تكتب انها من ام توتو وموقع الفراشه لأني ما اعرف اكتب اسمي على الصوره في احد يقدر يكتب اسمي عليها؟؟
طريقة التشيز كيك :.
المقادير:
علبه بسكوت شاي مطحون (بسكوت اولكر )
زبدهـ مستطيله
جبنة فيلادلفيا او 6 حبات جبن كيري
2 كيس دريم ويب
علبة قشطة التاج
ربع كاسه حليب سائل( حليب نيدو ) او اي حليب عندك
الطريقه:
نضع الزبده على البسكوت المطحون ونقلبه ونضعه في صينيه ونكبسه ونحطه في التلاجه الين يتماسك..
ونضع الجبنه والدريم ويب والقشطه والحليب في الخلاط ونخلطها
وبعدين نحطها فوق البسكوت ونحطه في التلاجه
وما يجمد نحط عليه صوص التشيز كيك اي نوع انتي تحبي.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
طريقة اللزانيا:.
الحشوه:
1 بصله كبيره احمرها في الزيت ( مقطعه تقطيع ناااعم وصغيييييره )
وأقطع صدور الدجاج قطع مرررره صغيره واحطها على البصل الين تستوي واحط مكعب ماجي
ولما يستوي الدجاج احط عليه علبه قشطه وبهارات ( فلفل اسود-وشوية ملح ) واخليها على نار هاديه الين تتشرب المرقه
وطبعا عجينة اللزانيا تكون مسلوقه
وهيا شكلها طويله مستطيله انا اقسمها تقريبا 3 مربعات واحشي كل مربع والفه لفتين تقريبا وارصه في الصينيه
وفوقها كشني البصل والبندوره وبعدين رشي فوقها جبنة موزاريلا وخليها في الفرن بس الين تسيح الجبنه
وبس 😆 🙂
ان شاء الله تكون واضحه الطريقه 😆 hy:
