عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كل وحده عندها طفل او طفلة من عمر سنة إلى اقل من سنتين
تقول لنا ايش تعلم طفلها وأيش تحاول تنمي فية من مهارات
وهل لاحظت فية شي حلو بس لازم احد يساعده لينمية >>>>>ان شاءالله فهمتوني
انا ولدي عمره سنة و3شهور واريد أبدأ بتعليمة وتنمية مهاراتة بس كيف ابدأ
وأيش الالعاب اللي تنصحوني اجيبه له اقصد الالعاب التعليمية حسب خبرتكم مع اطفالكم
وهل في سيديهات حلوه للأطفال دون السنتين مثل افلام كرتون او ناشيد او حتى تعليم النطق والتكرار
شريت له بعض الالعاب من تو يز ار اص يس ماحبها ابدا ولا يلعب فيها انقهرت على ثمنها 😈 هع
ياليت تشاركوني في موضوعي
نبذة عن ولدي
متقلب في اليوم الواحد 4فصول
بداية اليوم مشااااااااااااااااااااااااااااااغب يطلع لي قررون
على العصر هااااااااااااااااااااااديء حتى لو مافية نوم ويلعب بهدوء ويجلس بالمكان اللي احطة فية مايتحرك
من المغرب لين 11بالليل يلعب ويصااااااارخ بقوه اللي يسمعة يقول احد طاقة بس هو لعبة كذا
مو شرط معة احد
وأخر الليل رومانسي واكثر من هادئ كله عشان بس ينام بيني وبين ابوه ولا ينام لين ننام حتى لو نام وثقل ونقلتة سريرة يفز يبكي 
وارجعة ينام بالنص من جد اعصب …لا يروح تفكيركم بعدين اعصب لانة ينام بالعرض وماخذ راحتي حتى بسريري 😛
نقاط
اذا رحت مناسبة يروح يدور بين الناس بهدوء يبي يتمشى بس لاحد يكلمة
مايحب يلعب مع اطفال ابدأ<<<<<خايفة يكون انطوائي
العابة اذا جاء احد خذها مايقول شي واحيان يتعنى للطفل عشان يعطيه لعبتة (خصوصا اذا كانت بنت) يتميلح
معلومه ولدي سنة و3شهور و20يوم ولحد الأن مامشى ياليت اللي عندها حل من الطبيعة تخبرني اشتريت له مشاية من عمر8شهور وإلى الان اذا ركبته فيها يرفض كأني جلستة على شوك ويسوي رجوله مسطره ماقدر ادخلها بالمشاية
وصار عمره سنة شفتة مامشى وشريت له تعليم المشي من نيو بوي وتخيلو ماقول مايلعب فيها ام بلا يلعب بس يتربع ويوخر العجلات ويجلس ويلعب وهو جالس 
وبكذا ماستفدت انا شي
شريت له زيت السمك شهر ونص مافي فايده
شريت له خيمه الباص مع الكور و عربيتين والعاب سيارات و دمى منوعة والعاب تراكيب و قطع
بس يتركها كلها ووما يحب يلعب الا بالريموت + ممسحة البلاط + مفاتيح السيارة هذي الثلاثة عشقة من الالعاب
واذا منعتة سوا مناحة
بنات انا كتبت كل شي عشان اللي عندها حل لشي واحد من الاشياء اللي كتبتها لا تبخل علينا
خصوصا الامهات اللي عندهم اكثر من واحد
اسفة طولت وشكرا للجميع
