عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انا اعيش في جحيم اتخيلو اني لما اطلع من الدوام اخاف اروح البيت ,,,
طول الطريق وقلبي يخفق بسرعه نفس الطير
كله من زوجي مسود عيشتي
انا قبل الزواج صارحته بكل شي وصارحته اني انخطبت مرتين ,,,
والحين كله يعايرني بها الموضوع
و يحقق معي كاني جالسة في قسم الشرطة مو بيت عن اشياء استحي اقولها
والله نفسياً تأزمت حالتي شو اسوي مااعرف
لا ويصارخ علي باعلى صوته على سبب تافه حتى في الشارع او قدام الناس
تخيلو بدون سبب يصارخ اقوله ليش ترفع صوتك يقولي لانك غبية وماتفهمين طيب هو اصلا ماقال شي عشان افهم !!!
والله احسه كاااارهني ومو مستحملني ابدا تعامله اكثر من زفت مايكلمني ولا يجي صوبي الا لو بيكلمني في شي ضروري
وانا انقهر واكتم دموعي وتجيني غصة الله عالم بحالي
شو اسوي لو رحت حق اهلي بشمت فيني الصغيروالكبير
ماعندي احد اشكي له غيركم
امي اتصل عليها في اليوم الواحد 3 مرات يا اتكون برا يا اتقولي انا عند ناس يا مااحد يرد
انا زوجي ماكان كده قبل الزواج كان يموت و ياخذني و الحين انقلبت الموازيين وعلى فكرة انا ماكلمت سنة في الزواج
ارجوكم يااخواتي انصحوني بعد الله مالي غيركم لا صديقات ولا اهل ولا احد
لاتلوموني لان صارحته انا ماكنت اعرف انه صراحتي بتنقلب ضدي
و الله اني الحين اكتب وعيوني دمع كل شوي اصيح من القهر
