عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم فراشات
حابه افضفض هنا شوي
انا ابويا متزوج 4 حريم
وأمي الثانيه وتقريبا شبه هاجرنا
يعني نشوفه كل بعد 3 شهور مره يجي ربع ساعه اذا مرره طول ويمشي طبعا ماينام عندنا اذا جا نعامله زي الضيف وبسسس
من وانا صغيره مو حاسه فيه
واذا جا عندنا مااتكلم معاه كثير احسه غريب
مو اني مااحبه وربي اني اموت فيه مهما كان ابوي واحطه فوق راسي بس فيه شي يمنعني اني اتواصل معاه
اخباره احنا اخر ناس نعرف فيها مافي بينا اي اتصالات
المهم لما كبرت وتزوجت
صرت اروح بيته وازوره وكذا
بصراحه انا مافكرت اروح بس زوجي اللي يخليه لي قال ابوك ولازم تواصلينه مهما كان
كل شهرين صرت اروح مره تقريبا
بس كل مره يحرجني قدام اخوااني كلهم يقول انتي ماتدقين ولا كأن عندك ابو مدري ايش
انا انحرج بس اسكت مارد
والله يابنات علاقتي معاااه مره رسسسسسميه
انا تعودت على كذا احس صعععب علي مره اتصل واسلم بتقولون ابوك بس والله مقدر اخجل ماتعودت عليه
اخواتي اللي عايش معاهم يسولفو معاه ويضحكو وانا مااقدر انحرررج
المهم قبل فتره مرض ودخل المستشفى
رحت له انا وزوجي وسلمنا عليه
وبعد كم يوم طلع ورحت له البيت
سلمت عليه بس ومشا عشان كان عنده ضيوف
بعدها باسبوع انتكست حالته
وراح له المستشفى زوجي بس انا مارحت لأني حامل وجو المستشفى يتعبني قلت لزوجي اول مايطلع نروح له
بعد ماطلع رحت له البيت وكان عنده مراجعه وماقابلته
سألت اخوي عنه قال طيب احسن من قبل
بعدها رحت مع اخواتي عنده وياليتني مارحت احرجنييييييييي قدامهم كلهم كان فيه اخواتي واخواني وبنات اخواتي
قال انتي قلبك قاسي ماسألتي عني ولا تطمنتي ودقيتي علي ولا شي
قلت له انا والله اسأل عنك دايم كل احد اقابله بس مادقيت ماابغا اتعبك ادري تعبان
قال انتي لو تحبيني كان اتصلتي بس انتي قلبك قاسي
اااااااااااااااه وربي الكلام حز بخااااااااطري
وشلون يقول ماتحبيني وقلبك قاسي
اااااااااااه وربي يومين وانا ابكي مشكلتي حساااااااسه زياده حتى زوجي ماقلتله عن اللي مضايقني
ليش ياابويا انت اللي عودتني من وانا صغيره انك تكون بعيد اااه لو تدري بغلاااك عندي 🙁
وشلون في يوم وليله بتقرب لك هالقرب صعب علي
ادعوووولي يحنن قلبه علي
