عاطله ومهمومه << الله يدخلها الجنه بدوون حساب من تساعدني

بدايه اشكر كل البنات اللي ساعدوني بمواضيع نزلتها قبل كذا

وهذا شجعني انزل موضوعي او بمعنى ثاني همي اللي مشغلني 😆 🙄

انا لي كذا سنه مخلصه الثنويه ومانقبلت بأي جامعه بالرياض ❗

وانا مالومهم اللوم نفسي لأن نسبتي مرره ضعيفه بس معي عذر لأنو كان اختبار وزاره ومره صعب

ووقتها كانت امراض الدنيا فيني الله لا يوريكم وخلصنا من الوزاره جانا القياس وهبط نسبتي اكثر

وكل ماروح لجامعه يقولون مالك مكان 😛

مع ان والله العظيم اعرف بنات اقل مني نسبه ومقبولات بالواسطه

تكفوون بنات من تعرف احد اروح له يدخلني بأي جامعه لو انتساب واي قسم مهما كان

ذبحني الهم والضيق كل اللي حولي يدرسون الا انا حتى اللي اصغر مني تعدوني

وانا مكانك راوح منطقه بالبيت بس كرف وشغل

والله صرت ماحب اروح لجمعات الناس لأنهم يعيروني بالعطاله والبطاله وياربة البيت 😐

تكفووون اللي تقدر تساعدني بخصوص الجامعه والله ماانسى لها جميلها طول ماانا عايشه

لأن لها الفضل بعد الله علي لأن امنيتي الوحيده بالحياه اكمل تعليمي ,,

وللعلم مااقدر ادرس بجامعات اهليه لأن امكانياتي الماديه ماتسمح والتعليم عن بعد كذلك ابوي مو

راضي فيه ابد 😥

وماعندي لا واسطات ولا شي غير ربي الكريم القادر