عاجبني ويحبني.. بس !!

طبعا تعرفون الحب وما يسوي
ابغا اقولكم باختصار قصتي..
واللي بتجي ترتز وتقول حرام الحب ….. الخ ترا حفظنا الاسطوانة
مو حرام ولا شي.. وعشان ارد عليك بحجة اكثر..
يكفي قول الرسول ( لم نر للمتحابين مثل النكاح )..

المهم ..
قصتي هي انه في واحد في منتدى ثاني لفت انتباهي من فترة..
والمنتدى هذا جامعي يعني صارم في قوانينه..
بس انا ما اعطيته وجه عادي كملت حياتي خخخ
بس ما ادري ليه هو بالذات اللي لفت انتباهي..
بالذات وانا ماني راعية هالحركات..

لكن مرة من المرات قريب كتبت موضوع..
كان سؤال..
ورد علي رد موتني ضحك..
انا ملاحظته من زمان خفيف دم..
واسلوبه جنااااان..
مرة كلامه يدل على انه كلام واحد كبير اكبر منه << عمره 19

المهم..
لانه رد علي مرتين..
وافادني بصراحة..
نزل هو موضوع واستفسر..
قمت انا رديت عليه في اليوم الثاني..
بحكم اني عارفة ارد << لزقة خخخ

ومن بعدها صار الاخ يرد على كل موضوع ارد فيه..
وكل ما نزلت موضوع يرد..
ومرة اسلوبه عاقل وحكيم لمن يجي يناقش في المواضيع الجادة..
فما حسيته لعاب ومستهتر..

انا وياه اتفقنا نتبادل الكتب..
في قسم اسمه مكتبة المستعمل..
عبارة عن تبادل للكتب والمدير سامح وطريقة التواصل تكون بالخاص..
طبعا ناداني قال كيف نتواصل؟؟
قلت خلاص قرب الدراسة نتفاهم..
لاننا في نفس الكلية ومناهجنا سوى..
بس خطتي عكس خطته..
فعشان كذا..

بعدها..
جات الصدمة << احلى صدمة بس ليتها صدق
وكتب توقيعه عني انه يحبني وشعر وحركات << فضحني خخخ
بدا يبغا يتعرف علي << وانا والله ما ابغا..
وكل التعارف سؤالين..
كم درجتك في القدرات والتحصيلي..
وكم عندك اخوان..
وطول الوقت ساكتين خخخ << والله اننا نضحك
كانت اسئلة جدا عادية ولا ناوية اتعمق معاه اكثر

عشان كذا..
لي يومين الحين ما ادري عنه..
بس في قلبي احس اني معجبة فيه..
والمشكلة انه يكلم بنات بالهبل غيري..
ويدلع ذي باسمها ويدلع ذيك..
حتى انا دلعني رغودة << مطيح الميانة

المشكلة الحين..
هو حس باهتمامي شوي فيه..
لكن ما اعطيته وجه..
وما ابغا اتعرف عليه ومكالمات ونت..
كل اللي صار بيننا تنكيت وضحك وتعليقات لا اكثر ولا اقل..

والموضوع كله يدور حول..
انه نفسي اكون زي البنات احب وانحب..
نفسي اصدقه..
نفسي اتزوج بعدييييييين زواج غير الزواج التقليدي..
سئمت من الزواجات التقليدية وقصصها..
ابغا شي اكشن في حياتي..
ابغا اعيش love story
وفي نفس الوقت ما ابغا اتعرف عليه << كيف تجي هاذي خخخ

يا ليت اللي تقدر تساعدني تقولي ايش اسوي..
واذا وحدة قالت لي طنشيه تراني في النهاية شكلي بطنش << ماني هبلة

لان كثير حالات في جماعتي وقرايبي تزوجوا عن حب..
واحد هذي الحالات كبير في السن..
وخلف وجاب عيال ونسي الهرجة خخخ << عشان ما تقولون زواج فاشل