عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
حيااااااااااااكم الله يالسنعات … وشخباركم عساكم بخير ؟!
اليوم راح أقدم لكم طريقه عمل عجينه الكانيلوني ..بصراحه الطعم مو معقول جربوها وادعو لي
هاكم مقادير العجينه :
+كوب ونصف دقيق + أثين ونصف كوب حليب سائل +ثلاث ملاعق زبده طريه +حبتين بيض
ملح +فلفل +قليل من الهيل <<<نخلطها مع بعض في خلاط الطماطم …. وبعدين نحضر مقلى
اي حجم تبغينه ..انا استخدم المقلى الوسط ادهنيه بقليل من الزيت وصبي وحدات العجينه ع شكل
قرص وأقليه ع الوجهين كل وحده ع حده يعني زي أقراص البانكيك …
مقادير الحشوه :
لحمه مفرومه معصجه وقليل من الكزبره والبقدونس أو خضار ع حسب الرغبه .. أنا أحطهم مع بعض
الطريقه :
نحشو كل قرص باالحشوه المرغوبه اللحمه اوالخضار ونلفها بشكل طولي ونرصها في الصينيه
نضع ع الوجه كوب من الطماطم المطبوخه مع البصل والصلصه والبهارات وننثر عليها جبنه الموزاريلا
المبشوره وقليل من الاوريغانو ونغلفها با القصدير ونضعها في الفرن لمد ة .ربع ساعه من تحت فقط
وبا العافيه ع قلوبكم … ولا تنسوني بصالح الدعاء …. تحياتي ➡
