طريقة عمل البتيفور من مطبخى وبالصور(**مميز**)

بسم الله نبتدى

المقادير

2 كوب دقيق
¼ كوب سكر ناعم
¾ كوب سمنة وهنا حطيته بالظبط 1 سنتيمتر فى الكوب زيت
و الباقى كملته سمنة فيرن
بيضة
فانيليا

الطريقة

ندعك الزبدة جيداً مع الزيت بالمضرب الكهربائى ثم يضاف السكر
ويدعك الخليط كله حتى يصير كالقشطة

نضرب البيض مع الفانيليا و يضاف إلى الخليط السابق

نبدأ فى إضافة الدقيق ويقلب جميعاً حتى يصير
عجينة لينة جداً ويسهل تشكيلها

ملحوظة : لو حسيتى إن العجينة ناشفة شوية ضيفى قليل من السمنة

نبدأ فى تشكيلها لأشكال صغيرة باستخدام الأقماع
أو أى طريقة سهلة عليكي
وبيكون شكلها كده فى الصينية

هذه المقادير تأخذ عدد 2 صينية كبار مقاس 40

نحطها فى فرن متوسط الحرارة حوالى 15 دقيقة أو على حسب طبيعة فرنك

ولو كنتى فاضية ممكن تخلى جزء من العجينة بنى ……. باستبدال ملعقة دقيق بملعقة كاكاو

ويكون عندك جزئين من العجينة واحدة بيضاء وواحدة بنى

وبعد ما يطلع من الفرن ويبرد إبدأى فى لصق كل إثنين فى بعض باستخدام المربى

والجزء البنى ممكن تحطى عليه شيكولاته من فوق

وبالهنا و الشفا