صوالين جده _ مساعده يا بنات

بنات الله يخليكم ساعدوني و الله مره أحس اني متوتره 😥

عندي استفسار عن صوالين جده ..

رحت رمش الي في الخالديه … وحده مدحتهم لي بس ما شفت عرايس شفت شغلهم عالزبائن كان حلو
تقول بـ 3500 ، قلت لها ما أبغى غير مكياج و تسريحه .. تقول مفيش هو بكج << نصب و الله 😈

أختي شافت زميلتها في شبكتها عملت عند ( زواريه او سواريه ) صالون في التحليه تقول حلوه طلعت
كلمتهم قالو عندهم 3 بكجات
2000
3000
4000
الفرق في الخدمات الزياده يعني .. و انه بـ 3000 يعطوكي غرفه خاصه اما 2000 لا عادي مع الزبائن

منه سنتر
ما رحت لهم بس يقولو مره شغلهم خفيف بزياده يعني و كمان بـ 4000

جاك
كثييييير يمدحو فيه و زميلة اختي علمت عندهم قبل يمكن سنتين بس الي عملو لها تركو المحل و ما أعرف صراحه مين أفضل وحده عندهم
رحت لهم مره بس كده .. و صراحه تعاملهم و مواعيدهم سيئه جدااااا

أحلام المها
قريبتي عملت عندهم حلو بس صراحه الفاونديشين سئ جداااا
لما قربنا منها نسلم الفستان انعدم عدمه منه و غير تقول يومها كان في 4 عرايس غيرها و آخر شي مو مها الي عملت لها تخيلو !!! وحده ثانيه سوت لها بس الحمدلله طلعت حلوه

فيعني و الله يا بنات ما عندي وقت الف عليهم .. أبغى من تجربه .. يعني ما أبغى مكياج ثقيل و رسمات توصل للخدود 😉

أبغى شي مرتب

أنا شبكتي عملت عند بثينه الي في المساعديه و صراحه ما لفيت و لا شي .. رحت عملت بروفه و قلت اتوكلنا على الله و الحمدلله طلعت حلوة 💡