عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
صباح الخير صباح الثقة بالنفس وطلاقة اللسان وفصاحة البيان لكم جميعا 😳
من زمان كان نفسي اكتب هل الموضوع بس ذابحني الكسل والتسويف او بالاحرى ماكان عندي ثقة بنفسي ولا فيكم انكم راح تساعدوني <<
خايفة انه ماراح يكون فيه تجاوب وان شاء الله انكم تخيبون ظني !
على اي حال , اليوم بالذات حسيت انه خلاااااااااااااااااص لازم استشير احد واحكي مع احد خصوصا البنات اللي واثقات من انفسهم والجريئات والاجتماعيات جد يابناااااات تعبت من نفسي ومن شخصيتي المتدهورة كل سنة وانا شخصيتي تصير اضعف من اول مع انه المفروض العكس
انا عمري 27 سنه ومتزوجة وام للطفله ومعيدة بجامعه كبيررررة وشخصيتي تمثل لي عائق بكل المجالات بحياتي الاسرية والاجتماعية والمهنية
اللي خلاني اكتب الموضوع اليوم بالذات اني رحت وداومت طبعا بعد انقطاع عن الدوام للفترة كبيرة (لاني مااحب الجمعات والشلل )وحسيت نفسي ولا شئ بهل المجتمع مع اني الحمدلله انسانه متفوقة ومافيني شئ يخليني احس بالنقص ومع ذلك احس بالنقص واتلعثم ومااعرف اسلم ولاعرف اقدم نفسي واكبر تحدي لي اني ادخل غرفة فيها حريم ولا بنات مجتمعات زي الداوم مااعرف اقدم نفسي احيانا ادخل بالسكيت واطلع بالسكيت احاول اتخبى ماابغى اشوف احد لاني مااعرف اسلم والله جد يابنات مااعرف اسلم !!ومااعرف مصطلحات المجاملة والله من زمان ودي اكتب موضوع عن مصطلحات المجاملة وشلون اجامل وراد على الناس لان هلالموضوع عندي DISASTER وهو اللي مخليني ابين قدام الناس خبلة ومااعرف وين الله حاطني يعني اممممم مثلا لو ادخل غرفة مليانه ناس وشلون اسلم وااذا سلمت و مايردون علي لان صوتي واطئ والله اتفشللللللل واتحطم واجلس اسبوع افكر فيها واتعقد من الجمعات والحريم وكل شئ ..انا ايام المتوسط كنت انسانة جريئة وحبوبة ومرررةpopular
بالمدرسة حتى مدرساتي كنت اناقشهم بكل جراه واحيانا احرجهم لووووول <<<<ياطخه ياكسر مخه
ومن الثانوي وانا بديت اصير انطوائية وبس منكبة ع الدراسة والكتب وايام الجامعه حدث ولاحرج انطوويت على نفسي بزيادة وصرت عدوانية ومعروف عني متكبرة ومااحب البنات الكشخة كنت اغاااااااار بشكل فظيع وصريح يعني مبين علي اغار وكل شئ يبين علي كاني بيبي مافي كنترول ع اعصابي والشلة اللي كانت معي مررررررررررة مصلحجيين من لما اتخرجنا مادقوا علي ولاحتى باركوا لي بالزواج اممم
ماعلينا ادري قرقرت كثيييير بس والله مكبوووته مرة حتى اعز صديقاتي من لما تزوجت تركتني مو زي اول وانا لما انخطبت واتزوجت كل يوم اكلمها حتى بشهر العسل وكل اخباري عندها وهي لما اتزوجت ماتقولي ولا شئ كاني غريبة حسيت ساعتها اني جد خبله ومااعرف امسك لساني وماعندي حدود مع اللي احبهم خصوصا انها مو اول صديقة تعمل فيني نفس الحركة وانا والله احيهم من كل قلبي اكثر من خواتي معتبرتهم (علاقتي مع اهلي مو مرة) عشان كذا كنت اقول كل شئ وانصدمت منهم لما لقيت معاملتهم اختلفت معي بعد زواجهم وانا اعلى نياتي!!
انا علاقتي مع ماما مرة مو حلوووة رسمية جدا وودي ابعدها عن حياتي قد مااقدر لاني عارفة انها هي السبب ورا شخصيتي الضعيفة كانت دايم تهاوشني قدام الناس وحتى تضربني واحيانا تتمسخر علي اتوقع هذا السبب ؟ لان اغلب اللي شخصيتهم قووية لاحظت انهم مررررة مع امهاتهم كانهم صديقاتهم اما انا العكس علاقتي مع مااما تفشل الى قبل الزواج وهي مفشلتني عندنا وحده من معارفنا تقول علي كذابة حتى هي شخصيتها ضعيفة(اعني ماما) وماتقدر تمسك نفسها قدام الناس كل شئ تقوله وتفشلنا 🙁
anyhow ادري قرقرت كثير بس ابغى احطكم بالصووورة بليييز بنات قولوا لي وشلون اقووي شخصيتي خصوصا اني معيدة ووراي بنات جامعه وبعد ام ماابغى بنتي تصير زي شخصيتي ابغى اعرف وشلون اجامل وارد ع الناس واتكلم بثقة عالية واطرح مواضيع واقول رأيي بثقة من غير خوف لاني كثير لماا اجي اقول رايي واشوف الاغلبية ع راي واحد اسكت واجاريهم واغلب المجالس اللي اكون فيها بس ساكتين الناس ماادري ليه ودي اصير انا اللي افتح مواضيع واشجع الناس يتكلمون بحضووري
والله يجزاكم خير ويرزقكم من حيث لا تحتسبووون
بليز لاتطنشوووني <<< ترى هذا اللي انا خايفة منه 👿
