عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يا بناتات وشابابات وحريمات
اليوم جايبه لكم شي روعه وعن تجربه بس احبه انبهكن
مو كل البشرة سوى يعني بشرتي ممكن تختلف عن بشرتكم
بس حبيت احط تجربتي لا اقل ولا اكثر
واللي حابه تغامر وعندها روح المغامره تستخدم على مسؤليتها
مو بكرى تقولون الله لا يعطيها العافيه والا تدعون علي ….
ارجع واكرر اللي يناسب بشرتي ممكن ما يناسبك….
المهم …
انا من هواة السباحه وبالذات وقت الظحى والظهيره ومره تعرضت للشمس بس كانت جدا حاره
وما انتبهت الا وجبيني محروق منها
اصبح عندي منطقة الجبين اسمر والباقي عادي لوني الطبيعي
استخدمت اكثر من كريم وانواع الترطيبات الى جانب تنضيف البشره بالكريمات المخصصه ومافي فايده
؛؛؛؛؛ مالكم في الطويله ادري
قبل فتره دخلت ها القسم ولقيت وحده كاتبه عن صابون البابايا RDL جزاها الله كل خير
نفسي القى الموضوع عشان اشكرها من صميم قلبي بس للاسف مالقيته
المهم قالت انه منتج اندونيسي وكانت عارضه مجموعه من ها الماركه …
المهم انا رحت وشريتها وقلت اجربها ما اكذب عليكم من اول استخدام اليوم الثاني بدى وجهي يتقشر
بشكل مو طبيعي الكل انفجع حتى انا بس انا فهمت السالفه …:)
المجموعه اللي انا استخدمها عباره عن …
صابونة البابايا الأصليه ..
كريم RDL
ومحلول بيبي فيس علاجي وقائي
ومحلول بيبي فيس هيدروكينون مضاد حب الشباب والبقع
…….
الحين فهمتوا اكيد سبب التقشر المحلول الثاني هو اللي قام بالمهمه
وانا لي الحين شهرين استخدمته مرتين فقط ويقشر مضبوط بس الله يعينك
على حرارته هي مقبوله بس في بهض ما تقبلها وشنو بعد يقعد يقشر تقريبا من 4 الى 6 ايام
بس عليك وعلى الكريم والفازلين وبس
وهذي صورة المجموعه
.
صابونة البابا اللي تفتح البشره وعن تجربه والله يشهد على كلامي
والنتيجه بشراء بيضاء تلق صااااااااااافيه ماشاء الله تبارك الرحمن
وجزاها الله كل خير من دلتني عليها احب اشكرها من هنا لاني بجد مضيعه موضوعها وماعرفت اطلع
وارجع اكرر وانوه اللي ينفع لي ما ينفع لك
يعني اذا بتجربين ها المجموعه على مسؤليتك هي ما تضر الا في حال كانت البشره
جدا حساسه او ملتهبه او الخ …
راح تلاقون التحذيرات على المنتجات
لذالك جرى التنويه لاخلاء المسؤليه
واي سؤال حاضرين للطيبين
