شي غافلين عنه وانتبهت له

صباحكم ورد وياسمين

موضوعي عبارة عن فكرة وياليت تقبلوها ونمشي عليها كلنا
قبل فترة كنت اقلب في اوراق مكتب استقدام العاملة في البيت ولقيت ورقة زي العقد ومكتوب فيها انه لازم تحصل على اجازة كل اسبوع طبعا وقتها مرررة استغربت لاني ماقيد شفت العاملة ولا عاملات اقاربنا ماخذين اجازة المهم مسكت اهلي وقلتلهم لازم نوفي بالعقد ونمشي على كلام الرحمن الرحيم ((يَا أَيُّهَا الَّذِينَ آمَنُواْ أَوْفُواْ بِالْعُقُودِ أُحِلَّتْ لَكُم بَهِيمَةُ الأَنْعَامِ إِلاَّ مَا يُتْلَى عَلَيْكُمْ غَيْرَ مُحِلِّي الصَّيْدِ وَأَنتُمْ حُرُمٌ إِنَّ اللّهَ يَحْكُمُ مَا يُرِيدُ ) (المائدة)

طبعا في البداية اهلي ماكان عندهم علم بالموضوع ومايقروا البنود وبعدين ماعجبهم الكلامقالوا لا بعدين يتدلعوا واحنا نخفف عليهم الشغل في يوم محدد بس مانقولهم اجازة قلت لا لازم نسوي زي العقد بالتمام وخلونا احسن منهم ونتعامل مع ربي مو معاهم حتى لو هما ماهم طيبين وعليهم حركات احنا نسوي طيب المهم اقنعتهم بس راحت العاملة
المهم جبنا بعدها عاملة ثانية قمت رجعت اقترحت عليهم الموضوع واقنعتهم 😆 idea: بس لمن قريت العقد مالقيت هذا البند طبعا اهلي فرحوا وقالوا خلاص بس قلتلهم لا اعطوها اجازة يوم في الشهر واذا في لكم شغل مرة ضروري انا متبرعه اسويه
ووافقوا واستنيت اخر الشهر وقلتلها لك اجازة بكرة طبعا العاملة طالعت فيا نظرة غريبة مافهمت مغزاها وبعدها ابتسمت وبس ماشفنا وجهها طول يوم الاجازة حتى ماما شكت قالت لاتكون هربت ولا ماتت بس هيا شكلها مااصدقت تبغى الفكة وماتتلام اي واحد عنده اجازة بيقضيها نوووووم

بس طبعا اليوم مر عادي كل واحد اعتمد على نفسه ولا تعبنا ولا شي يعني عادي واخذنا اجرها الآدمية ترتاح يوم ومع انه قليل بس كمل مفاوضات مع اهلي وازيد 😆 🙂