…. شوقــي لك يحن دوم يا أقرب الخـــلاني ((حزينه)) ….

الحلـقة الأولـى

شوق آخر العنقود 15 سنة تعيش في بيت حلــو مع أمها و أبوها وأختها اللي أكبر عنها ( عليـاء ) و أخوهم العود
(وليد ) تجمعهم المحبة و الأخوة الطيبة …
بنت حبوبة و طيوبة و حليوة .. هي من النوع الهادي في أوقات و أضحوكة في أوقات .. تحب الناس اللي يحترمونها و تقدرهم و خاصة في المدرسة صح إنها تعلق عليهم بس ما تقصد إنها تجرحهم
توصل لدرجة إنها تنجرح و تنظلم بس هم مايزعلون منها .. و تسكت عن الحق واااايد … ما تحب أحد يكرهها أو يحتقرها تحب تصالح الناس .. أما من ناحية ثانية فهي في أول ثانوي و عندها صديقات و تعتبرهم مو بس أعز ربيعاتها بالعكس تعتبرهم مثل خواتها تشكيلهم لما تضايج ويشكو لها لما يتضايقون .. و هم : طيف – بثينة – فـاطمة – شيخة – مـوزة ..

طيف و بثينة في مدرسة ثانية .. لكن شوق تتصل فيهم و تسأل عنهم عقب ما انتقلت من المدرسة وراحت مدرسة ثانية ( اعدادية ) وهناك تعرفت على فاطمة و موزة و شيخة …. و هي من النوع اللي ما ترابع أحد لين ما تتأكد أنهم يستاهلون هاي الصداقة اللي انشالله الدوم للأبد …

مرت الأيام و إجــازة الصيف اللي كانت مـملة قربت اتخلص لكن ربيعاتـهـا ما قصرو يتزاورون طول الصيف …
اشترت بعض الأغراض حق المدرسة من أقلام ودفاتر سنة يديدة بالنسبة لها كلمة الثانوية تخوف احيانا .. مر هالأسبوووع الاخير من إجـازة الصيف بسرعة البرق لأنها كانت مشغووولة في المشترى ..

و بدأ اليوم الدراسي لليوم الاول الساعة 6 الصبح .. علياء قامت من الرقاد عشان تقوم أختها للمدرسة ( شوق و عليا في نفس الحجرة ) وظهرت تسلم على أمها .. ودخلت الحجرة مرة ثانية عشان تقوم شوق سارت تفتح الستارة ..
…………………….
النور اللي انتشر في كل مكان من الحجرة فتحت عيوونها عشان تشوووف منو إلا و … اختها عليا هي اللي فاتحة ..
شوق منـزعجة : عليووووووو صكي الستارة … شوووها ( و تحط المخدة على ويهها )
علياء ( تضحك عليها ) : يلاااااااااااااا مدرسة قوووووووومي بتتأخرين …..
شوق بصوت عالي : أووووووووووه .. انزين قوميييييني عقب 5 دقايق صكي الستاره
عليا بعصبية : بتقووومين و لا أييب جلاص ماااي الحينة ؟!!
شوق ما ترد عليهااااااا كأنها رقدت مرة ثانية ..
سارت عليا و يابت الجلاص ماي ما صبت كلها .. قطرة قطرة ..إلا و تقووووم من برووودة الماي ,,
شوق بفزع : بسم الله .. ( و تطالع عليا ) بورييييج انزين ( و قامت من على الفراش وخذت الجلاص اللي عند عليا و صبته كله في ويهها )

و تمووو يتضاربووون إلا أم وليييد داشة الحجرة ..

أم وليد اسمها موزة ( يسمونها احيانا أم شوق لأنهم يتشابهون في الملامح )) انسااانة طيبة و تحب عيالهاا و تخاف عليهم أكييد بتقووولون إن كل ام جذي .. لكن هي تموووت فيهم و هيبتها محفووظة عيالها يحبووونها لأنها حنوووونة … ما تحب تشوف الغلط و تسكت …. أحيانا تكووون عصبية هذا كله لمصلحة عيالها .. ربة بيت تحاول تسعد عياالها .. تحب ريلها و تخاف عليه و على صحته و إذا استوى فيهم شي تسوي المستحيل عشاان تريحهم … و منو قده أبو وليد مرتز جداام عياله ترا دلعه زااايد عن اللزوووم هذا اللي يسمووون الحب اللي ماله حدووود هيء هيء ..

أم وليييد باستغراب : شوووو تسووووون ( و تتقرب من عليا و شوق و ثيابهم خرسانه ماي )
شوق بصوت عالي : أمييييي هي اللي بدت … ( و تطالع عليااا )
عليا و تمسك إيده وتعويها : أنا و لا إنتي يالويه … أمييي جذابة لا تصدقيـنها ..
أم وليييد بعصبية و نظرة جادة لعلياء :خلصتووو .. ما توقعت إني مالي حشيمة عندكم
شوق و هي مفتشلة : اسمحيلي يا أمييي بس ما أحب حد يفتح الستارة و انا راقدة .. و تقاطعها علياء
علياء : لا و الله .. انتي إذا فتحت الستارة ما بتقووومين و إذا صطيتي بعد ما بتقوووومين شسويــلـ ( و تقاطعها أم وليييد بعصبية لشووووق..
أم وليييد : بس خلااااص .. من اليووم و رايح أنا بقومج و راويني حركات اليهال اللي بتسوينها ..يلاااا سيري تلبسي ..
شووو ها إنتو كبار cheeeذي تسووون عيل شو خليتو حق اليهال .. أخ عليكن .. يلااا كل وحدة تشوووف شغلها ..

شوق و عليا سارو و باسو راسها .. و عليا بدلت ثيابها و شوق سارت تتلبس للمدرسة
ام وليييد و هي طالعة من يالله صباح الخير و فاتحة خير .. استغفر الله العظيم ( صكت الباب )
تمو هم الإثنين في الحجرة و الهدوووووووء يعم المكان .. إلا و صوووت شوق يقطع هذا الهدوء ..

شوق وهي تسحي شعرها : عليووووووووووووووه ..
عليا : خيــــر انشالله ..
شوق بندم : أنا آسفة لا تزعلين و الله مب قصدي ( و تصد صوب عليا اللي قاعدة على السرير تقرى جريدة ) و الله ما كان قصدي .. ( و الدمعة في عيوووونها كأنها طفلة )
علياء بنظرة جادة و هي تجلب الصفحة : خلاااااص حصل خير .. خلصيني عشان أوصلج و ارد البيت أبا ارقد ..
شوق ( تتقرب منها ) : ليش ما بتسيرين الكلية
عليا : لااااااا ء
شوق بحنية : انزين اضحكي .. يلااا عاااد أنا من لي غيركم في هالدنيا ..
عليابهدووووء شديد و ابتسامة : أنا اللي آسفة يووم صبيت عليح الماي البارد ..

قامت علياااااا و حضنت شووووق بالقووو ..
شوق بابتسامة : عسى الله يخليج لي و لا يحرمني منج ..

بعد ما اجهزت نزلت هي و علياااا وهم يضحكوووووون و شافو أمهم قاعدة تحت بالصالة ..
سارو عندها و استسمحوووو منها ترى هيبتها و حشيمتها محفوظة .. تريقوووو و شوي ضحك و شوي سوالف و منها القبيل إلا و ينـزل أبووليييد ..

أبوولييد و هو يرفع إيده فوق : السلااااااام عليكم ..
الكل و عليكم السلام … و يلس عند حبيبة قلبه أم وليييد
بعد ما تريقوو قام أبو ليييد و سار الشركة .. و علياء خذت شووووق و ياااها عشان توصلها المدرسة .. وترد البيت عشان تكمل رقادها …. وهي داخلـــة المدرســة >>>>

………………………………………….. ………….

كانت مشاعرها مخلوطة ما بين الحمـاس لبدء العام الدراسي للأول ثانوي و الخوف من السنة الدراسية اليديدة
؟!!!!! فجاة !!!! و هي داخلة المدرسة زيغتها ( خوفتهـا ) ربيعتهـا فاطمة ….

فاطمة : هلاااااا و الله …. و ينج اشتقنالج ..
شوق ( و هي تضربها بالمزح ): يلاااا عاد لا تتمصخرين من كم من يوم شايفتنج في بيتـنا !!!
فاطمة ( و هي تضحك ) : أفــــا .. هذا يزاي إني تولهت عليج خلاااااا ص برووووح ….
شوق : عــاد يا كرهج يوم تزعلين تعرفين إني أتمصخر !! يحليلج كسرت خاطري هاي أحلى بوسة لأحلى فطوووم و لا تزعلين ؟!!
فاطمة : أحم أحم منو قدي .. يلااااا نسير ندور أسامينا على الصفوف .. ( تمسك ايدها )
شوق ( وهي تضحك ) : و أخيرا .. ما بغينا ؟!!
و هـــــــم يتمشــون
شوق : فطوووم .. تعالي انسير انسلم على شيخة و موزة ؟!!
فاطمة : يلاااا نسير ..
شيخة : شحالكم شخبار الإجازة وياكم !!
الكل : بخير الحمدلله ..
شوق :. إنت شحالج ما سمعنا أخبارج من زمـــان ..
شيخة : شو نسوي بعد اهني بها المفاجآت .. و السفر ..
موزة : و لا كأني وياكم مطـنشيني ..
شوق : سوري فديتج .. شخبارج شحوالج شومسوية شو علومج ..
موزة ( وهي تضحك ) : وي وي وي وي وي .. هههههههههههههههه تمام الحمدلله

و بعد هالسوالف و الضحك قبل لايدق الجرس سارو يدورون أساميهم ..شيخة و شوق في صف واحد … فاطمة ف صف … و موزة في صف .. ..

حطووووو شنطهم و سارو يستكشفوووون المدرسة اليديدة ..ما صارت 5 دقايق إلا و دق الجرس ..

موزة ( متضايقة ): أوووف .. ما ابغي أسير الصف لوعة جبد ؟!!
شوق ( وهي تضحك ) : يا حلوج يوم تتحرطمين نفس العيايز ..؟!!
موزة ( وهي تستعبط ) : شو شو .. ما سمعت عدل عيدي مرة ثانية ..
فاطمة : بس عاد و بعدين يعني ..
موزة : أمــييي.. زيغتيــني وااااي !
شوق ( و هي تضحك ) : يلااا نسير الصف شكلكم بتضاربون و أنا مب ناقصة ..
فاطمة : توااااا داق الجرس من أولها بتتشطرييين ..
شوق ( تمسك إيدينـها ) : على الأقل أحسن عنكم ..
فاطمة بنظرة : نعم نعم نعم
شوق باسطناع الخوف : لاااا يا اميييي ما قلت شي يلااا الحينة نسير .. وصلووني و سيري ويا موزة ..

شوق دخلت الصف و كان عليهم كيمياء يلست عداال وحدة تعرفها من المدرسة اللي انتقلت منها .. اسمها آمنة …
شوق : أوووه .. شحالج آمنة ؟!
آمنة ( وهي مستغربة ) : بخير الحمدالله ..
شوق : ماعرفتيني أنا ربيعة طيف و بثينة ..
آمنة ( وهي تتذكر ) : هيه .. اذكرتج ..
يلست عدال آمنة لأن هي الوحيدة اللي تعرفها من بين بنات الصف طبعا غير شيخة اللي يالسة وراااااا ..

دشت عليهم مدرسة الكمياء … اسمها أمل
المعلمة أمل : السلاااام عليكم ..
الجميع : و عليكم السلام و رحمة الله و بركاته ..
المعلمة أمل : شحالكم بنات .. ها شو سويتو في الإجازة ؟!!
البعض : و لاشي … و البعض : سافرنــا
المعلمة أمل تمت تسولف و تتعرف على البنات …
صدت ورا و تمت تدور شيخة و ين يالسة هي تعرف إنها ورااا بس ويييين ..

شوق : شيخوووه .. ليش يالسة ورااااا ؟!!
شيخة : أحسن حق السواالف و الغش ..
شوق ( وهي تضحك ) : من أولها .. تونا بادين …ههههههههههه
شيخة : عادي عادي …هههههههههههههههههههههههه

و في صف فاطمة دشت عليهم مدرسة E اسمها ليـنا ..

فاطمة ترمس ربيعتها مريم اللي يالسة عدالها : لا تقولين علينا انجليزي عاد هاي المادة الوحيدة اللي ما أدانيها ..الله يستر شكلها يزيغ ..

مس لينا : good morning girls
الجميع : good morninig teaher
مس لينا : شخباركم بنات اسمي مس لينا و بدرسكم E ..
و تمت تسولف و يا البنات .. وفجأة دشت عليهم الوكيلة
الوكيلة : مرحبااا يالبنات الحلواات حياكم الله في المدرسة .. أي شي تبونه قولو لا تستحون ..
مرة وحدة .. تمت اطالع وحدة من البنات بنظرة جادة …
الوكيلة : انت ليش مخالفة لابسة شيلة ملونة ها ليش ؟
فاطمة : أنــا
الوكيلة : هيه .. عيل منووو ؟ شسمج إنتي !!
فاطمة : اسمي فاطمة ..
الوكيلة : لا تلبسين مرة ثانية هاي الشيلة فاهمة ؟!!
فاطمة : انشاالله ..
وراحت الوكيلة ..
فاطمة ترمس ربيعتها مريم .. : أميييي زيغتني يمبان عليها شريــة ..
و فجــــــأة دشت عليهم موزة ..

موزة : مس أبغي مساحتكم شوي ..
مس لينـا : ليــش ..
موزة باستغراب : بمسح فيه السبورة ؟!!
مس لينا : خذيه بسرعة و صكي الباب وراج …

موزة ماسكة مقبض الباب و لا تسمع حد يزقرها ..
فاطمة بصوت منخفض : موزوووووه .. شو عليكم ..
موزة : علينا رياضيات ..
و راحت موزة ..

و في الفسحة … كانت العصافير فرحانة بدخووول الطالبات كأن الحياة رجعت من دخلوو ..

شوق : آه يا …(( وتقاطعها)) ..
موزة : شو فيج تعبانة ..
شوق: ترييو أتذكر الأغنية … شو فيكم ..
فاطمة : يلااا غنيلنا ..
شوق : لااا خلاص … أستحي ..
موزة : زين جذي ما تبغي ..
و الكل تم يضحك … هههههههههههههههههههههههههههههههههههههههههههههههههه هههه

و أخيـــرا .. خلص هاليوم المتعب .. بالنسبة لشوق .. ردت البيت و هي تعبانة .. حدها ..
رقدت شوق و لا حست بعمرها لين ما قامت الساعة 7 مساءا ..

شوق : آي يا رااااسي ..
علياء ( و هي يالسة على الكمبيوتر ) : شو فيج .. ليش راااسج يعورج ..
شوق : ما أعرف .. أحس أبا أرقد زيادة .. ما أرووم ..
علياء : بسج عاد .. قومي سيري صلي ذاكري أول بأول ..
شوق : عنا بوه تونا باديين .. المهم سويلي شـااي .. راسي يعورني ؟؟
علياء : نعم .. نعم .. نعم خوش و الله خليني أسوي حق عمري أول شيء …ههههههههههه
شوق ( و هي تضحك ) : أخ عليج إختي العووودة ما تعرف تسوي شاي ..
علياء ( و هي تضحك ) : لا تغلطين أعرف بس ما فينــي ؟!! تعالي كلمتي اليوم ربيعاتج طيف و بثينة ..
شوق وهي طايحة على الفراش : أوووه .. نسيت بتصل فيهم بسألهم شو ساوو في المدرسة ؟!

عليا و هي تكتب على الكمبيوتر : شووو رايج نطلع ..
شوق ( فتحت عيونها ) : شووووو .. أووووووه صدق أبغي جلااااااد للكتب ياالله ما فينـي …. ( و هي تعض المخدة .. وصدتلها عليا )
عليا : بلاااااااج المخدة شووو ذنبها الحينة .. يلااا قووومي تلبسي ..
شوق باستغراب : الحينة عااااد الساعة 7 و لين ما أخلص و اتخلصين .. أممممم قولي 8 !!
عليا : قووووومي انزين أنا لابسة بس انت اتجهزي بسرعة بنرد ..
شوق و هي صاكة عيوونها : منووو بوادينا ..
عليا : انا يعني منو …. ولييييد مسافر و أبوي مشغووول ..
شوق : أووووه صح أخوووي مسافر متى بييي و الله اشتقتله ..
عليا بنظرة : شووو قصدج عشاان يلعوزني و إنتي تضحكييين ..
شوق : حرااام عليج و الله مب قصدي جذي يا كرهج يوووم تفهمين غلط ..
عليا وهي تقوووم : يلاااا قومي أنا بلبس عباااتي و بترياااج في السيارة .. لا تتأخرين ..

قامت و لبست بنطلووون جنس وقميص أبيض بس عليييه فراشات ملونة كبار .. وعليا لابسة تنورة بيضا و عليه صورة عصفوووورة نفس حركة القميص .. ساااارو المكتبة .. و اشترت جلااااد و طابع ووووو … و عقب سارووو البحر لأن شوق و عليا يحبوووون البحر .. و خاصة في الليل …و اشتروووولهم عسندوشات و كلو هناك .. وردو البيت ..إلا و أم وليييد يالسة تحط العشا على الطاولة …

عليا تتصاصر شوق : أوييييييه نحن ماكلين و حليلها تفكر فينا .. ( قبل لا يدشووون الصالة .. يطالعووون أم ولييييد من بعيد )
شوق : أويـــــــه
دشوووووو الصالة بعد ما كان البيت في هدووووووء تام ..