شوف برجك بالبحراني هههههههه

برج الرسته:

صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..

برج الدوشگ((اللحاف)):

من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..

برج الفانيلة المچتفة:

هدا واحد شايت الدنيه جوتي .. اكل او نوم او كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..

برج العوسج:

مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. احب اچوف كل الناس معرسين نفله .. فيه عيب واحد .. القص .. احش واجد..

برج الباميه:

احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ) أو كل يوم سياره جديده ويا الدريول عبدعلي … بس اللي باط جبدي انه يفهم في المدرسه (خبري اللي عندهم بيزات اليك عليهم شوي ..

برج الدفه:

صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. اموت في شي اسمه السيف ياطالع ياداش يا داش يا طالع .. واجد اروح سوق الأحد اللي في عالي وسوق الخميس اللي في دوار4 .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم) ..

برج ميرندا ليمون (السترس) مشروب البحارنة:

هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل) ..

برج السچين:

واحد دكي وغبي في نفس الوقت ( شفيها ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه ونعاله زنوبة وكبوس حريقة عليه حرفه تعرفه من بعيد ..

برج السعفه:

واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز دبل ويقعد يزحر ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) …

برج الموتر:

شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة في الرسته .. اتشوفه مبدل ويروح الحوطه يقعد اليه شوي .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال

برج النخج و الباگلة: