حلم غرييب اللي تفسره لها دعووه في ظهر الغيب وفي صلاتي باذن الله

حلمي ::

حلمت اني دخلت غرفه فاضيه لون بويتها ابيض ومفروشه بموكيت فقط لونه غااامق ..
كان جالس فيها خالي على الارض ومتربع وكان فارش قدامه زي الفرشه مقاسها زي سفرة الطعام ..
كان فوقها اغراض يشتغل عليها خالي .. مادري وشي الاغراض ..؟؟؟
جيت وجلست قدام خالي في الجهه المقابله …
فجأه في الحلم بنت جالسه جهة يساري بس بيني وبنها مساااافه تقريبا في سن الثانوي ( مااعرفهااا ) كانت واضحه البنت
بس وجههامو واضح وكانت لابسه لبس بيت تقريبا ( بيجامه ) .. وكان واقف وراها اخوها صغير عمره تقريبا
6 – 7 سنوات ومتكي عليها حاط بطنوا على ظهرها ابييض وشعره اسووود ولابس ثوب ابيض ويناظر فيني
وهو يلعب بلسانه داخل فمه ..
شوي كذا دخلوا ولدين كلهم في المرحله الثانويه واحد ولد خالتي والثاني ولد خالي ( ولد خالي الثاني مو خالي اللي في الحلم ) ..ولد خالتي جلس يميني وكان لابس بنطلون جنز وبلوزه بيضه وولد خالي جلس يساري وكان لابس ثوب وطاقيه
وحاط شماغه على كتفه اليسار ..
كانوا جالسين قريبييين منى مررررره بالذات ولد خالي من كثر ماهو جالس قريب مني كتفي اليسار سار ورى كتفه اليمين ( مع العلم اني اغطي عليهم في الحقيقه )

شوي كذا .. أشر خالي باصباعه على البنت واخوها بأتهاام وقال :: هاذوولا الاثنين ..؟؟ وسكت ..( مادري اش قصده ) ..
البنت قالت لخالي :: لو سمحت لا تتريق ( تتطنز ) علي .. البنت تحسب ان خالي يقول هالاثنين يتريق على جسمها انها دبه يعني فهمت خالي غلط
مع انه جسمها عادي ..
جاء ولد خالتي وقبلني .. وبعدين جاء ولد خالتي وسوى نفس الحركه ..
انا كنت مرره مستحيه منهم ودفيتهم وانا امزح معهم وقلت اقول ابعدوا عني وهم يضحكون ..
جاء ولخالتي مسح بيده على راسي .. وبعدين جاء ولد خالي وسوى نفس الحركه ومسح بيده على راسي حسيييت بحناااااااان وفرح بعدها ….

وقال ولد خالي لخالي ( مو ابووه زي ماقلتلك خالي الثاني ) قاله :: يالله بنروح مع السلامه
انا حزنت شوي انهم بيروحوون ..

وانتهى الحلم .. لماانتهى الحلم شعوري بالحنان استمر حتى لما بعد ماصحيت لما صليت الظهر
بدأ يختفي هذا الشعوور ..

وفي حلم ثاني صغييير لجدي الله يرحمه ::
كنا انا وجدي الله يرحمه جالسين جنب بعض وكان لابس ثوب ابيض وطاقيه واصله نص جبهته ولابس غتره
قالي يابنتي شوفي تحت طاقيتي راح تلاقين ضربه ( قصده ضربه على جبهته ) دوري عليها بتلاقينها .. وجلست ادوور قلت له مافي شئ ..
قال : الا دووري بتلاقينها اكييد
وجلست ادور تحت الطاقيه على جبهته ولقيت ضربه صغيره لونها بنيه وحولها اثار زي اثار الحرق ..
قلت له ايه لقيتها ..
بعدين ناظرنا بعض ..
وكانت نظرات عيونه فيها براءه وبنفس الوقت مادري كانه يشعر بذنب ..
وكانت عيونه كمان تلمع كانها دموع محبوسه ( يعني مانزلت )يعني نظراته كانت غريبه

انتهى الحلم

طالبه جامعيه – مائله الى الالتزام والحمد لله – غير متزوجه مااذكر كيف كانت نفسيتي قبل الحلمين ,.
توقيت الحلم الاول كان في رمضان انا صحيت الظهر والحلم توه منتهي على ماظن والله اعلم ..
اما الحلم الثاني في رمضان كمان مااذكر بس يمكن بعد الفجر والله اعلم