شوفو مصيبة امي وادعو لها رجاء

جمعة مباركة عليكم اسال الله ان يبارك لكم في رزقكم وحياتكم يا رب

بنات انا عندي مشكلة مؤلمة اعيش تفاصيلها كل يوم ومسببة لي ضغط نفسي

رهيب واتمنى ان يفرجها ربي علينا وعلى امي .. ابي رايكم بالاقتراح الي اخر الموضوع

اول شي وبالمختصر : خالة منافقة متسلطة تسكن معنا بالبيت

قسم بالله مابيها بالبيت يا بنات بس المشكلة امي تبيها لان امي وحيدة

وانا حتى ابيها بس عشان امي بس المشكلة تهين امي كثير !!!!

انا ساكنة بالبيت انا وامي واخوي … كنا مرتاحين ومبسوطين

لين قبل سبع سنوات سكنت معنا خالتي لان زوجها توفي ولا عندها اطفال

ولا استقبلها احد من العائلة بسبب سوء اخلاقها

ومن يوم سكنت عندنا وهي تبي تتحكم بكل شي حتى حنا كاننا

الات محنا بشر تبي كلمتها تمشي لو غصب وطبعا مشاكل في مشاكل

لين صارت قلبي مشحون عليها واكرهها وادعي عليها مرات

امي الي هي اختها مسالمة جدا وعكسها تماما حنونة ومتواضعة وعلى مايقولون

لا تهش ولا تنش لدرجة السلبية تسكت عن تصرفات خالتي او انها ترد

رد ينقصه الحزم .. وتداريها بشكل يشجعها تغلط اكثر

تكلمت مع امي كثير وقلت يمه الله يخليك حمري العين عليها عشان تتادب

لكن خالتي من النوع الي ما تمل تزعل ثم لا جت امي تسولف معها

تفكر ان امي خايفة منها ولا تبي تسترضيها فتقوم تغلط مرة ثانية وثالثة ورايعة

ومليون .. انسانة كريهة ومنافق وصعبة الاطباع الى ابعد حد

حتى قدام الناس تتريق على امي ولا قلت شي قالت ما تتدخلين بيني وبين اختي

وتسمح لنفسها تتدخل بيني وبين امي وتقول انتي ما تهتمين بامك ما تساعدين

امك وانا يشهد الله علي اساعد امي بشغل البيت ولا عمري رفضت لامي طلب

بس هي تدور الزلة علي انا وامي .. حتى امي مجرد السوالف العادية تقعد تدور

الزلة بكلامها وتهزئها على اتفه شي .. دايم يا بنات انزل من فوق اسمعها

تهزئ بامي ! واقول سبحان الله مقلب القلوب الي يخلي

قلب ميمتي طاهر ومستحملتها !! الله يعطيها على قد نيتها مسكينة وينصرها عليها

مؤخرا سوت عملية لركبتها اليمين ومن سوت العملية وي صعب المشي عندها استغلت الوضع عشان

تتحكم وتتجبر علينا بحجة انها مريضة .. تبي تتحكم بكل شي وتهاوش وتقل ادبها

عشان مريضة وتبينا نسكت .. تخيلو جابت سرير وسط الصالة مع اننا حاطين لها

غرفة نوم ! وفيها سرير وكل شي .. وبالصالة متحكمة بكل شي التلفزيون الريموت معها

المكيف تخلينا نسكره وترمي كلام من تحت لتحت بما معناه طفوه والجو برد والخ الخ

طبعا هالكلام ترميه لمن انا ما اكون موجودة .. لما انا موجودة تسكت ! حتى من ايام الصيف

من شهر رجب وشعبان وهي بعز الظهر تخلي امي تطفي المكيف وتجلسها بالحر مسكينة

واخرتها لمن اخر الليل وتعرفون الليل ابرد من النهار .. انزل من فوق ابي المطبخ ادخل الصالة

الاقيها القطب الشمالي من كثر ماهي باردة !!!!!

شي ثاني وركزو على هالنقطة .. مسوية امي شغالة لها !! تخيلو .. امي مسكينة مشيها

على قدها واصلا الفرق بينها وبين خالتي بالعمر 3 سنوات بس امي عمرها 54 وخالتي 51

ومع كذا مسوية امي شغالة لها .. ورافضة تجيب لها شغالة خاصة مع ان امي كذا مرة

تلمح لها بس ما تستحي وجهها وسيع .. عندها فلوس بالبنك لو تبي جابت عشر شغالات

بس ماتبي .. تبي تستغل امي وتستغلني تبينا غصب خدم لها وهي طلباتها كثير

كل ساعتين منادية امي جيبي لي لبن ! جيبي تمر ! وين اكلي ليش صقها اناديك ما تسمعين

اجي احط برنامج بالتلفزيون ولا شي ولا امي تحط لها مسلسل تتفلسف على روسنا

حرام وموسيقى وخرابيط .. شفتو قديش مضيقة علينا عيشتنا

وكل هذا احاول اتحمله واقول الله يصبرنا لكن اني كل يوم ولا يومين اسمعها تهزئ امي

ماقدر استحمل يا بنات واحقد عليها اكثر لدرجة مرة هاوشتها وقلت انا ساكتة عليك عشان

امي ولا والله انتي واغراضك برا ما تجلسين عندي !!

يا بنات ترى الي قلت لكم وربي مو كل شي قسم لو اقول مواقف ثانية بتعذروني

وربي ادعي ربي بصلاتي ربي يرفع ظلمها عنا ويكفينا شرها وادعي لامي

ان الله ينصرها بحوله وقوته وعزته قولو امين ارجوكم .. تعبت من هالوضع

تنهان امي قدامي وقدام الناس ولااقدر اسوي شي ! تدرون لنا خمس شهور

محبوسين بالبيت ما نقدر نطلع لان حضرتها عندنا وامي تقول ماطلع واخليها

واصلا حتى الناس بطلو يعزمونا وما يجينا الا صديقاتها يجلسون نص ساعة ولا ساعة

ويطلعون !

خطتي المستقبلية : اجيب شغالة على كفالتي (لان حضرتها رافضة تجيب من فلوسها

قعيطية وبخيلة تبي تستفيد منا ) ولكن عارفة انها وقتها بتعاندني وبتحاول تقهرني

وتقدم على شغالة بزعم ماتبي شي مني .. انا مخططة اذا جابت شغالة هي انا اسوي