شوربه العدس عشان البرد

المقادير
عدس اصفر
1-بطاطس
1-طماطم
1- بصله
2-3 ثوم
1-جزر
ممكن اضيف وحده كوسه
ملح
كمون
شعريه
زيت

الطريقه
هقطع البصل والثوم والطماطم والبطاطس والجزر والكوسه قطع صغيرة
هغسل العدس واضيف عليه كل الحاجات اللى قطعتها واضيف عليه ميا واسيبه على النار

اضيف عليه ملح وكمون
اسيبه لحد لما كل المكونات تستوى وبعدين اسيبه يبرد
اضربه فى الخلاص عشان كل المكونات تنسجم سوا وتبقى شوربه
اصفيه عشان لو فيه بواقى من البصل والجزر
احطه تانى على النار
لو حسيت انها بقت سميكه اضيف ميا لحد لما اوصل للقوام اللى عايزاه (مش بتبقى خفيفه زى الشوربه العاديه بتبقى اسمك شويه)
نحمر شويه شعريه فى الزيت ولما تتحمر احطها فى العدس لحد لما تستوى

ظبطى الملح وبالهنا والشفا

ممكن تجيبى رقاق وتقطعيه حتت وتحطيه فيها بيبقى جميل