عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أهلين بنوتات
هذي ثاني رواية ليا واسمها ((عاشقات ولكن )) وأتمنى من كل قلبي إنها تنال إعجابكم
حأنزل الثلاث بارتات الأولى ولو شفت تفاعل حأكملها لكم
**********
البـــــ الأول ــــارت
في مكان ما من العالم وفي إحدى الممالك وفي إحدى المحافظات وفي إحدى المدن وفي أحد الأحياء وفي أحد الشوارع وجدت عمارة لم تؤؤل للسقوط بعد ولكنها ستؤؤل مستقبلا ً وكانت العمارة تحتوي على أربع أدوار بها عشر شقق وفي كل دور 3 شقق ماعدا الدور الأرضي به شقة واحدة المهم هذي الشقق عاشت بها تسع فتيات مع عوائلهن هن : رغد ورانية وجلنار بالدور الأول ،، فريال ولجين ومايا بالدور الثاني ،،، ودعد وشموخ ولميس بالدور الثالث ،، وبعد الدور الثالث في سطح
والدور الأرضي فيه شقة للحارس وزوجته ولأن مساحة أرض العمارة كبيرة استغلوا المساحة الباقية في الدور الأرضي وسووها جلسة للرجال وحطوا تلفزيون وسموه لوبي << مدري وين قاعدين
المهم هذولي البنات جمعت بينهم العمارة الأثرية التي ستؤؤل للسقوط في يوم ما والمدرسة والعيش والملح والخبز والقمر <<< لاتقولوا ايش دخل القمر مره ابلة العربي قالت لنا شعر فيه بيت يقول : القدس خبز وقمر وأنا عجبني وحبيت أدخله بالسالفة
***********
عصر الجمعة
البنات كانوا قاعدين باللوبي لأن مافي أحد بالعمارة كلها إلا هم فماخذين راحتهم وكانوا قاعدين يتابعوا فيلم على شانيل تو
شموخ تتحلطم : ياربيه زهقققققققققققق طفشششششششششش أحد يقعد بالبيت يوم الجمعة ..
رانية وهي تآكل حب : ايه احنا ..
شموخ : أنتي بالذات لاتتكلمي أمس رايحة عرس وطقطقة وفلة و حنا بين هالجدران ..
رانية تتفل على روحها : قل أعوذ برب الفلق اللهم لا حسد ..
شموخ : يلا بس اللي يقول عرسك ..
رانية : اللحين انتي شحارق رزك ها ؟ ..
دعد : بس بلا قرقة زايدة ترى أقلقتوا روسنا خلونا نتفرج بهدوء ..
مايا رفعت رأسها من المجلة اللي كانت تقراها : الله والفيلم عاد كله دم ومسدسات وقتال ..
فريال : أوه أوه اسمعوا من يتكلم ،،، اللي يسمعك ما يقول إنك كنتي مسترجلة من اتعدلتي وانتي صايرة لنا ياي ومدري وشو ،،، أعقلي احسن لك
مسكينة مايا فشلتها فريال المهم رجعوا البنات يكملوا الفيلم وشموخ تتحلطم مع روحها ورانية تآكل حب ومايا تقرأ المجلة
شوي إلا دق جوال جلنار
جلنار : من ذا المزعج اللي يدق وقت الأكشن
ورفعت الجوال وردت بطفش بدون ما تشوف من المتصل
جلنار : آلوووووووووووو
أم جلنار : شفيك تردين علي كذا كنه مو عاجبك إني أدق عليك
جلنار: أوبس سوري مامي امسحيها بوجهي بالغلط
أم جلنار : أقول بلا كلام ماله داعي المدرسة بالطريق قوموا انتي والبنات واستعدوا للدراسة وترا حنا على وصول
جلنار : طيب
وقفلت الخط
جلنار : بنات يلا قوموا المدرسة بالطريق وأهلنا على وصول
فريال : اففففففف اففففففففف المدرسة ذي عليها أوقات ترفع الضغط هوا في أحد يدرس عصر الجمعة ،، أنا طالعة ولو جات قولوا لها فريال تعبانة
وطلعت فريال لشقتهم وبعدها كل وحدة من البنات طلعت شقتهم يجهزوا أغراضهم للدراسة
المدرسة كانت كل مرة تدرس بشقة غير لزوم العدل واليوم كانت الحصة بشقة رغد
المدرسة : بنات فين فريال ؟؟؟
رغد : تعبانة يا أبلة مسكينة عندها غثيان
لميس : لا تكون حامل على غفلة بس من وين يا حسرة
لجين : تكلمت لميس الميتة على الزواج ،، لا يا أبلة ترا يستهبلوا عليك فريال أصابعها توجعها ما تقدر تكتب
رغد : لا يا أبلة ماعليك منها فريال بطنها يعورها مرره مرره
المدرسة : بس يا بنات خلص عايزين نبدا الحصة
وبدأو الحصة وبعد ما مرت نص ساعة انطق باب الشقة
قامت رغد وفتحت وكانت فريال عالباب والشياطين تناقز على رأسها
طبعا البنات بغوا يضحكوا بس لمن شافوها معصبة سكتوا لانه مليون بالمية أمها مهزئتها علشان تجي تدرس معاهم
وطول الحصة فريال تتأفف وتهز الطاولة برجولها لين وترت كل الموجودين
المدرسة : ياست فريال لو مش عاوزة تحضري اطلعي
وفريال ولا عليها ولا كن أحد قاعد يكلمها
المدرسة : يا فريال ماتسمعيش الكلام
وبرضه فريال ما كن حد يكلمها
المدرسة : لاحول ولا قوة إلا بالله هوا إيه ده ياربي الصبر
وخلصت المدرسة شرحها وطلعت
فريال : اف ما بغت زهقتني
لميس : بس تراك مصختيها بزيادة اليوم
فريال : يا شيخة آخر همي يلا أنا بروح ولاتنسوا موعدنا الليلة
كان يوم الجمعة بالليل وقت مميز للشلة ،،، لأنه من تصير الساعة 12 كل وحده تلبس أحلى ماعندها من بجايم أو قمصان ويطلعوا ركض للسطح اللي كانوا مجهزينه بكل وسائل الوناسة من لابتوبات وتلفزيون ودي في دي وفيديو وسيديات أفلام وورق واونو وكل حاجة تخليهم مستانسين وطبعا ما ننسى الأكل فحطوا ثلاجة صغيرة فيها كل أنواع الآيسكريمات والشوكلاتات ( أهم شي شوكلاتة جواهر ) والعصيرات وعندهم سلة حطوا فيها انواع مختلفة من الشيبسات والبسكويتات
وجابوا فرشات وسجادات وبطانيات ومخدات يعني كانوا مجهزين الملحق تجهيز كامل
وصارت الساعة 12 وطلعوا البنات للسطح
كانت رغد لابسة بيجامة حمرا فيها قطوة ماسكة وردة زرقا
ودعد لابسة قميص أصفر قصير مليان جليتر
وشموخ لابسة بيجامة برمودا ببلوزة كت لونها أبيض قطن ومكتوب عليها بالوردي love
مايا كانت لابسة هي وجلنار بيجاما حرير لونها أسود
ورانية لبست قميص طويل عليه روب لونه سماوي فاتح فيه دانتيل من الطرف
وفريال لبست بيجامة نص كم البلوزة لونها أبيض عليها قرد واالبنطلون بنفسجي واخضر
ولميس لبست قميص قطن لونه زهري بارد وعليه وردات بيضا
ولجين كانت لابسه بيجاما بيج
طبعا كل الملابس من لاسنزا ونعومي وفيل فري وماركس سبنسر ( أسوي دعاية للمحلات )
وفي السطح
شغلوا فلم ( برنسس أو جيونوفيا ) وجابوا فشار وحلويات وجلسوا يتفرجوا طبعا مع التعليقات والضحك والتخقق
ويوم خلصوا الفيلم لعبوا حكم بالورقة وبعدين فتحوا الشات واستهبلوا على كم واحد
وبعد الضحك والفلة تعبوا وجلسوا يسولفوا
رانية : بنات قولوا سالفة
شموخ : يلا لميس دورك اليوم بالسالفة
لميس : لحظة بفكر
ومرت عشر دقايق
لجين : بسرعة ترى ملينا وين السالفة ؟؟؟
لميس : ايه تذكرت … بقول لكم سالفة قالتها لي وحده من البنات القصة تقول كان فيه وحده معزومة لعرس وهم يا عمري عليها فقرا المهم راحت وقعدت لين الساعة مدري كم بس عدت نص الليل ودقت أخوها عشن يجيها عاد الاخو عصب عشن اليوم مباراة تشيلسي مع الأرسنال النهائية فقام راح يجيبها مع سواقهم وجابها وحطها عند الجبل ونزلت وطلعت الجبل وخلاها ولحقها واحد وجا يرشها بمنوم فهي رشت عليه اسبيريه عشن يروح المنوم وبعدين ….
قاطعتها دعد : هي انتي تستهبيلين وش ذي الخرابيط ؟؟؟
رانية : جد شهالخرابيط فقارا عندهم سواق ومباراة بعد نص الليل ولا من متى السبريه يودي المنوم
لميس بلا مبالاة : كيفكم ما راح أكمل
شموخ : لااااااااااااااا خلوها تكمل ابغى اعرف النهاية
رغد : صدق لا قالوا التم المنحوس على خايب الرجا
مايا تنهي الموضوع : بنات ما مليتوا من الروتين اللي حنا عايشينه أحس زهق .
لجين : من جد زهق
فريال : شرايكم نسوي أكشن
جلنار : مثل ايش؟؟
فريال : مثلا نروح نتغدا بمطعم
شموخ : طيب هذا مو اكشن احنا دايم نتغدا ونتعشى بمطاعم
فريال : طيب الأكشن في الموضوع اننا ماراح نستأذن من أهلنا بنروح بعد ما نطلع من الدوام
دعد : ماأحسه أكشن مره بس يالله نجرب
رغد : بنات احس العواقب حتكون مو شي صراحة
رانية: يلا شورانا خلنا نجرب بكره
لميس: اوك بس بعد الدوام اطلعوا بسرعة طبعا عارفين انا أقصد مين
وانتهت السهرة وكل وحده راحت لشقتهم
اليوم اللي بعده بعد ما خلص الدوام وبعد ما السواق وصل الصغار للعمارة
ركبوا البنات معاه
رانية : شكشوك روح ع جيان
شكشوك : بس بابا انتا قول روح بيت دايركت مافي روه مني مني
جلنار : طيب انت ليش تقول حق بابا روح وانت ساكت
شكشوك : لا انا مافي ياخد اوامر من انتا …انتوا فيه سوي قرقر واجد … ومشكل واجد عور راس مال انا
رانية : بعد خيييييييييييير أقول روح وانت ساكت
شكشوك : انا مافيه روح هادا آخر كلام
فريال عصبت : عشتوا انت ناسي انت مين رحت ولا جيت سواق يلا بس خلصنا وروح ولا تقعد تدورنا بالشوارع صدعت راسي تراك ومره ثانية لو احنا تكلمنا انت تسكت فاهم
شكشوك : حاضر مدام بس انتوا يتحمل مسؤولية
فريال : مدام بعينك … ايوه خلك كذا طولت السالفة وهي قصيرة
وراحوا البنات لجيان وكل وحده خذت من المطعم اللي تحبه وقعدوا على الطاولات يتغدوا
وبعد ما خلصوا
لجين : بنات خلونا نتمشى شوي بالمول خاطري اتمشى بالسعودية وانا كاشفة
دعد : لا انا مو موافقة تخيلي مر واحد من اخوان
لجين : وين بيمروا والعالم كلهم بالجامعات او توهم طالعين ويبغوا البيت شوفي كيف المول فاضي الا من كم عائلة
شموخ : يلا خلونا نتمشى شوي انا ودي اشتري شي من جيان
دعد : والله حيجي يوم نروح في داهية بس يلا خلونا نمشي شوية
وقعدوا البنات يتمشوا ولجين مستانسة بس توزع ابتسامات كنها في إعلان معجون أسنان
وهم يتمشوا مروا عليهم مجموعة شباب شافوا لجين فاتشة فاستانسوا عليها
خالد : أمووووووووووت انا على الأسمراني المملوح
عبدالله : اي مملوح إلا يخقق يذوب ابوس تراب رجلينه انا
خالد : هي لا تغازلها انا حصلتها قبلك
عبدالله : ترانا ماشيين سوا
والشباب يتهاوشوا جلنار تدز لجين وتقول بإذنها : احلىىىىىىىىىىىىى خققت الشباب
ومسكينة لجين اتوهقت لان جلنار هي الوحيدة اللي ظلت معاها كل البنات من جاووا الشباب راحوا للسيارة وخلوهم وعاد جلنار ما تقصر بالتنغيزات
لجين : خلاص اسكتي تراني بموت من الخوف
جلنار: يا حبيبتي عيشي اللحظة انتي وين يحصل لك كذا
لجين : روحي بس
وغطت وجهها
جمال : لييييييييييه غطيتيه خلينا نستمتع بالوجه الصبوح والجسم اللي يشهي
لجين تكلم جلنار : هذا وانا لابسه عباية راس كذا
وظلوا الشباب يلاحقوهم وهم مب قادرين يروحوا للسيارة عشن الشباب لا يلحقوهم للعمارة
وشوي إلا راحوا الشباب
لجين : شكلهم راحوا خلنا نروح للسيارة
جلنار: لا شوفي باقي واحد هذا اللي اسمه عبدالله شكله من جد خاق عليك
لجين : لا لاتقولين اف …. يلا خل نرجع السيارة بسرعة ترى اتأخرنا
جلنار : اوك يلا
وراحوا للسيارة وركبوا
دعد : بدري كان ما جيتوا ما قلت لكم السالفة ماراح تمر على خير
فريال : بس وناسة يوم خليناهم ومشينا
لجين : ايه يا خايسين شهالخيانة هذا وحنا صديقات بدل ماتساعدوني لا ومخلين جلنار معي عز الله رحت وطي
لميس : والله حنا ماقلنا لك افتشي اذا غلطتي تحملي نتايج غلطتك
رانية : على طاري الغلط ترى اهلنا دقوا على السواق وقلهم ان حنا بالمول يعني استعدوا لتحمل نتايج الطلعة
شموخ :ما علينا كلها حبس اسبوع لو كثروا
رغد : بنات شوفوا في سيارة تلحقنا من طلعنا
لجين طالعت بعدين اشهقت : جلنار هذا عبدالله ياويلي ياويلي
رغد : عبدالله مين ؟؟
جلنار : اللي كان يلاحقها شكله من جد مو صاحي
دعد : ياربي ليتني ماوافقت على هالطلعة
فريال : أووف يا دعد ترى زهقتينا ما تسوى علينا طلعة خلاص طلعنا ورجعنا وانتهى خلونا نفكر بالمصيبة اللي اللحين
رانية : أقول لشكشوك يضيعه
شموخ : لااااا تبيه يعلم علينا لاتفكري حتى تتكلمي
لميس : طيب شنسوي ؟؟؟؟
مايا : ولاشي خلوها وربكم يحلها
وقعدوا ساكتين وكل وحده تفكر لين وصلوا للعمارة
لجين : بنات هذا هو لسه ورانا شسوي
مايا : خلك طبيعية ولاكنه شي صاير وانزلي وخلاص
ويوم نزلوا البنات نزل عبدالله وقرب منهم
يوم شافته لجين صاحت
عبدالله : بنات ممكن تاخذون الرقم ؟؟
دعد : اللحين متعني ولاحقنا عشان تعطينا رقم صدق انك ماتستحي
عبدالله : شوي شوي علي أعصابك ياقمر
مايا : بنات اصفطوه يلا نطلع
جلنار : خلاص يالجين لا تبكي ما يسوى عليك
عبدالله : المملوحة اسمها لجين ياحلو الوجه والاسم والجسم
لجين : انتي هبله ليش قلتي اسمي صدق انك غبية
عبدالله : أقول خوذي الرقم شفيك انا ما اعض
وقبل مايردوا عليه
مساعد ( أخو جلنار) : ماما البنات جووا
عبدالله من سمعه ركض على سيارته وهو يقول : حنتقابل مره ثانية
وكل وحده اطلعت لشقتهم
طبعا اكلوا لهم تهزيئات محترمة والعقاب مثل ما اتوقعت شموخ حبس لمدة أسبوع
إلا دعد ما اتهزئت
في شقة دعد
أم دعد : ماشاالله رايحين للسوق ها ؟
شوفي أنا ماراح أهزئك اللحين بس بقول لك حاجة ترا خالك راح لأبوك اليوم وقلنا له انك موافقة على ولده فيصل وملكتك الشهر الجاي
دعد صرخت من الصدمة : خيييييييييييييييييير مو بكيفكم انا قلت اني ماابي ذا الفيصل
أم دعد : ليه حاطه ببالك واحد ثاني
دعد : يعني لازم احط ببالي واحد ثاني عشان ماتزوجوه لي ترى النفس عايفته
أم دعد : والله احنا نعرف مصلحتك أكثر منك والولد يحبك شتبين ألآكثر من كذا
دعد : اذا بيحبني كيفه انا مالي دخل فيه بس ليه ماتفهموا اني ماابيه
أم دعد : عطيني سبب وانا بنفسي الغي ذا الزواج
دعد : ياربييييييييي
وقامت شالت عبايتها وجات طالعة
أم دعد : وين رايحة
دعد : المكان اللي بروحه
وطلعت وسكرت الباب وراها بقوة
البــــــ الثاني ــــارت
بعد ما طلعت دعد وهي تطلع دخاخين من فوقها من العصبية راحت لعند لميس ودقت الباب
فتحت أخت لميس أماني
دعد : وين لميس ؟؟؟
أماني : مدري
دعد : تستهبلين مع وجهك ؟؟
أماني : أقولك مدري
وافتحت الباب على مصراعيه ( حلوة على مصراعيه ) وكملت : أدخلي دوريها لو تبغي ،، أعوذ بالله صديقات مثل الهم
دعد : وخري بس
ودزتها ووقفت عند باب شقة اهل لميس وصارخت : لميس لميسووووووووووووه ووجع
مسكينة لميس اخترعت وجات ركض
لميس : خير شصاير أحد مات أحد بالعناية أحد ولد أحد تزوج
دعد : وانتي بس اللي هامك بالدنيا الزواج صدق ما عندك سالفة انا بحترق وانتي ولا عليك انا الغلطانة اللي جايتك
أماني : هي شوي شوي على اختي شفيك عسى ما شر كلتيها بقشورها
دعد: انتي شب ولا كلمة ترى انا اكلم لميس
أماني : وانا أخت لميس يعني حنا واحد
دعد : شتبين انتي شتبين كلي تبن بس اففففففففف ناس لزقة كنك علق طبي
أماني : اللحين شدخل ذا بذا صدق انك فاصلة و مصفية
لميس ودها تضحك بس احترمت روحها : خلاص أماني ادخلي ،،، خير دعد شصاير ؟؟؟
دعد اسفهتها وراحت
أماني : شفيها صديقتك كن أحد كات عليها كيروسين شوي وتنفجر
لميس : شكله صايره لها مصيبة بروح أدق عليها اشوف
ودخلت لميس ودقت على جوال دعد
وبعد رنتين
دعد ردت وهي تصارخ : لا تدقين علي فاهمة باي
وسكرت بوجهها
لميس بعدت الجوال وهي مصدومة شصاير لدعد بس قالت أكيد شي تافه وهي مكبرته كعادتها وراحت نامت
أما دعد المسكينة فماكانت عارفة شو تسوي وهي حالفة ما تروح البيت فراحت عند رانية
بشقة رانية
رانية : دعد شفيك مو على بعضك شصاير ؟
دعد : ولاشي
رانية : بلا استهبال شصاير
دعد : هذا الاهبل فيصل ما كفاه يوم هزئته هذيك المرة رجع خطبني مره ثانية وهلي وافقوا وملكتي الشهر الجاي
فريال وهي تطلع من المطبخ وبيدها سندويشة جبن وعصير برتقال : لاااااااااااا على البركة كلووووووويش
دعد اتفاجئت : انتي شتسوين هنا
فريال : ولا شي ما جاني نوم جيت أسولف مع رانية
دعد : طيب ترى أنا مو فرحانة بالموضوع عشن تباركي لي
رانية : أقول فريال ليه ما سويتي لي معك سندويشة
فريال : خدامة أبوك انا روحي سوي حق روحك ،،، إلا شسالفة التهزيئة وليش ما قلتوا لي ؟
دعد : ولا شي بس خطبني العام ودقيت عليه وعطيته هذيك التهزيئة اللي يحبها قلبك وقلت له انت ما تستحي خاطب وحده كبر أختك قام يضحك وقالي : شوفي با بنت عمتي تبين ولا ما تبين انتي حتكوني زوجتي يا قلبي
عاد أ انا سكرت بوجهه
فريال : يا كثر ما تسكرين بوجيه الناس بس فظيعة كبر أختك والله إنك هبله
رانية : من جد يعني طبيعي بتكونين كبر أخته
دعد : بعد هذا اللي طلع معي وقتها
رانية : عندي حل خلي الموضوع يمشي عادي اللحين وبعد ما تملكي طفشيه بحياته لين يطلقك
دعد بصدمة : وشو أتطلق ليه ؟
فريال : يا بنتي ما عرفنا لك تبيه ولا لا ؟
دعد : هو حلو يكون في أحد يحبك ويعزك بس انا مابيه
رانية : ايه عشان كذا خدودك حمرت
فريال : إلا صح انتي ليه ما تبغينه احسه فلة وحليو … و
دعد : لا تمدحيه قدامي أغار تراني
رانية : ما عرفنا لك
دعد : شوفوا انا ما أكرهه ولا احبه بس ابد ما اتخيله زوج ابد ما يصلح لي يعني مواصفاته مهي مواصفات فارس أحلامي
فريال : طيب اوصفيه
دعد : هو طويل حلو مملوح صراحه كله على بعضه يهبلللللللل ياااااااااااااااااااااااااااي بس انا ما ابيه كذا من الله و الأرواح جنود مجندة
رانية : انتي من حفظتي الأرواح جنود مجندة وانتي ما عندك إلا هالحديث … بعدين يوم إنه يهبل وحلو وياااااااي وكيوت ليه ما تبيه مع وجهك ؟
دعد : قلت لك الأرواح جنود مجندة ما تفهمين انتي ؟
فريال : طيب وشي مواصفاتك فارسك اللي حجيجك على حمار أوبس أقصد تيس لااااااا أقصد حصان أبيض مدري رمادي
دعد : ادري تستهبلين بس مالي خلقك شوفي أنا ابيه امممممممممم تصدقين ما فكرت بمواصفات
فريال : والله انتي ما عندك سالفة ابد ضيعتي وقتي الثمين وقطعتي تلذذي بالسندويشة …
دعد : هذا جزاتي أفضفض لكم ؟؟؟
فريال خزتها وقعدت تأكل
فريال : رانية وجع لا تطالعيني قومي افتحي الثلاجة وسوي لك
رانية : مابي كيفي عين وعيوني …
وشوي قامت رانية تسحب السندويشة من فريال وفريال تسحب وصاروا يتهاوشوا على السندويشة المسكينة
دعد : شفيكم كنكم مو شايفيين خييييير ولا الدنيا مجاعة وانا مدري
فريال : مدري عنها سأليها …راااااااااااااااااااااااااااانية اتركيها حقتي
رانية : لا مابي ليش انتي تأكلي وأنا لا ؟؟؟
فريال : يعني انتي ما تبينها ؟؟؟
رانية : لا
فريال : يا خايسة اتركي انا جيعانة شوفي شلون بطني يطلع صوت
رانية : يا نصابة توك قبل ما تجي دعد ماكله كورن فليكس وحليب
فريال : والله انتي النصابة أصلا انا ما أشرب حليب
رانية : شوف اجل وشو الأبيض اللي كان مع الكورن فليكس
فريال : روب ( لبن زبادي )
رانية : وشلون صار سايل مثل الموية
فريال : حطيت له شوي مويه وقلبته بالملعقة
دعد صارخت : وشو وشو
رانية وفريال : شفييييييييييييييييك ؟؟
دعد : كلتي الكورن فليكس مع الروب
فريال : ايه
دعد : نونونو اي مقدر أصدق
افطسوا عليها ضحك رانية وفريال
فريال : من الصدمة صار الإنجليزي عربي مهند
رانية اتسدحت على الأرض من الضحك
دعد : شفيكم انتوا مهبل كل شوي بحاله
رانية : لا ياقلبي احنا سوينا هذي الحركة عشن ننسيك موضوع فصفص شوي فهمتي ؟
دعد : يا خايسين وانا مصدقة وقاعدة اتابع هذا الهواش الغبي
رانية : يلا يلا انتي وياها قوموا شققكم فيني نومة تكفي الكرة الأرضية
فريال: يعني هذي طردة
رانية : بس اشرايك فيها مو محترمة ؟؟
دعد قامت باست رانية على خدها وقالت : مشكورين سويتي نسيتوني شوي
فريال : بس تراك ما عندك سالفة وافقي بلا هبل
دعد : تراهم وافقوا عني
رانية : يلا وعقبال ما نشوف عيالك درزن
دعد : ليه مكينة تفريخ
فريال: شدراك الحب وما يسوي
رانية تدفهم بره : يلا يلا بنام اطلعوا
وطلعوا دعد وفريال وكل وحده راحت في حال سبيلها إلى مصيرها
ومر اليوم بشكل عادي جدا وبارد وروتيني
،،،،،،،،،،،،،،،،،،،،،،،،،،،،،،،،،،،،،،،،،
اليوم الثاني بالصباح
البنات طالعين بيروحوا المدرسة وفي اللوبي وهم ينتظروا السواق يجي
وكلهم كانوا موجودين ما عدا رانية
جات لميس عند دعد : دعوده شفيك أمس
دعد : ولا شي ليه تسألي ؟
لميس : سبحان مغير الأحوال
دعد : مابي شي خلاص انتهى الموضوع
لميس : طيب وشو الموضوع ؟؟؟؟
دعد قبل ما تتكلم نزلت رانية وهي تصارخ
رانية : بناااااااااااااااااااااااااااااااااااااات عندي لكم خبر بمليون مو لازم تحزروا بقول ترى دعد ملكتها الشهر الجاي
شموخ : أماااااااااااااااااااااااااااااانة
رغد : ومباركين عرس الأثنين
دعد : ترى لسه ما صار شي
رانية : لا لاتصدقوها امس جاتني تتشكى وواسيتها طبعا تعرفوني انا للمهمات الصعبة مافي مثلي
مايا : ومين سعيد الحظ ؟؟؟
فريال : فيصل
مايا : وناااااااااااااااااااااااسة وأخيرا توجتوا قصة حبكم
دعد حمر وجهها : أي قصة حب ؟؟؟ انا متى حبيته
جلنار: اها اخيرا عرفت قصة حرف f اللي طول الوقت مكتوب على طاولتك
رانية : تقصين علينا هااااااا مو فارس أحلامك وانتي العاشق المتيم
وقامت رانية تغني : انت بحري وانا اليم وانا بحيك متيم
وصاروا البنات يرقصوا وشموخ تدق على الدرابزين وتغني : ليك الواوا بوس الواوا
ورغد تغني : بيت العيلة يا بيتنا .. وهي مندمجة بالرقص
وصار اللوبي ديسكو على الصباح وقعدوا يحاولوا انهم يخلوا دعد ترقص بس هي مره مهي راضية
و شوي اللي يسمعوا صوت سعود( أخو لجين ) : عسى ماشر شصاير انهبلتوا على هالصبح
كاظم ( أخو دعد ) : يا خي ليش تكلمت كان خليتنا نتابع هذول السكارى صراحة فرصة ماتتكرر مرتين
ويوم لفوا البنات شافوا الشباب واقفين عند الأصنصير ولا بسين بجايمهم وأشكالهم عفسة أشكال ناس صاحية من النوم
عبد الرحمن ( أخو جلنار ) : إلا شصاير ؟؟؟
جلنار: دعد بتتزوج
عادل ( أخو مايا ) : ومين سعيد الحظ ؟
مايا : ولد خالها فيصل
كاظم : دعد وافقتي ليه محد قالي ؟؟؟؟
دعد : كنهم خلونيــ ..
قاطعها عبد المجيد ( أخو لجين ) وكنه تذكر شي : لا تقولون … وكلم كاظم : كاظم فيصل ولد خالك هذاك الفلة هو اللي خاطبها ؟
كاظم : ايه هو ما غيره الخايس
عبد المجيد : أجل صرنا نسايب معاه مرررره كول ( للتوضيح : عبد المجيد مهو أخو كاظم بس قال كلمة صرنا نسايب عشانهم عايشين بنفس العمارة طول عمرهم وصايرين كنهم أخوان )
رغد تقول لدعد بإذنها : شوفي حتى الشباب مستانسين بالولد شكله مره فلاوي
دزتها دعد على خفيف
عبدالرحمن : على البركة … يلا دقوا خلوني أرقص بهذه المناسبة و دقي يا مزيكا
والبنات رجعوا يدقوا بس بدون رقص
وصار عبدالرحمن وعبد المجيد و رائد ( أخو فريال ) وكاظم وعبد العزيز ( أخو شموخ ) وعادل يرقصوا وباقي الشباب تصفير و تصفيق
وصارت العمارة وناسة حلوة التصبيحة
دعد تصارخ عشان يسمعوا : يلااااااااااا جاء السواق
فريال : ياربي انتي طول عمرك هادمة للذات
شموخ : دعد ترى مره مو وقتك يلا تعالي معانا ترى كل هذا فرحة فيك
دعد : أقول لكم السواق جا يلا لا نتأخر ونكتب مخالفة
رغد : أففففف يا شين المدرسة
وطلعوا البنات للسيارة والشباب طلعوا يلبسوا
وبعد ماركبوا البنات للسيارة وبعد أول لفة بعد العمارة
جلنار شهقت : لجيييييييييين
لجين تشرب كوفي : هممممم شصاير
جلنار : عبد الله ورانا
اشرقت لجين بالكوفي وانكب منه شوي على لميس
لميس تصارخ : ايييييييييي ياغبية شفييييييييك ترى حار
لجين : عبد الله ورانا ياربي شهالمصيبة لو إن واحد من أخواني طالع ورانا
رغد : ولو واحد من إخوانك طالع ورانا شدراه إنه يلاحقنا
لجين : مدري انا ليش بلشت روحي كله بسبب فريال
فريال : وانا شدخلني
لجين : انتي اللي قولتي نروح جيان
فريال : يلا مناك كني انا اللي قايلة لك اكشفي
مايا : مره مو وقته هذا العبدالله تونا مستانسين
شموخ فتحت عيونها : شصاير ايش هالصجة وصلنا
مايا : لا معجب لجين ورانا يلاحقنا
شموخ رجعت تكمل نومها : حسبت عندكم سالفة
لجين : صدق انكم مدري وشو أنا أحر ما عندي وانتوا أبرد ما عندكم
رانية : يعني ايش نسوي لك
لجين : آزروني نفسيا بس
رانية تستهبل : لجونة يا قلبي إن عقلي وقلبي وروحي معك للأبد
لجين : افففف دعد قولي لي شسوي انتي دايم عندك حلول للمواقف الصعبة
ودعد سرحانة ولا كن حد يكلمها
لجين : دعد دعد دعد ووجع
دعد : هاااا شفيه
لميس : تركيها هذي رايحة هناك مع حبيب القلب
رغد : شوفي احنا قربنا وإذا وصلنا نشوف اذا نزل وجاء عندك هزئيه واذا ما نزل اصفطيه ولا كن شي صاير
لجين : طيب مع اني مدري شبقول له لو جاء
لميس : ما عليك هو الكلام يجي
ووصوا للمدرسة
جلنار : جاك الموت يا لجين … يلا انزلي وحاربي
للجين : بلا استهبال
وفتحوا البنات الباب وبدأو ينزلوا
مايا : شموخ قومي
شموخ : همممم شوي بس
مايا طقتها كف صاحي ومسكينة شموخ انتفضت
شموخ : خييييييير
مايا بكل برود : قومي وصلنا
ونزلت وسكرت الباب وشموخ تصارخ وراها : والله لاوريك …
مايا : أعلى مافي خيلك اركبيه
يوم قربت لجين من باب المدرسة سمعت احد يناديها
عبدالله : لجييييييييين
عاد هي بدل ما تسفهه لفت
عبدالله وشكله مره تعبان كنه مو نايم أسبوع
عبدالله بصوت تعبان : وقفي شوي بس بطلب منك طلب
لجين : نعم
عبدالله : خذي الرقم
لجين : صدق انك ما تستحي وخر بسرعة
عبدالله : يابنت الناس تراك هبلتي بي طول امس مو قادر أنام
لجين : وانا شسوي لك طيب
عبدالله : بس خذي الرقم ورحيني
لجين : صدق ما عندك سالفة وخر
ومشت ودخلت المدرسة والبنات مان ينتظروها في الساحة
رغد : ها شصار ؟
لجين : ولا شي إلا يبيني أخذ الرقم وانا عييت
رغد : وبعدين هزئتيه
لجين : لا
رغد : لييييييييه ؟
لجين : مالي خلق على هالصباح
لميس : شفيه مسكين شكله مره تعبان
لجين : يقول مو قادر ينام من أمس يفكر فيني
جلنار : حركتاااااااااااااااااااات … بس بنات بالأمانة مو حلو
دعد : أنا لا تسألوني أنا على ذمة رجل
مايا : ييييييه دعد ما عندك سالفة … بس تراه مو بس حلو إلا يخقق
لجين : تراه مغازلجي
جلنار : واحلى مغازلجي
لجين : انتوا جد منتهين من يوم صحيتوا وانا وراي اختبار ماراح استفيد شي من قعدتي معاكم
ودخلت لجين لفصلها
جلنار: شفيها زعلت ؟
رغد : ما فيها شي بس شكلنا مصخناها
رانية : بنات يلا ندخل لانتأخر عن الطابور
فريال : هيا
ودخلوا لفصولهم ودرسوا 3 حصص وبالفسحة
رانية جات معاها بنت
رانية : بنات بعرفكم على صديقتي الجديدة اسمها شوق ،،، شوق هذول صديقاتي وخواتي وكل شي بالنسبة لي
شوق بغرور : هاي بنات ،،، ولفت على رانية وقالت : رانية تجين معي بروح اشتري
رانية : ايه يلا
وراحوا شوق ورانية
مايا : ايش هذا رانية كل يوم عليها صديقات مثل وجهها
جلنار: ايه من جد البنت شكلها ابد مو مريح احسها مدري شلون
شموخ : تحسينها كنها مدمنة صح ؟؟
جلنار : ايه بالضبط
رغد : بنات خلاص لا تحشون كيفها رانية تصاحب اللي تبي هي كبيرة وحره بنفسها ويمكن احنا قاعدين نظلم البنت
دعد : صح ايه ماقلت لكم سالفة …
وقعدوا البنات سوالف لين خلصت الفسحة وبعدين كملوا دراسة لين خلص الدوام
وقت الصرفة ( يعني ع البيت )
خرجوا البنات وقبل مايركبوا للسيارة شافوا عبدالله واقف بين أولياء الأمور
لجين : لا إله إلا الله هذا شيبي ؟
وعبدالله أول ما شاف لجين أشر لها ويوم جا بيقرب منها راحت ركض للسيارة
دعد : صدق السالفة مصخت هذا شكله بيفضحك
لجين : مدري شسالفته
جلنار : لايكون حبك من أول نظرة
فريال : شكله كذا
وقعدوا يضحكوا
لجين : بنات صدق مالكم داعي إذا ماعندكم سالفة اسكتوا أحسن بعدين وين رانية ترى مره اتأخرت
شموخ : مدري عنها مو من عوايدها تتأخر
ماكملت شموخ جملتها إلا ورانية تفتح الباب
مايا : الطيب عند ذكره
رانية : بنات بتجي شوق معانا اليوم عشن تبغى تنام بشقتي اليوم
لميس : ليه الدنيا سايبة ؟
دزتها لجين عشان تسكت
فريال تكلم مايا بإذنها : أوووووووووف يا شين اللزقة
ركبت رانية ومدت يدها لشوق عشان تركب
رانية : يلا شوق اركبي
وركبت شوق السيارة
*************
البـــــــ الثالث ــــارت
بعد أسبوع من الأحداث الماضية
وبالتحديد يوم الأربعاء
البنات كانوا جايين من المدرسة وكل وحده حدها تعبانة
فريال كانت توها بدت تدخل بالنوم وكانت نايمة ع السرير بالعكس يعني رجولها ع المخدة وراسها مكان الرجول
وتوها نامت إلا رن جوالها وكان محطوط ع الكمدينة فكان لازم تقوم وتعدل نومتها عشان توصل للجوال
فريال : أووووووف من ذا المزعج اللي يدق هالوقت
وقامت وهي مغمضة وحطت راسها ع المخدة ورفعت الجوال وفتحت عينها اليسار فتحة صغيرة عشان لايطير النوم وضطت ع زر الرد بدون ما تشوف مين المتصل
فريال بصوت اتعمدت يوضح فيه النوم : آلووووووو
دعد : هلا رفاييلا
فريال عصبت : ووجع إن شاء الله دعد كم مره قلت لك لا تناديني رفاييلا يختي أكره هذا الاسم ما احبه يسبب لي تقزز وتحسس بالجلد
دعد : خلاص طيب كلتيني بقشوري
فريال : أقول لا تتفلسفين أخلصي علي ابي انام
دعد : يعني وشو ؟
فريال : يعني قولي شتبين ولا بسكر
دعد : أعوذ بالله حشا ايش هذا المهم بغيت استشيرك بشي
فريال : وشو ؟
دعد : اليوم بيجي فيصل عندنا يبغى يتفق مع ابوي على أشياء خاصة بالملكة
فريال : وانا شدخلني بكل هذا يجي حياه الله البيت وبيتكم انتوا
دعد : طيب انا ما ابغاه
فريال : يا ذا النشبة اللحين احد قلك إني مستشارة إجتماعية خلاص قولي له انا ما ابغاك
دعد : شهالحل البايخ والغبي زييك صدق هبله
فريال افتحت عيونها من الصدمة
فرريال : اللحين انا بايخة وهبله وغبية اصلا مو منك مني انا اللي معطيتك وجه وانتي ما تستاهلي يلا بس ضفي وجهك مع السلامة بسكر مع السلامة مع السلامة
دعد : لحظظظظظظظظة أمزح معك شفيك انتي
فريال : وهذا وقت مزح مع وجهك
دعد : المهم عطيني حل عشان اضف وجهي على قولك
فريال تأفف بداخلها : أقول إذا جاء كبي عليه مويه وهو بيضطر يرجع عشان يغير وبالتالي ماراح يقابل أبوك
دعد : أوك حبيتي مشكووووورة ااممممممممواه يلا باي
وسكرت الخط
فريال تكلم روحها : اف ما بغت تسكر
ورجعت تنام
//////////
بنفس الوقت و في مكان ثاني من العمارة
لميس ورانية وجلنار ورغد ولجين كانوا قاعدين بشقة رغد
ورغد سوت لهم تركش كوفي وكل وحده جالسة تشرب ومندمجين في السوالف
رغد : بنات مو خاطركم تحبون لكم واحد ؟
جلنار : إلا والله انا مره خاطري بهالشي أحسه إحساس حلو إنك تحبين واحد وهو يحبك
وقعدوا البنات سوالف ووناسة وضحك
وشوي رن جوال جلنار
جلنار شافت الرقم وبعدين ردت : آلوووو هلا والله حبيبتي … أسمعي شوي وأدق عليك اوك
وسكرت
لميس : يعني انا بفهم يا جلنار انتي ليش تلعبي ع البنات شاللي حادك يصير عندك خويات لا ويمكن فوق العشرة حشى
جلنار : يووووه وانتي شدخلك ها ؟؟ عادي خليني استمتع بحياتي وطالما مبادئ ولا تربيتي مايسمحون لي اكلم شباب خليني أكلم بنات واستانس ترى احنا مو مأخذيين من الدنيا شي
لميس رفعت حواجبها بإستغراب : ايش هذا المبدأ العجيب ؟؟؟
جلنار : أقول خليني أروح أكلم البنت لا أتأخر عليها يلا انا بروح بنات باي
وطلعت جلنار من الشقة وراحت بيتهم
لميس تهز راسها : الله يهديها ووبس
لجين : آميييييين
رغد وكأنها تذكرت شي : إلا صح رانية شصار يوم جاتك شوق ما عاد سمعناك طريتيها ؟
رانية ترفع كتوفها : ولا شي جات وكذا حسيتها من البنات اللي عندهم حركات نص كم فصرفتها وبس
رغد : حتى احنا كلنا حسيناها مو مريحة
رانية : اقول ما علينا منها تراها موضوع وانتهى
وكملوا سوالفهم
*********************************
جلنار يوم طلعت من شقة رغد راحت علطول لشقتهم ودخلت غرفتها ودقت على منى خويتها
جلنار : هلا والله بحبيبتي
منى تضحك بغنج : هههههههه هلا والله اشتقت لك
جلنار : وانا اكثر يا قلبي ها قولي لي شصار يوم رحتي الحفلة أمس ؟
منى بمياعة : يااااااي يا جلنار الحفلة مرررررررة مرررررررررة كانت جنااااااان الدي جي والمكان وكلو كان حلو مرة اتمنيتك تكوني معايا هناك
جلنار : أهم شي انتي انبسطتي هناك وطالما انتي كنتي مبسوطة انا اعتبر نفسي رحت وانبسطت كمان
منى : يا عمري انتي .. أنا قررت أسوي حفلة على شرفك في بيتنا وبعزم فيها الكل لأن كل صديقاتي وقريباتي خاطرهم يشوفوكي .
جلنار : لا مو لازم ماله داعي لا يشوفوني ولا اشوفهم انا اهم شي عندي في الدنيا هو انتي وبس ..
منى : والله ؟
جلنار : أكيييييييييد ولا عندك شك ..
منى : ياربي أذوووووب أنا ويلوموني في حبك … أحبك يا جلنار والله أحبك …
جلنار ضحكت ضحكة غرور وإستمتاع
منى : أقول جلنار ..
جلنار : آمريني وتدللي يا بعد هلي كلهم …
منى : انتي ليش ما تقولي لي انك تحبيني ولا عمري سمعت منك كلمة احبك
جلنار رفعت حواجبها بإستنكار وبعدبن ضحكت وقالت : وانتي ليش مستعجلة ترى كل شي بوقته حلو ..
منى بخيبة أمل : خلاص انتظر وأشوف ..
جلنار : لا تخافين حيجي يوم وتسمعيها
جلنار بخاطرها : ايه ومحا تسمعيها إلا على جثتي
وهي قاعدة تكلم نفسها جاها خط ثاني
جلنار : أوك قلبو منى أكلمك وقت ثاني مشغولة أنا اللحين طيب ؟
منى : خلاص حبي بس لا تطولي علي وإذا دقيت عليك لا تطنشيني أوك ؟؟
جلنار : طيب يلا باي
منى : طيب قولي كلمة حلوة
جلنار تأفف بداخلها : باي عمري
وسكرت الخط بدون ما تسمع رد منى
جلنار : أعوذ بالله نشبة .. خلني أرد ع الخط الثاني قبل ما يقفل
وردت وكانت المتصلة بدور خويتها الثانية
جلنار : آلوووووو
بدور : هلاااااااا وغلا بالقاطعة
جلنار : أهليييييييين بدور وأنا أقول ليش جوالي منور اليوم
بدور : اييييييييه نصبي علي المهم أخبارك يا عسل زمان عنك
جلنار : والله انا تمام انتي اخبارك وعلومك ؟
بدور : تمام .. ها شلون حالتك النفسية اللحين ؟؟
جلنار : لا أحسن من قبل
بدور : إييييييه ما شاء الله واضح من الصوت
جلنار ضحكت بنعومة : تسلمي يا قلبي
بدور : عارفة جلنار
جلنار : اممم
بدور : خاطري مرررررره أشوفك
جلنار : ليه صوتي ما يكفيك
بدور : يا حلو صوتك كنه صوت وحده ……… ( مشفر)..ي
جلنار ضحكت ضحكة عالية بغنج : يعني هذي مدحة ولا ذمة ؟؟؟؟
بدور : ههههه بعد عمري انتي اختاري اللي يعجبك
جلنار : خلاص بعتبرها مدحة ولو إنها أقرب للذمة
بدور : أفاااااا وتتوقعي إني حيجي يوم وأذم روحي ؟
جلنار : يمكن مدري عنك
بدور : ترى ازعل ليش تظنين فيني كذا
جلنار : يؤيؤيؤ لا تزعلي ترى امزح معك
بدور : وانا أقدر أزعل
جلنار: المهم قلبي بدور معليه بس بسكر لأن فيني نووووووم
بدور : اوك قلبي نوم العوافي
جلنار : الله يعافيك يلا مع السلامة
بدور : مع السلامة
( فاصل : خلني أعطيكم نبذة عن خويات جلنار ،،،، جلنار مخاوية ثلاث بنات الاولى منى وحده نشبة هي اللي جات وتعرفت على جلنار ولزقت فيها ما تخليها لا تقعد مع صديقاتها
ولا شي وجلنار مرررره تتضايق منها وتحاول تتهرب منها قد ما تقدر بس منى ما تخليها إتصالات وإيميلات ومسجات يعني بإختصار إنسانة حدها مملة وتجيب الكآبة وجلنار بطبيعتها ما تقدر تجرح أحد فعشان كذا
هي للآن متحملتها إلى يومنا هذا ،،،، أما الخوية الثانية فهي بدور واتعرفت عليها جلنار عن طريق وحده من صديقاتها وللآن ما قد شافتها هذي عاد قصة ثانية الله يسلمها جلنار قاصة عليها وقايلة لها إنها مريضة وحالتها حالة
وابو النصب فعشان كذا صايرة بدور تراعي جلنار وطبعا بدور صارت تحب جلنار وجلنار ما تحبها لكنها تعتبرها صديقة كأي صديقة ،،، أما الخوية الثالثة نخليها لوقتها )
**************
بعد المغرب
رانية وخواتها كانوا رايحين لبيت جيرانهم في العمارة اللي جنبهم وبيت الجيران هذا ماشاءالله مليان بنات عندهم 7 بنات وولدين وطبعا كلهم يخققون يسدحوااا وكل البنات أساميهم بحرف النون
ندى : هلا والله يا حيا الله من جانا
عهود ( أخت رانية ) : حياك ربي
ندى : اتفضلوا
عهود : زاد فضلك
ودخلوا رانية وخواتها للمجلس
ندى : ها شتشربون عصير ولا قهوة ؟
عهود : أنا وفرح ( أخت رانية ) جيبي لنا عصير
ندى : وانتي يا رانية ؟
رانية : بعد عصير
ندى : اوك من عيوني دقايق وعصير الطباخة ندى واصلكم
ضحكوا البنات وراحت ندى تجيب العصير والضيافة
وشوي دخلوا باقي خواتها اللي بسن رانية وخواتها وهم نوف ونهى ونوال
نهى : وانا أقول ليش بيتنا منور
وسلمت وسلموا وراها نوال ونوف
وجلسوا ونوف عشانها قد رانية جلست جنبها
ندى دخلت بعد دقيقة : هذي الضيافة وصلت
وضيفت رانية وخواتها وبدوا البنات سوالف ورقص وضحك ووناسة وحركات عزايم البنات
نوف : أقووووووول رنو شخبارك من زمان عنك يختي وحشتيني
رانية : اللحين بعد ما خلصنا سوالف تسأليني شخباري ؟
نوف : شفت نفسنا سكتنا قلت افتح سالفة
ضحكت رانية وقالت : أنا بخير وصحة وسهالة وعلومي تمام
نوف : ها وشخبار قلبك ؟؟
رانية : شفيه قلبي ؟؟؟
نوف : يعني ما حب وما كره ما أعجب بأحد
رانية : لاا يا عيوني أنا مو مثلكم خليني كذا عذراء المشاعر
اتسدحت نوف من الضحك على كلمة عذراء المشاعر وقالت : أهم شي عذراء المشاعر المهم قومي معي للغرفة أبغى أوريك روايات جديدة من اللي يحبهم قلبك توني شاريتهم
رانية : قصدك روايات عبير
نوف : وهو فيه غيرها
رانية : يلا قومي بسرعة
نوف : أوك يلا …. وكملت وهي تكلم باقي الموجودات : بنات عن إذنكم بنروح أنا ورانية الغرفة شوي
الكل : إذنكم معكم
نوف : أكيد بنأخذ إذننا أجل بنخليها لكم
نوال : هيهيهي سخييييييييفة
وراحوا نوف ورانية لغرفة نوف ونوال
رانية : واااااااو نوف غرفتكم مره تجنن متى غيرتوا الستايل حقها
نوف وهي تحوس بالمكتب وتطلع روايات : يعني صار لها حول شهر
رانية : ماشاءالله مره مره كيوت
نوف : يسلموووووو …. اممممم شوفي هذي الروايات اللي شاريتها تو
وقعدت رانية تشوفها وشوي انتبهت على نوف وهي لا زالت تحوس بالدرج
رانية : نوف شتسوين ؟؟؟
نوف : فيه رواية وحده فيهم مدري وين راحت المشكله هي احلى وحده
ووقفت نوف كإنها تفكر بعدبن قالت : لا يكون نهى لاطشتها لأنها دايم تسويها بروح أشوف بغرفتها … خليك هنا شوي طيب ؟؟؟
رانية : طيب
وراحت نوف واتأخرت لها يمكن حق نص ساعة ورانية ملت بروحها ومهي قادرة ترجع للمجلس لانها تخاف ابو نوف يكون جالس بالصالة
رانية تكلم روحها : وين طست هذي الخايسة ؟ افففففففففف
وهي قاعدة تتحلطم انفتح باب الغرفة ودخل واحد
قصي : اقول نوف ما شفتــــ ….. وقطع جملته يوم شاف رانية أما رانية مسكينة عينها اطلعت لا تحسبون من الرعب اطلعت عيونها من هالولد اللي يخقق ويطيح الطير من السما وحتى هو مسكين إتفاجأ
قصي : ما عليه رانية سوري ما كنت أدري إنك هنا ( طبعا قصي يعرف رانية من هم صغار )
رانية ابتسمت له بنعومة ( إن كيدهن عظيم ) وقالت : لاعادي خذ راحتك
قصي رفع حاجب مستغرب : عادي أخذ راحتي ؟؟؟؟
رانية حست على دمها : هيييي انت شفيك سكر الباب ترى قالوا النظرة الأولى حلال مب التأمل
وقامت سكرت الباب بوجهه ” قوية البنت “
وسمعت اصوات بره
نوف : قصي شتسوي هنا لا يكون دخلت الغرفة ؟
قصي : ايه دخلت وانتوا ليه ما تقولوا إن فيه ضيوف عندنا
نوف : شين وقواة عين بعد
قصي بغرور : كل هذا الجمال وشين افا عليك بس
نوف : يلا روح بلا غرور زايد
قصي : أوووووه انتي بعد ما يكفي رانيوه سكرت الباب بوجهي
نوف : كفو والله رانية وبعدبن ترى اسمها رانية مو رانيوه تراها مهي بأصغر عيالك …
قصي : فكينا زيييين .. ايه صح ترى البنت مررره احلوت كبرت واتدورت وصارت انثى صراحة مره دخلت مزاجي
نوف فتحت عيونها : امداك قزيتها حشى مو عيون عليك .
قصي : قولي ما شاء الله
نوف : أقول تراك زودتها حبتين يلا استحي على وجهك ورح من هنا
قصي : واذا قلت مب رايح ؟؟
نوف : كيفك … ودخلت نوف للغرفة وسكرت الباب بوجهه
قصي عصب : انا قصي ولد ابوي يتسكر الباب بوجهي مرتين هين يا نويف
نوف تصارخ من داخل الغرفة : ترى ابوك هو ابوي بعد
ولفت
