شكلي ولبسي واهلي

يا بناات الحقني وافزعن لي انا بنبط من كثر الضيقه

تخيلن .. أخواااااااااتي × أمي

يا بنات المشكله اني احبهن احبهن احبهن … وودي يحسسني انهن يحبني بس هن كارهيني

دايما بالجمعااات مع حريم اخواني يضاايقني و يحرجني معهن ..

أنا اكبر وحده فيهن وهن 2 اصغر مني ..

وحده منهن دارسه بالجامعه والثانيه بثاني ثانوي. ..

وانا ما درست الا الابتدائيه .. والله يا بنات اني شااطره ومشره بس امي الله يسامحها طلعتني من المدرسه عشان اساعدها واربي اخواني … تخيلوا يا بناات من صغري محملتني الهم ..

كل يوم وانا عمري محااري الــ 11 اطبخ واغسل وانظف كله عشان اريح امي واخواني ..

والحين بعد ما كبرت قامن يعيرني بشكلي لاني انا قاعده بالبيت دايما .. فاقعد بقميصي بالبيت وما اغير بشكلي لاني ما اشووف احد وهن يلبسن للجامعه ويتكشخن ويجن بعيرني

وانا اللي اغسل لهم واكوي لهم ملابسهن .. والله اني سويها وانا مرتااحه عشان يذاكرن ..

اول ما يجن يا بناات من مدراسهم .. أحط غدااهن .. يتغدن ويرقدن ..وانا اللي اغسل ملابسهن واكويها لهن ..

امي طول وقتها قاااعده تخيط ولا تطلع عند اختها ولا عند جيراننا

…

أنا ما اعرف البس مثلهن بصرااحه اقولها لكن … لاني ما ا اطلع من البيت واشوف العالم

حتى الزواجات ما اروح لها كله عشان ما اعرف اشتري فستان سنع وحلو …

وهن طلبتهن يشترن لي فستااان وأبن يا بنااات .. ورااحن تخيلن مع حرمة اخووي اللي ما تعطيهم وجه ,, واختااارن الفسااتين … وهالشي يسير بكل زوااج ..

فاضطر اني اقعد عشان لا أحرج نفسي ..

ترى احنا ما علينا خلاف من نااحية الفلووس .. ابووي راعي حلال وابل …

وابوي يبناات والله انه يحبني ويحزن عليه حتى بغى يجيب شغااله واكثر من مره يعرض هالموضوع .. وامي تعيي .. تقول وش فيادة البنات …؟

والله ما يشتغل الا انا والباقيااات تقول لاهيات في دراستهن …

وانتي يا يمه خاايفه على مستقبلهن بعد ما خرجتيني من درااستي ؟؟ <<<< سؤاال محيرني ..

:::

وحريم اخواااني دايما يجيبن عياالهن عندنا والله انهم يدهكوون البيت ولما اخااصمهم انا تخااصمني امي وتقووول مو بكيفك يالجااهله ..؟ << تخيلوا تقوله لي قدام حريم اخواااني

وانا عمري 30 سنه .. يعني لييش ما تقدرني ..

::

وانا ما انخطبت مع اني والله ماني شينه واحلى خوااتي ..

ولما نقعد بقهوه بالحووش مع حريم اخواني واخواتي ..بقعدن يتكلمن عن الللبس والماكيااج و الموووضه .. والله يا بناات انهن يتغاامزن .. ويضحكن ..

انا فاهمتن زين .. بس ما اقدر ارد ..

فادخل الغرفه وابكي ويوم تدخل امي علي تقوول .. كسروا اللحي ما تكبين الدلع <<< يابناات بالله هذا دلع ..

واحد من اخواني عمرة 25 يا بنات والله هو اللي محسسني اني انساانه .. تخيلوا نزلني جده وتمشيت معه الين ما دخت يوم اهلي ساافروا الشرقيه يملكون لاخوي ..

حتى والله انه هو اللي سجل بالمنتدى وشرى لي كمبيوتر صغير

واخوي الصغير عمره 10 سنين تخيلن يلعطني .. يعني يرفس ولا يخبطني على ظهري .. لان امي يا بنات معطيته وجه .. وان قلت له شي يكبر كلاام ويجرحني والله .. انا والله اني حسااسه مره يعني اقل كلمه تزعلني

عشان كذا اتجنبه وكلامه فاذا لعطني اسكت عشاان ماا يسمعني لا هو ولا امي كلام يجرحني

بكره يا بنات شبكة اخوي وفي الشرقيه هي واهلي رااحوا من الاسبوع الي فات عشاان تجهيزات

ويوم الثلاثاء رجعت انا واخوي من جده << تونست فيها الله يسعده

وقلت له ما ابغى اروح للبيت ما فيه احد .. وجابني عند خيلاااني .. وانا اكتب لكن من عندهن